Artan Lame
Sulltanëve Osmanë ju desh ta rrethonin tri herë Krujën, për ta marrë pastaj në rrethimin e katërt. Ajo që ndodhi para pak ditësh me rrethimin e SHQUP-it, mund të quhet e të hyjë pa frikë në historinë e arbërve, si Rrethimi i Pestë i Krujës.
Le të shohim pse nuk ju vajti mbarë sulmonjësve ky rrethim.
Më i madhi gabim strategjik i rrethuesve kësaj rradhe, ishte që, pasi të vendosnin rrethimin, lejuan që jashtë rrethimit të mbeteshin forca që, në momentin vendimtar mund të ndërhynin në favor të të rrethuarve.
Sulltan Murati II e provoi fort mbi lëkurën e vet se ç’do të thoshte kjo gjë. Duke sjellë një ushtri gjigande përreth Krujës, ai lejoi që jashtë saj të mbetej masa kryesore e trupave të Skënderbeut, të cilat sa herë që Osmanët nisnin sulme kundër mureve të qytetit, t’i godisnin në shpinë.
Por gabimet e rrethuesve kishin nisur që më parë. Ndër parimet bazë strategjike të përdorura qoftë në rrethime e qoftë ndër betejat fushore, është: “Kurrë mos lufto me një lumë në shpinë”.
Këtë parim shtabi i luftës e injoroi, duke i pozicionuar masivisht trupat e veta midis kështjellës së Shqupit dhe Lanës. Kjo bëri që, kur ju desh të tërhiqeshin nën sulmin e policisë, të detyroheshin të shpërndaheshin pa rregull ose të dorëzoheshin për të mos u mbytur në ujërat aspak të pastra të Lanës.
Por që në krye, përgatitja e fushatës kishte shfaqur problemet e veta. Plaçka që synohej të fitohej gjatë rrethimit të Krujës ishte shumë e vogël, krahinat përreth ishin djegur e plaçkitur me kohë dhe këto bënin që ushtarët turq të sulmonin muret e Krujës pa entusiazëm, pasi ishin të ndërgjegjshëm që brenda saj pak gjë kishte për të plaçkitur.
Edhe në rastin e Shqupit, entuzizmi i sulmuesve bazohej kryesisht mbi poste hipotetike (policë, doganierë, inspektorë, etj) të disponueshme në pritje të një fitoreje të ardhme, ndërsa plaçka e menjëhershme nuk dukej asfare premtuese: ca karrige, ndonjë kompjuter, llambadarë, etj.
Rrethuesi duhet gjithmonë të sigurojë në mos miqësinë, të paktën neutralitetin e popullsisë përreth kështjellës së rrethuar. Në rastin e Krujës, popullsia e krahinave përreth ishte masakruar keqazi, ndërsa ajo e mbetur ishte e etur për hakmarrje. Kjo bënte që sulltan Murati të gjendej vazhdimisht midis një mjedisi që mezi priste t’i binte në shpinë, e jo ta ndihmonte.
Edhe në rastin e Shqupit, popullsia përreth ishte përgjithësisht e irrituar, bllokimi i rrugëve, zhurma dhe kaosi i krijuar, perspektiva e zymtë në rastin e fitores së sulmuesve, etj. Duke mos patur mbështetjen e popullsisë vendase, rrethuesve ju munguan edhe informacionet nga terreni që, në çastin e sulmit të Policisë do të kishin qenë shumë në nevojshme.
Edhe përsa i përket armatimit dhe pajimeve, nuk u mbajt parasysh mësimi që nxorri sulltan Murati II në rrethimin e parë dhe sulltan Mehmeti II në rrethimin e dytë të Krujës, ku garnizoni i rrethuar ishte i pajisur me armët më moderne të kohës, pasi ishte i përbërë kryesisht nga ushtarë profesionistë napolitanë dhe venecianë me armatimet moderne në dispozicion.
Nga pikëpamja llogjistike rrethimi i Shqupit ishte i përgatitur mirë, pasi trupat e sulmit ishin të pajisura me armë dhe mjete rrethimi konvencionale (shkallë, qysqi, varè, shtiza, gurë, litarë, trarë, hunj, drunj, çakmakë, etj). Por nga ana tjetër edhe të rrethuarit ishin të pajisur me mjete moderne, madje nga ato që ju mungonin rrethuesve, si fikëse zjarri, gaz lotsjellës, sprai djegës. E vetmja gjë që ju mungonte ishte të kishin edhe një sasi zifti të valuar.
Mësimi tjetër shumë i rëndësishëm strategjik, që nuk u mbajt parasysh nga rrethuesit, ishte: “Kështjellat nuk merren me sulm, por me rrethim”. Historia e luftrave na mëson se vetëm 20% e kështjellave janë marrë me sulme frontale, pjesa tjetër, mbi 80%, janë pushtuar me rrethime të gjata, duke pritur me durim kur të rrethuarve t’u sosen të ngrënat, ose të bëjnë duva për marrëveshje.
Por sulltan Murati në kushtet e Arbërisë, gjendej në situatën që kishte shumë pak kohë, një ose dy muaj të beharit për të rrethuar Krujën, se pas kësaj kostot njerëzore dhe financiare, fillimi i sezonit të shirave, etj, e bënin të pamunduar vazhdimin e rrethimit. Në këto kushte ai detyrohej që pasi të vendoste rrethimin, të fillonte sulmet e pasosura ndaj mureve të thepisura, sulme që nuk i bënin fajde dhe e bënë të plaste nga marazi.
Edhe rrethuesit e Shqupit e injoruan këtë mësim. Duke dashur të mbaronin punë sa më shpejt, ata u mjaftuan të lëshonin sulme të dëshpëruara kundër mureve, pa patur asnjë mundësi të mposhtnin lartësinë e tyre, madje edhe të zmbrapsesim në një apo dy raste, kur elementë të avancuar ja dilnin të kapnin pika të veçanta të avancuara mbi mure.
Do të ishte dashur që sulmuesit të instalonin një kamp rrethimi sipas gjithë rregullave ushtarake, me çadra fushimi, roje e shpalosje, duke mbajtur parasysh që edhe eksperienca për këtë zanat nuk ju mungonte, nga ngritja e çadrave në Bulevard gjatë rrethimeve të mëparshme të Kryeministrisë.
Skënderbeu dikur, për të shkurajuar sulmuesit, kishte përdorur edhe taktikën e “fallco ngopjes”, sipas të cilës, në kulmin e urisë që po mbërthente të rrethuarit, rrokullisi që lart mureve poshtë një mushkë të ushqyer plot me grurin e fundit të mbetur në kështjellë. Barku i plasur i mushkës prej nga derdhej gruri i sapongrënë, shërbeu për të dekurajuar turqit, të cilët menduan se Kruja i kishte ende hambarët plot ushqime, qëkur e harxhonte grurin edhe për mushkat.
Këtë taktikë e përdorën me sukses edhe të rrethuarit e Shqupit, duke filluar të flakin jashtë bedenave mallra me vlerë, si tavolina e karrige, apo duke shprazur gaz lotonjës paprerë në hava, sikur të kishin aty brënda fabrikën e gazit.
Të vijmë tani në pikën kyçe të rrethimit. Më së fundmi rrethuesit ja dolën të çajnë barierat mbrojtëse të katit të parë, por aty u gjendën përpara pamundësisë për të depërtuar në katin e dytë dhe vijuan të humbasin kohë duke ardhur vërdallë nëpër korridore dhe duke u dhënë pas plaçkës së momentit.
Një njësi e veçantë e tyre (në rolin e jeniçerëve të qëmotit) pasi shkatërroi portën anësore të blinduar të kalasë nga ana e Xhamisë, u sul brenda për t’u gjendur pastaj në një sheshpushim të vogël, përmes të cilit me shkallë shkohej në katin e dytë. Por mu në majë të këtyre shkallëve, u gjendën përpara një porte të dytë të blinduar dhe që në kushtet e pjertësisë, ngushticës dhe errësirës do të ishte shumë e vështirë të çahej.
Dhe këtu ishte harruar një nga principet më të thjeshta dhe të njohura të ndërtimit të kështjellave: “Portat e dyfishta me oborr ndërmjetës”. Zor se mund të gjendet kala në botë, që hyrjen e saj nuk e ka të ndërtuar me sistemin “Portë e jashtme – oborr – portë e brendshme”. Ky sistem e bën shumë të vështirë pushtimin e kështjellave në pikën e tyre më delikate, që është porta.
Me ç’duket, të rrethuarit e Shqupit, duke studiuar me laps në dorë librat e moçëm të rrethimeve mesjetare, e zbatuan këtë parim duke ndërtuar një portë të dytë në krye të shkallëve. Këtë portë rrethuesit, që nuk dukej të ishin nga ata që e shkonin kohën e lirë duke kënduar libra, nuk e dinin dhe nuk ishin përpjekur të mbanin një sistem spiunimi efikas që do t’ua kishte sjellë si informacion.
Të gjendur përpara kësaj porte të dytë, sulmuesve ju desh të humbasin shumë kohë dhe forca për të arritur t’ja gjejnë dermanin, por pikërisht në çastet e fundit kur kjo portë po binte dhe të rrethuarve nuk ju mbetej më mbrojtje dhe do të gjendeshin para kapitullimit, ata, të rrethuarit, bënë të fundmen gje që kishin në dorë, i ranë telefonit dhe kërkuan ndihmën e Policisë.
Ashtu sikundër dikur Gjergji, pas shënjave me flakë e tym që i bënin nga kalaja, zbriste nga malet me kalorësinë e tij në shpinë të hordhive turke në kulmin e sulmit të tyre mbi muret e Krujës. Dhe ashtu sikundër suksesi i Skënderit ishte i padyshimtë, edhe suksesi i Policisë ishte i sigurtë. Rrethonjësit u tërhoqën të çoroditur dhe të lodhur me policët në shpinë, pastaj u hallakatën keqazi buzë skarpatave të Lanës të pafuqishmë për të riorganizuar qëndresën.
Kjo ishte e gjitha. Historia është libri mëmë që duhet ta këndojnë të gjithë prijësit, në daç ata që janë e në daç ata që duan të jenë, edhe kur lëftojnë në shekullin e XV, por edhe kur lëftojnë në shekullin XXI sikur me qenë në shekullin XV.
Janë publikuar përgjigjet e lotarisë amerikane për vitin 2025.
Të gjithë ata që kanë aplikuar për lotarinë amerikane, mund të kontrollojnë rezultatet nëse janë shpallur fitues në faqen e llotarisë amerikane në linkun dvprogram.state.gov.
Ju duhet të keni kodin e konfirmimit për të kontrolluar përgjigjet e lotarisë amerikane. Emrat fitues nuk publikohen nëpër gazeta apo faqe interneti.
Ju duhet ta kontrolloni vetë statusin e aplikimit duke vendosur verification number i cili duhet të fillojë me 2025.
Drejtoria e Policisë në Elbasan ka reaguar pas lajmeve se në dalje të autostradës “Tiranë-Elbasan”, është bllokuar lëvizja. Policia sqaron se nuk ka asnjë bllokim të automjeteve por ka ngadalësim të lëvizjes, për shkak të fluksit të automjeteve që vijnë nga Tirana në drejtim të Elbasanit.
Gjithashtu iu bëhet thirrje drejtuesve të automjeteve të tregojnë durim, të qëndrojnë në radhë dhe të mos kryejnë parakalime të gabuara, duke u kthyer në burim për përfshirje në ngjarje rrugore apo për bllokim të lëvizjes në të dy kahet e rrugës.
Reagim i Drejtorisë Vendore të Policisë Elbasan
Në lidhje me një lajm të publikuar në media, sipas të cili në dalje të autostradës “Tiranë-Elbasan”, është bllokuar lëvizja, ju informojmë se:
Nuk ka bllokim të qarkullimit të automjeteve, por ka ngadalësim të lëvizjes, për shkak të fluksit të automjeteve që vijnë nga Tirana në drejtim të Elbasanit.
Shërbimet e Qarkullimit Rrugor ndodhen në terren dhe vijojnë intensivisht punën për menaxhimin e qarkullimit të automjeteve.
Drejtuesit e automjeteve të tregojnë durim, të qëndrojnë në radhë dhe të mos kryejnë parakalime të gabuara, duke u kthyer në burim për përfshirje në ngjarje rrugore apo për bllokim të lëvizjes në të dy kahet e rrugës.
SPAK përfundoi këtë të premte hetimet dhe dërgoi për gjykim dosjen “Metamorfoza” ndaj biznesmenit Pëllumb Gjoka, i akuzuar për vrasje dhe grup të strukturuar, si dhe të bashkëpunëtorëve të tij, mes tyre një prokuror dhe dy funksionarë policie.
Veç Gjokës, për gjykim janë dërguar edhe të pandehurit Behar Brajoviq; Edmond Preka; Astmer Bilali; dy zyrtarët e policies, Ardit Hasanbegaj dhe Oltian Bistri, si dhe prokurori Xhevahir Lita.
Por në fund të njoftimit, SPAK, thotë se ka veçuar dosjen për personat e tjerë që dyshohen si të implikuar, për të cilët nuk është ekzekutuar ende masa e sigurisë. Një prej tyre është edhe i shumëkërkuari Ervis Martinaj, i cili vazhdon të jetë i zhdukur prej rreth dy vitesh.
“Ndërkohë, për personat e tjerë nën hetim, bashkëpunëtorë në kryerjen e veprave penale të mësipërme, për të cilët nuk janë ekzekutuar akoma masat e sigurimit të miratuara nga Gjykata e Posaçme e Shkallës së Parë për Korrupsionin dhe Krimin e Organizuar, për fakte të tjera kriminale, si dhe për persona të tjerë të përfshirë në aktivitete kriminale, që kanë rezultuar gjatë veprimeve hetimore të kryera në këtë procedim penal, është vendosur ndarja e çështjes penale dhe vazhdojnë të jenë ende në fazën e hetimeve paraprake.”, thuhej në njoftimin e SPAK.
Ervis Martinaj shfaqet në bisedat me Behar Bajrin, të cilit i kërkon vrasjen e Gjin Ndojit. Dhjetëra operacione janë bërë për gjetjen e Martinaj, por deri tani nuk kanë arritur në asnjë konkluzion zyrtar në lidhje me fatin e tij.
Misteri i zhdukjes
Ervis Martinaj njihej si njeriu që jetonte mes biznesit të lojrave të fatit dhe botës të krimit të organizuar.
Më 9 gusht 2022, 41-vjeçari humbi kontaktet me rrethin e tij shoqëror dhe familjar, çka solli që një ditë më pas në 10 Gusht xhaxhai i tij Rakip Martinaj të kallëzonte në policinë e Laçit, rastin e humbjes së kontaktit me nipin.
Shijaku ishte pika e fundit e ndalesës së tij, duke hyrë në banesën e një të njohuri A.A. Shijaku mban të fshehur misterin nëse Ervis Martinaj është gjallë apo e kanë vrarë.
Për një periudhë gati 2-vjeçare emri i Ervis Martinajt, ka ngjallur kureshtje, duke e ndarë opinionin publik, median dhe policinë, mes misterit nëse është i gjallë apo është i vdekur.
Prokuroria e Laçit dhe më pas ajo e Lezhës po kryejnë hetime për akuzën e “Rrëmbimit dhe zhdukjes së personit”. Por deri në këtë fazë nuk është bërë e mundur të gjendet asnjë provë apo sinjalizim.
Njerëzit e fundit që shoqëronin Ervis Martinaj nga Tirana në Durrës dhe anasjelltas, ishin e dashura e tij Sadete Kokomani dhe punonjësi i policisë, Jeton Lami.
Ky i fundit u arrestua për “Shpërdorim detyre” dhe më pas u dënua nga gjykata e Lezhës me dy vjet e 10 ditë burgim.
E megjithëse Prokuroria e Lezhës, për rastin Martinaj po kryen hetime në pistën e rrëmbimit dhe zhdukjes së personit, nga ana tjetër SPAK, brenda 1 viti ka iniciuar 4 procedime penale kundër tij, duke i vendosur 2 masa sigurimi “Arrest në burg”.
Dy herë në kërkim brenda vitit
Nga maji 2022 deri në korrik 2023, Ervis Martinaj është shpallur dy herë në kërkim nga SPAK, si person i implikuar në sigurimin e kushteve për të vrarë Endrit Doklen, Kleant Musabelliut dhe vrasjen e Gjin Boriçit në Shkodër.
Një masë tjetër është dhe inicimi i një hetimi pasuror, duke vendosur sekuestrimin e pasurive të biznesmenit dhe familjarëve të tij. Ndërkohë një proces tjetër është iniciuar në SPAK pas dyshimeve të përfshirjes së tij në trafikun e kokainës nga Amerika Latine në Europë.
Njëherësh në prokurorinë e Lezhës, në shtator 2022 Martinaj rezulton të jetë marë i pandehur së bashku me Nikolin Nikën, për “Heqjen e paligjshme të lirisë” ndaj 64-vjeçarit Nikoll Buna. Por pas të gjitha këtyre dosjeve penale të lindura brenda 1 viti, Ervis Martinaj, nuk ka dhënë asnjë sinjal që ekziston.
Bashkëshorti i 39-vjeçares me iniciale A. A. ka kallëzuar se e shoqja është larguar nga banesa, ndërsa policia po punon për gjetjen e gruas dhe fëmijëve të tyre të mitur.
“Më datë 03.05.2024, shtetasi E. A., 31-vjeç, banues në Shkodër, ka kallëzuar se është larguar nga banesa, bashkëshortja e tij, shtetasja A. A., 39-vjeçe, së bashku më 3 fëmijët e tyre të mitur. Po punohet për gjetjen e tyre”, raporton policia.
Kryepiskopi i Tiranës, Durrësit dhe të gjithë Shqipërisë, Fortlumturia e tij Anastas Janullatos ka uruar të gjithë besimtarët ortodoksë në prag të Pashkëve.
Kryepiskopi flet edhe për më shumë dashuri në vendin tonë, ‘të cilin shpeshherë e mundojnë mërzitë, përçarjet, armiqësitë, sëmundjet e rënda, krizat e shumëllojshme. Besimi i krishterë na fuqizon me një siguri të plotë’, thekson Fortlumturia e tij në mesazhin e Pashkëve.
Mesazhi i plotë:
Kryepiskopi i Tiranës, Durrësit dhe i Gjithë Shqipërisë
Mposhtja E Hidhërimeve Me Fuqinë E Ngjalljes
“Të njoh atë me fuqinë e Ngjalljes së tij” (Fil. 3:10)
Ηimni ngjallësor: “Krishti u ngjall së vdekurish, me vdekje vdekjen shkeli…”, ende kumbon ngadhënjyes dhe ngushëllues në mes të errësirës së melankolisë, të shkaktuar nga ngjarjet e dhimbshme në Ukrainë, Gazë, Sudan, Haiti dhe në vende të tjera të botës, madje edhe këtu, në mjedisin tonë, të cilin shpeshherë e mundojnë mërzitë, përçarjet, armiqësitë, sëmundjet e rënda, krizat e shumëllojshme. Besimi i krishterë na fuqizon me një siguri të plotë. Ne e dimë se jemi të brishtë, që e mbajmë “këtë thesar (të besimit) në enë prej balte” (2 Kor. 4:7-8), por kjo ndodh “që të dalë në pah se kjo fuqi tejet e madhe vjen nga Perëndia, jo nga ne”.
Periudha e Pashkës, me një mënyrë të veçantë dhe përmes një përjetimi personal, na fton t’i afrohemi Krishtit, që pëson dhe ngjallet: “Që ta njoh atë dhe fuqinë e Ngjalljes së tij, të marr pjesë në pësimet e tij dhe të bëhem i ngjashëm me të në vdekjen e tij” (Fil. 3:10). Dy të vërteta na e ndriçojnë udhën drejt një marrëdhënieje më të ngushtë me atë që pësoi dhe u ngjall: Pranimi për të marrë pjesë në pësimet e Tij dhe të qenit i ngjashëm me të në vdekjen e Tij. E kemi theksuar edhe herë tjetër se Ngjallja nuk është diçka që vjen më vete, që vjen pas Kryqit, por gjendet brenda Kryqit, brenda pësimit, kur e pranojmë atë ashtu siç e pranoi edhe Krishti. Dhe anasjelltas, përjetimi i Ngjalljes kërkon gjithnjë si kusht paraprak të bëhemi të ngjashëm me Krishtin e kryqëzuar dhe të ngjallur.
Kjo pjesëmarrje në Pësimet dhe Ngjalljen e Tij forcon qëndresën tonë, në mënyrë që të mos na përpijë depresioni dhe dëshpërimi. Himni triumfal themelor, që kumbon fort brenda nesh – “Krishti u ngjall së vdekurish, me vdekje vdekjen shkeli…” – është shpallja kryesore e besimit të krishterë orthodhoks dhe përmbledh domethënien më të thellë të Mishërimit të Birit dhe Fjalës së Perëndisë. Këtë përvojë të dyfishtë, të Kryqit dhe të Ngjalljes, e përjetojnë dëshmorët e Kishës sonë ndër shekuj. Edhe ne “le të ecim me durim në betejën që na pret, duke soditur Jisuin, që është kreu i besimit tonë dhe ai që e bën atë të përsosur” (Heb. 12: 1-2).
Duke lavdëruar me mirënjohje Perëndinë Triadik gjatë periudhës paskale, le ta shtojmë përpjekjen tonë, në mënyrë që ta përjetojmë këtë bindje dhe le të përçojmë ngushëllim në mjedisin tonë me dhembshuri.
Krishti u Ngjall, vëllezërit e mi!
Pashkë të bekuara, me shëndet, durim dhe mendësi kryqngjallësore!
Çnjerëzore/19-vjeçarja lind foshnjen në tualetin e konviktit dhe e hedh në kosh
Çmenduri/ Romeo dhe Erjola të lidhur bashkë? Graciano plas skandalin
TRONDITET rrjeti/ Juli shokon Romeon: Kam bërë ALEANCË me Heidin
“Javën tjetër do të shpërthejë keq”/ Çfarë po parashikon Meritoni?
Aksident në autostradën Tiranë-Durrës, makina përfundon mbi trafikndarëse
“Ky është surrati jot, sherrosesh me Romeos”/ Françeska i kthehet keq Gracianos
Gjatë kësaj të shtune do të keni mundësi që të tregoni më shumë kujdes për lidhjet ndërpersonale
Ndarja e Kosovës mbi tavolinë, alarmon eksperti amerikan: Është e vështirë të imagjinohet se…
