TRUMP KERCENON TE HEDHE NE ERE IRANIN

Presidenti i SHBA-së, Donald Trump, e ka zgjatur armëpushimin me Iranin vetëm disa orë para se armëpushimi i brishtë të skadonte, por u zotua të ruajë bllokadën detare, duke e përdorur atë si një mjet për të detyruar Teheranin të bëjë një marrëveshje.

“I kam udhëzuar ushtrinë tonë të vazhdojë bllokadën dhe, në të gjitha aspektet e tjera, të mbetet e gatshme dhe e aftë, dhe për këtë arsye do ta zgjas armëpushimin deri në kohën kur të paraqitet propozimi i tyre dhe diskutimet të përfundojnë, në një mënyrë ose në një tjetër”, shkroi Trump në Truth Social të martën.

Më herët të martën, zëvendëspresidenti JD Vance pritej të udhëhiqte delegacionin amerikan në Islamabad, së bashku me të dërguarit e Trump, Steve Witkoff dhe Jared Kushner. Megjithatë, udhëtimi u pezullua pasi zyrtarët iranianë thanë se bisedimet ishin të pakuptimta për sa kohë që Uashingtoni vazhdonte “ngacmimet” e tij .

Presidenti amerikan më vonë pretendoi se Uashingtoni nuk do ta hiqte bllokadën sepse “nëse e bëjmë këtë, nuk mund të ketë kurrë një marrëveshje me Iranin, përveç nëse e hedhim në erë pjesën tjetër të vendit të tyre, përfshirë udhëheqësit e tyre!”