ZYRTARE/ ‘Djajtë e Kuq’ largojnë nga ekipi CR7

Manchester United ka vendosur të largojë Cristiano Ronaldon. “Djajtë e Kuq” e kanë njoftuar këtë vendim nëpërmjet një komunikimi zyrtar në websiten e klubit. Bëhet me dije se palët kanë gjetur marrëveshjen me CR7 për largimin e menjëhershëm.

“Cristiano Ronaldo do të largohet nga Manchester United me marrëveshje të përbashkët, me efekt të menjëhershëm. Klubi e falënderon atë për kontributin e tij të jashtëzakonshëm në dy periudha në Old Trafford, duke shënuar 145 gola në 346 paraqitje dhe i uron atij dhe familjes së tij mirë në të ardhmen. Të gjithë në Manchester United mbeten të përqendruar në vazhdimin e përparimit të ekipit nën drejtimin e Erik ten Hag dhe të punojnë së bashku për të dhënë sukses në fushë”, njofton United.

Pas intervistës së fundit të Ronaldos ku tregonte për mosrespekt të klubit ndaj tij, United ka vendosur masën drastike. Kujtojmë se sulmuesi është në grumbullim me Portugalinë në Botërorin e Katarit, teksa mbetet pa ekip. Kontrata e tij me klubin skadonte në fundin e sezonit.