Aktualitet
‘SPAK ka prekur telat e dikujt…’, çfarë fshihet pas lajmit të kërcënimit të Altin Dumanit
Shtimi i forcave të sigurisë rreth Drejtuesit të Prokurorisë së Posaçme (SPAK), Altin Dumani, ishte lajmi i ditës në të gjithë mediat shqiptare.
Në shumë media u aludua se shtimi i forcave të sigurisë për ruajtjen e Altin Dumanit mund të lidhet për shkak të detyrës, si dhe mund të ketë patur kërcënime.
Por menjëherë pas këtij lajmi pati dhe një reagim nga ana e Ministrit të Brendshëm, Taulant Balla, i cili tha se në bisedën që ka patur me Drejtorin e Përgjithshëm të Policisë së Shtetit, Muhamet Rumbullaku, tha se nuk ka patur asnjë sinjal se drejtuesi i SPAK mund të jetë kërcënuar me jetë.
Nëse kjo që thotë Balla është ashtu siç thuhet, atëherë përse u pa e arsyeshme që të shtohet numri i forcave të sigurisë për ruajtjen e Dumanit, ku përveç Gardës në ruajtjen e tij të bëjnë pjesë edhe efektivë policie?
Një tjetër pyetje që lind është se përse Altin Dumani po lëviz me makinë të blinduar kohët e fundit?
Mbi të gjitha pikëpyetjet e ngritura sot në media dhe opinionin publik, se përse gjithë kjo “zhurmë” për ruajtjen e Dumanit, analisti Lutfi Dervishi, i ftuar në A2Cnn ka dhënë një version më pranë të vërtetës.
Sipas Dervishit, gjatë gjithë kësaj periudhe kemi parë se krimi ka qenë bashkëpuntor me politikën, ku shpesh edhe ësthë ulur në parlament, por asnjëherë nuk ka arritur të godasë në nivele të larta.
Dervishi theksoi se nëse lajmi që forcat e sigurisë janë shtuar ndaj Dumanit pasi ndihet i kërcënuar, atëherë kjo tregon se SPAK ka prekur telat e dikujt, nëse jo, atëherë ky është një mesazh i fortë.
”Krimi shqiptar deri më tani ka treguar se ka bashkëpunuar me politikën, por nuk ka guxuar të prekë apo godasë në këto nivele. Pra, krimi shqiptar nuk ka tentuar të godasë në nivele të larta siç janë prokurorët e SPAK. Nëse është lajm i vërtetë atëherë do të thotë se SPAK ka prekur telat e dikujt, por nëse nuk është e vërtetë do të thote se është një spin, nje mesazh i dikujt”, tha Dervishi.
Aktualitet
Peshkaqenët e kredive – Nga Ola Xama
Nuk ka asnjë vlerë sqarimi se sa ishin kreditë me probleme në vitin 2014 dhe sa u ulën. Nuk ka asnjë vlerë të sqarohen masat që u morrën dhe nuk ka asnjë vlerë të shitet për sukses ulja e përqindjes të kredive me probleme.
Pyetja kryesore që shtrohet në këtë mes është se kush fitoi dhe kush humbi nga Plani Kombëtar për Reduktimin e Kredive me Probleme? Nga të dhënat e disponueshme deri në vitin 2020, dimë që bankat e nivelit të dytë i shitën Micro Credit Albania 85 milion euro detyrime, dhe për këtë shumë u paguan 5.2 milion euro. Pra bankat rikuperuan vetëm 6.1% të detyrimeve, shumë që krahasuar me nivelin e fitimeve të tyre ( e pjesëtuar me 16 që ishte numri i bankave në atë vit) është e papërfillshme.
Bankat gjithashtu mbajnë normë më të lartë interesi për kreditë pa kolateral, pikërisht për shkak të riskut që llogaritin te këto produkte. Efekti i humbjes nga kreditë që nuk kthehen, shpërndahet te ato që performojnë mirë dhe për sa kohë sistemi ka patur fiteme, niveli i kredive të këqija nuk ka qënë problem.
Kreditë mund të fshiheshin nga bilanci dhe pa licensuar kompanitë e mbledhjes së borxhit, sepse bankat në vetvete nuk rikuperuan shumë pak. Disa rritën kapitalin dhe s’ folën, pasi askush nuk dëshironte të hapte temën e korrupsionit të kredive.
Pra rrezikun e ka marrë tjetër kush, humbjet i ka paguar banka dhe klientët e rregullt te amortizimi që i është bërë riskut te norma e interesit, dhe fitimet i merr një subjekt tjetër. A e shpjegon dot kush këtu logjikën financiare? Nëse jo, skema është ndërtuar për përfitime të një grupi njerzish, të cilët duke shfrytëzuar padijen dhe pafuqinë e qytetarëve kanë zhytur mijëra familje në varfëri!
Aktualitet
Sa persona jetojnë në një kilometër katror? Shqipëria dhe Tirana, rekord në rajon
Në kryeqytetin shqiptar, në një kilometër katror jetojnë 562 persona. Në Tiranë, dendësia e popullsisë për kilometër është më se pesë herë më e lartë sesa mesatarja e vendit. Pas Tiranës, vjen Shkodra, me 251 banorë për kilometër katror. Më pak banorë ka Gjirokastra, me vetëm 21. Në krahasim me vendet e tjera të rajonit, kryeqyteti shqiptar ka dendësinë më të lartë të popullsisë, sipas të dhënave që bëhen publike nga Eurostat. Me diferencë të ngushtë është Beogradi i Serbisë (536), i ndjekur nga Shkupi i Maqedonisë së Veriut (536).
Edhe si shtet, Shqipëria dominon në rajon, me 99 banorë për një kilometër katror. E dyta vjen Serbia me 90.5, e ndjekur nga Maqedonia e Veriut me 73.7. Mali i Zi, i cili raportohet vetëm si shtet, ka një dendësi prej 45.6 banorësh për një kilometër katror, ndër më të ulëtat në Europë. Të dhënat për Kosovën dhe Bosnjë Hercegovinën mungojnë.
Në Tiranë rritet dendësia e popullsisë, në Shqipëri bie
Pas viteve ’90, kryeqyteti ka qenë një magnet për të tërhequr banorët që vinin nga rrethet. Tirana dhe Durrësi janë të vetmet që kanë shënuar emigracion të brendshëm, ndërsa qytetet e tjera kanë parë një rënie të vazhdueshme të popullsisë, për shkak të rënies së emigracionit dhe të lindjeve. Sipas Eurostat, në krahasim me vitin 2012, dendësia e Tiranës është rritur me 18%, ose me 84 banorë më shumë për një kilometër katror. Ndërkohë për gjithë vendin dendësia e popullsisë ka rënë me rreth 2% për të njëjtën periudhë.
Sipas Eurostat, dendësia e popullsisë në BE varion nga 18 në 1,693 njerëz për km². Dendësia e popullsisë, që do të thotë numri i njerëzve për kilometër katror (km²), ishte mesatarisht 109 persona për km² në BE në vitin 2022. Kjo vlerë ndryshonte ndjeshëm midis vendeve të BE-së. Dendësia më e lartë e popullsisë u vu re në Maltë (1 693 persona për km²), e ndjekur nga Holanda (518) dhe Belgjika (384). Nga ana tjetër Finlanda (18 persona për km²) dhe Suedia (26) kishin dendësinë më të ulët të popullsisë.
Krahasuar 2022 me 2002, ka pasur një rritje të densitetit të popullsisë në 18 nga vendet e BE-së, me rritjen më të madhe në Maltë (nga 1 255 në 1 693 persona për km²), Luksemburg (nga 173 në 253) dhe Belgjikë (341 në 384). Rumania (95 me 81) dhe Bullgaria (71 me 60) patën uljet më të mëdha. Mesatarisht në BE, dendësia e popullsisë u rrit nga 105 persona për km² në 109 gjatë kësaj periudhe./ Monitor
Aktualitet
SPAK po mbledh të dhëna nga vendet e BE-së për pasuritë e Ilir Metës
Gazetarja Anduena Llabani tha se SPAK është në pritje të letërporosive nga vende të ndryshme të BE-së në lidhje me pasuritë që janë (apo dyshohet se janë) në emër të Metës dhe familjes së tij.
Po ashtu Llabani bëri me dije se hetimet për çështjen CEZ DIA janë drejt fundit.
“Oltion Bistri ka qenë punonjës në partinë e drejtuar nga Meta. Mendoj që jo rastësisht këta njerëz marrin këta pozicione. Politika i vendos ata, i katapulton, i përdor ata.
Oltrion Bistri mund të jetë një thesar sa i përket fakteve se si funksionojnë sot lidhjet mes politikës dhe krimit.
Janë në pritje të letërporosive.
SPAK është duke mbledhur të dhënat nga vendet e huaja në lidhje me pasuritë që janë, apo dyshohet se janë në emër të Metës dhe familjes së tij.
Çështja ndaj Metës për Çez Dia është drejt fundit”, tha ajo
Aktualitet
Veshi xhubletën në diplomimin në Amerikë, 22-vjeçarja me origjinë shqiptare: Përfaqëson identitetin tim
22-vjeçarja Mary Camaj, e cila është e sapodiplomuar në Shkenca Politike në Universitetin e Kolumbisë në shenjë falënderimi për të parët e saj, veshi xhubletën në ditën e diplomimit.
Ajo tërhoqi shume vëmendjen dhe fotot e saj u shpërndanë edhe në mediat shqiptare apo nga personazhe te ndryshëm.
Ne Amerike ajo punon për ish-këshilltarin e qytetit të Nju Jorkut dhe kryetari i Këshillit Koordinues të Diasporës, z. Mark Gjonaj.
Ajo tregoi se përse kishte zgjedhur të vishej me veshjen tradicionale në diplomimin e saj në Shtetet e Bashkuara të Amerikës.
Ndërsa për ceremoninë e diplomës, kemi pasur një ditë të caktuar për të bërë fotot, nuk ka qenë dita e ceremonisë. Unë erdha shkova në shkollë dhe vesha xhubletën, jam ndier shumë krenare se xhubleta nuk është vetëm simbol i Malësisë së Madhe por i gjithë shqiptarisë”,-tha Camaj.
Aktualitet
Ngjarja shokuese në Durrës/ U mor peng nga babai, 6-vjeçari tregon momentet e tmerrit
Dy fëmijët e mitur të Aleks Markut kanë përjetuar orë tmerri, pasi 40-vjeçari nga Lezha i mbajti peng në një banesë të marrë me qira ditore në Durrës, ndërsa qëllonte pa pushim me kallashnikov.
Djali i vogël, 6 vjeç, ka treguar gjithë skenën që ka parë, duke thënë se i ati qëllonte pa pushim, duke thyer xhamat e dritares dhe ballkonit, ndërsa shenjat e plumbave janë të dukshme edhe në mur.
Djali i madh, 11 vjeç ka qenë vazhdimisht në rrezik të plumbave pasi ndodhej në ballkon dhe fshihej pas murit, teksa i ati qëllonte me breshëri.
6-vjeçari thotë se edhe pse vëllai i thoshte “babi, babi, ai nuk fliste”.
-
Bota24 hours ago
Tronditëse/ Të shtëna me armë, plagoset kryeministri…
-
Pinknews22 hours ago
Fituan 100% të buxhetit/ Egla Ceno bën kërkesën e veçantë që u mbështet nga banorët
-
Bota23 hours ago
Kryeministria sllovake: Fico është qëlluar disa herë, ndodhet në gjendje të rëndë për jetën
-
Bota23 hours ago
Atentati ndaj Kryeministrit sllovak/ Reagon Von der Leyen: Akte të tilla s’kanë vend në shoqërinë tonë
-
Kosova3 hours ago
Sisteme të avancuara të mbrojtjes ajrore për FSK-në në Kosovë
-
Bota22 hours ago
Atentati/ Presidenti i zgjedhur sllovak: I tmerruar nga sulmi ndaj kryeministrit Fico
-
Kosova5 hours ago
Kjo është shqiptarja që u vra në Athinë nga ish- burri, zbulohet e shkuara dhe konfliktet e vazhdueshme në familje
-
Horoskopi10 hours ago
Mos kërkoni vetëm nga partneri dashuri sot sepse edhe ai do doje…