Aksidentohet autobusi me refugjatë ukrainas në Poloni, pesë fëmijë dhe një i rritur dërgohen me urgjencë në spital

Një autobus me refugjatë ukrainas është aksidentuar mëngjesin e së enjtes në një rrugë nacionale në Poloni.

Si pasojë, siç raportojnë mediat e huaja, pesë fëmijë dhe një i rritur u shtruan në spital, tha policia.

“Në autobus ishin 73 persona. Në Kolonia Siedliszczki, automjeti doli papritur nga rruga, ra në një kanal dhe u përmbys”, ka raportuar të enjten oficerja e shtypit Elwira Domaradzka nga selia e policisë së qarkut në Świdnik.