Sociale

Ministrja e Arsimit: Teknikat e reja rrisin cilësinë e mësimdhënies në gjuhën angleze

Sot u organizua ceremonia e ndarjes së certifikatave të 250 mësuesve, të cilët u trajnuan nga Korpusi i Paqes në bashkëpunim me ASCAP për mësimdhënien e gjuhës angleze në klasat e para.

Në këtë ceremoni merrnin pjesë Ministrja e Arsimit dhe Sportit Evis Kushi, Ambasadorja e Shteteve të Bashkuara të Amerikës Yuri Kim, Drejtoresha Rajonale e Korpusit të Paqes për Evropën, Mesdheun dhe Azinë Rebecca Gong Sharp, Drejtoresha e Korpusit të Paqes Shqipëri & Mali i Zi Megan Wilson, Drejtoresha e USAID në Shqipëri Mischere Kawas, si dhe Drejtori i Agjencisë së Sigurimit të Cilësisë në Arsimin Parauniversitar Gerti Janaqi.

Ministrja Kushi theksoi se kjo iniciativë është në përputhje të plotë me Strategjinë Kombëtare të Arsimit 2021-2026, sepse rrit cilësinë në mësimdhënien e gjuhës angleze, kësaj gjuhe globale e cila tashmë është një domosdoshmëri për integrimin në shoqërinë e këtij shekulli.

Ajo shtoi se këta mësues tashmë janë më të informuar rreth teknikave të reja të mësimdhënies për të angazhuar dhe mbajtur nxënësit e rinj, dhe gjithashtu kanë mësuar se si të promovojnë dhe rrisin bashkëpunimin në mënyrë që të ndërtojnë kapacitete dhe të ndajnë përvojat.

Kushi ka falënderuar për mbështetjen qeverinë amerikane, USAID dhe Vullnetarët e Korpusit të Paqes për kontributin në realizimin e këtij trajnimi dhe rritjen profesionale të mësuesve.

Në këto 26 trajnime të zhvilluara në mbarë vendin midis marsit dhe qershorit 2022, u realizuan falë partneritet mes Ministrisë së Arsimit dhe Sportit, Korpusit të Paqes së Shqipërisë dhe Malit të Zi, si dhe ASCAP, me mbështetjen e USAID.

Disa nga temat e trajtuara ishin: Përfitimet nga mësimi i hershëm i gjuhëve të huaja; menaxhimi i nxënësve të rinj; teknikat e mësimdhënies për të angazhuar nxënësit e rinj; promovimi dhe rritja e bashkëpunimit për të ndërtuar kapacitete dhe për të shkëmbyer përvoja, etj.

Sociale

Vjen oferta e parë për futbollistin e Milanit, ai është…

Sharl De Ketelare ishte padyshim një nga blerjet më të dështuara sezonin e kaluar, me mesfushorin belg që erdhi te Milani për 35 milionë euro, ku në 40 ndeshje nuk shënoi asnjë gol dhe dha vetëm një asist.“Djalli” duket se nuk ka më besim te 22-vjeçari dhe është në pritje të ofertave për të.Duket se e para ka ardhur nga Seria A, me Atalantën që ka shfaqur interes për belgun.Siç bëjnë me dije mediat italiane, bergamaskët janë të gatshëm që ta huzazojnë me të drejtë blerje De Ketelaren, teksa Milani ende nuk ka dhënë asnjë përgjigje.

Sociale

Shqetësimi qytetar/ Rrugët e Dibrës si Kandahari (VIDEO)

Peshkopi/ Dibëra si Kandahari. Në redaksinë e NTV.AL vjen shqetësimi qytetar.

Jo vetëm rrugët e shkatërruara por edhe trotuaret po i veshtiresojne jeten njerezve. Femijeve po iu rrezikohet jeta cdo dite kur shkojnë në shkolle, pasi te dy krahet e trotuareve jane te bllokuara nga makinat qe tregtojne ushqime dhe tezgat e ambulanteve qe shesin. Bulevardi i qytetit te sjell ndermend kandaharin e famshem ne Afganistan. Edhe pse ankesat iu jane bere te ditura autoriteteve, prej policise bashkiake te Dibrës, nuk po merret asnje mase

Video e derguar nga nje qytetar

Sociale

Protestë në Bërxullë, banorët përplasje me FNSH

Banorët e Bërxullës në Rinas kanë tentuar ditën e sotme të bllokojnë aksin Rinas-Tiranë duke protestuar për rrugën që po ndërtohet në tokën e tyre. Protesta ka agravuar dhe në ndihmë të forcave të rendit kanë mbërritur edhe grupet e FNSH-s duke bërë të mundur edhe lirim e rrugës.

Banorët janë shprehur se shteti po u grabit tokat e tyre dhe nuk po i dëmshpërblen me çmimin që duhet dhe se ato po na vjedhin.

Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier. Ata thonë se kompania Gener2 që ka fituar projektin me koncesion për 35 vite, në kundërshtim me ligjin, ka nisur punën në terren pa pasur një leje ndërtimi. Banorët pretendojnë se nuk kanë marrë asnjë njoftim lidhur me projektin, e as për shpronësimet. Janë rreth 200 banorë të Fushë-Prezës dhe Bërxullës, të cilët preken nga shkatërrimi i pronave dhe tokave bujqësore. Një pjesë e këtyre banesave ende janë në proces legalizimi, ndërsa për tokat bujqësore kanë çertifikatë pronësie.

Sociale

Bllokohet Rruga e Kombit, banorë ngrihen në protestë

Banorët e qytetit të Rubikut janë ngritur në protestë në shenjë kundërshtie për bllokimin e hyrjes së rrugës në anën lindore.

Banorët e zonës janë mbledhur të gjithë para Rrugës së Kombit, ndërsa pohojnë se penalizohen nga ky vendim.

Sipas tyre me bllokimin e hyrjes së rrugës, ata ngelen të izoluar. Pjese e protestës është bërë dhe deputeti i Partisë Demokratike, Kastriot Piroli.

Sociale

Vendimet e qeverisë/ Nga 1 tetori dyfishohet ndihma ekonomike

Ministrja e Shëndetësisë Ogerta Manastirliu ka deklaruar se duke nisur nga 1 tetori do të dyfishohet ndihma ekonomike.

‘Nga 1 tetori do të dyfishohet ndihma ekonomike. Dua të ndalem në këtë mbështetje që qeveria po jep për skemën e ndihmës ekonomike për përfituesit e saj janë mbi 64 mijë familje.

Do mbështeten për energjinë elektrike personat të cilët kanë status me aftësi të kufizuar, të cilëve u rritet masa e mbështetjes për energjinë elektrike. Kjo masë mbështetje shkon nga 2000 mijë lekë në 3000 mijë lekë. Nga kjo mbështetje përfitojnë 12 mijë persona.’- u shpreh Manastirliu.