REAGIM
Artistë pensionistë apo artistë patronazhistë
Gazetari Agim Xhafka e ka cilësuar darkën e kryeministrit Edi Rama me artistët dhe personalitet shqiptare të dalë në pension si një veprim turpërues nga ana e tij.
Xhafka u shpreh se ai u jep një pension lëmoshë pensionistëve të cilët pa ndihmën e fëmijëve të tyre nuk do të arrinin dot të kalonin as javën.
Artistët sipas tij janë kthyer nga artistë në patronazhistë dhe po ktehehen në shërbëtor të partisë ashtu si në kohën e komunizmit.
“ARTISTË PENSIONISTË APO ARTISTË PATRONAZHISTË?”
Dje në median shqiptare u dha lajmi, kryeministri Rama dhe zonja e tij shtruan një darkë për artistë dhe personalitete që janë në pension. Pas darke usta Rama që nuk e le rastin të bjerë në tokë, botoi një album me foto nga gazi dhe hareja e elitës shqiptare me të. Ra në sy si kulm i darkës puthja që një artist i dha atij në ballë.
Në fakt Rama ndaj i ftoi, t’i turpëronte. Pasi u jep një pension lëmoshë, që pa ndihmën e fëmijëve të tyre këta artistë nuk ngrysin dot javën, u ndau rolet si regjisor me përvojë. Të bëjnë atë që kanë bërë ndër vite e vite. Sërish të shërbejnë si shërbëtorë të partisë e të qeverisë.A nuk u tha Enveri këtyre, krijoni drama për kolektivizimin e bujqësisë se do i le fshatarët pa tokë? A nuk i porositi, bëni ore këngë për jetën e lumtur? A nuk i nxiti të shanin kapitalizmin? A nuk na çoi tufa-tufa në teatër të shihnim sukseset e socializmit e në shtëpi darka jonë qe një gotë çaj dhe gjumë me barkun bosh?
Ja, fiks si atëhere u mblodhën pensionistët shërbëtorë. Qeshën dhe puthën kryeministrin paçka se djemtë dhe vajzat e vendit ikin me gomone me dallgëve të tërbuara, paçka se çmimet kapën qiellin, paçka se ai që puthën na mbyti në borxhe, paçka se shkollat tani janë me katër turne, paçka se ajri në qytet helmon edhe gjarpërin pa u afrua,paçka se jemi shteti më i varfër i Ballkanit.
Dje artistët pensionistë luajtën një rol të ri. Partia u dha të shkruar fjalët që ata do të thonë në filmin e zgjedhjeve që do shfaqet më 14 maj. E ata premtuan se si përherë do ishin gati. Në krah të dhunuesve si 50 vjet më parë. Por tani do kishin një profesion tjetër. Do quheshin jo artistë, por patronazhistë. E sipas kontributit në qershor ndoshta presidenti do i dekorojë me: ”Patronazhist i Popullit” apo “Patronazhist i Merituar”.
Dje në darkë artistët hëngrën e hëngrën si të babëzitur. Ne që i pamë na i sollën zorrët te gryka…”/
OPINION
‘Kryeministri i shikon vartësit si minj’/ Reagim i fortë nga Endi Tafani
OPINION
“Fajet” e Albinit, si shërbeu Shqipëria për përkëdheljen e Serbisë
Nga Enton Abilekaj
Nuk është e lehtë të kuptohet çfarë ndodh brenda dhomës ku Albin Kurti ulet me orë të tëra përballë Aleksandar Vuçiç. Jo për herë të parë, pjesëmarrësit pas takimit jepnin informacione kundërshtuese, por për herë të parë, Kryeministri i Kosovës, u quajt fajtor edhe nga përfaqësuesi i lartë i BE, Borrell dhe nga lehtësuesi i bisedimeve, Lajçak. Për herë të parë Vuçiç u paraqit kontruktiv dhe vullnetmirë, ndërsa Kurti, ishte i detyruar të replikonte edhe me Lajçak, duke mos e njohur më si palë të tretë, të paanshme.
Një herë e parë jo e papritur. Që nga takimi i parë, kur Vuçiç u shokua nga 5 pikat e Kurtit, ekuilibrat kanë ndryshuar ndjeshëm. Konflikti në Veriun e Kosovës dhe qëndrimi i Përëndimit në favor të Serbisë që dërgoi banditët për të rrethuar komunat, ishte një këmbanë konfirmimi, për të gjithë ata që kishin filluar të dyshonin se përkëdhelja deri në joshje që po i bëhej Serbisë, mund ta sakrifikojë edhe Kosovën. Se ndryshimi i ekuilibrave perëndimore nuk mund të fshihet më kur ka ndryshuar kahje. Replikat e Kurtit me Blinken apo Osmanit me Macron, janë vetëm episode groteske të një përplasjeje krejt të pabarabartë, që konfirmojnë se Kosova është tashmë pa plan, pa aleatë, në një betejë vendimtare.
Nuk dihet sa është përgjegjësia e Kurtit në këtë ndryshim të qëndrimeve perëndimore, por është e vështirë të besohet se sjellja e tij do të përcaktonte strategjinë e Perëndimit në Ballkan. Me kokëfortësinë e tij të vënë në dukje edhe nga liderët perëndimorë, ka tërhequr vëmendjen, ka acaruar nervat dhe ka ndërprerë një projekt, të paktën përkohësisht, por nuk mund të përmbyste kurrsesi një strategji të hartuar në kushtet e rikompozimit të Botës dhe rireshtimit të fuqive të mëdha, që po reflektohet në luftën e Ukrainës.
Serbia që e ka patur gjithmonë statusin e një trupi europian me kokën në Moskë, për herë të parë që nga ekzistenca, po trajtohet si një shtet sovran, si një trup që mund të braktisë kokën, ose ta ndërrojë me një tjetër në Bruksel. Në këtë përpjekje më shumë se të guximshme të Perëndimit, për fat të keq ka ndihmuar edhe Shqipëria.
Që në fillimin e kësaj ideje, Tirana zyrtare, i ka dhënë statusin e një shteti paqësor, sovran dhe europian Serbisë. Takimet e shpeshta me Vuçiçin, më pas projekti për shkëmbimin e territoreve, pastaj iniciativa e Novi Sadit që u shndërrua në Ballkan i Hapur, i dha Vuçiçit statusin e njeriut paqësor, që ndan vlera perëndimore dhe mund të jetë i pavarur nga Putini dhe Beogradi mund të jetë qendra politike e Ballkanit Perëndimor, me kushtin që Tirana të ishte e dyta.
Përveç kësaj, me Ballkanin e Hapur, por edhe më parë me politikat e hapjes ekonomike, Shqipëria i siguroi Serbisë një treg shqiptar për të çliruar energjinë e investimeve të huaja përfshirë Ruset dhe Kinezet në miliarda dollarë. Kështu, flirtimi i hapur i Serbisë me Rusinë dhe Kinën, në vend ta izolonte, e shndërroi Beogradin në qendrën ekonomike të Ballkanit Perëndimor.
Me statusin e qendrës politike dhe ekonomike të Rajonit, Serbia mund të negocionte me Perëndimin më shumë se të dyja shtetet shqiptare. Ky nuk ishte avantazhi i vetëm strategjik që Edi Rama i fali Vuçiçit. Përveç fuqizimit të Serbisë, i dhuroi edhe përçarjen e shqiptarëve. Ai e izoloi Ramush Haradinajn në Berlin, pastaj Thaçin dhe Hotin për Ballkanin e Hapur, deri te konfikti me Albin Kurtin që u shpalos qartë pikërisht në momentin kur Kosovës i duhej më shumë Shqipëria.
Konflikti në Veri e gjeti Kosovën më të vetmuar se kurrë, pasi Edi Rama anuloi mbledhjen e përbashkët të dy qeverive në Gjakovë, duke shënuar sanksionimin e parë të Kosovës.
Sot, kur konstatohet me dëshpërim kapërcimi spektakolar i Perëndimit nga Kosova te Serbia, nuk mund të lihet pa u thënë se një dorë e ka dhënë Shqipëria, të paktën në 8 vitet e fundit, kur ideja e rehabilitimit filloi të hidhej në tregun ndërkombëtar.
Ashtu si tha në Bruksel që nuk duhet bërë presion ndaj Serbisë për t’ i vënë sanksione Rusisë, ashtu si bëri në kulmin e krizës duke sanksionuar Kosovën dhë në analizën e fundit përpara nisjes për në New York, ku shprehu qëndrimin neutral të Shqipërisë dhe paqartësinë e pafajshme të Serbisë, Edi Rama ka ndihmuar, me aq sa ka patur fuqi, që gradualisht të shkohej aty ku jemi sot.
E vetmja mundësi që i ka mbetur Kosovës së vetmuar, është të rezistojë derisa të mos jetë më e njëjta situatë. Të paktën derisa Kosova ta ketë Shqipërinë në krah.
OPINION
Dhuna e fisit Rraja me shkopa bejsbolli/ Dervishi ironizon: Ishte thjesht film
Prokuroria e Tiranës ka lehtësuar akuzën për grupin e fisit Rraja që rrahu me shkopa bejsbolli dy persona, nga “plagosje e rëndë me dashje, në bashkëpunim në “plagosje të lehtë me dashje”.
Në fakt edhe kështu duket se po i bien në qafë personave me “shkopa bejsbolli”, prokurorët e kanë patur kohën e mjaftueshme, sepse çudia më e madhe zgjat vetëm tri ditë! Prokurorët mund të thonin se ishte “keqkuptim” ose ishte një film, me saktë një “skenë filmi”.
Nuk ka patur nevojë prokuroria të priste disa muaj për të administruar ”provat” për të arritur në këtë konkluzion provat janë sheshit dhe i kanë parë të gjithë me përjashtim të prokurorëve sylesh.
E gjitha ka qenë një keqkuptim. Personat me shkopa bejsbolli po luanin film. E xhiruan vetë skenën (provohet lehtësisht kamera, regjia) madje jo vetëm e xhiruan, por edhe e publikuan.
Nëntë persona me shkopa bejsbolli thjesht kanë shkuar për të xhiruar një film, dhe si në çdo film ajo që duket si “rrahje brutale” në fakt është aktrim i klasit të lartë.
Sikundër e panë të gjithë aty kishte edhe një pistoletë, edhe një shkop gome krahas “shkopave të bejsbollit”, u dëgjuan edhe thirrje “vrite, vrite”, ulërima dhe rënkime. Të gjitha këto janë prova të qarta se ka qenë film, ndryshe mos o Zot nuk mund të fyhen kaq shumë 9 burra të armatosur me armë dhe hunj dhe t’u thuhet se keni kryer “plagosje të lehtë”?! Eshtë turp. Njeriu për një burrëri jeton. Vetë te akuzuarit nuk duhet ta pranojnë këtë turp.
Tani që sipas prokurorëve gjenial, kemi të bëjmë me një “plagosje të lehtë”,
a duhet t’i kthehet mandati deputetit Rrahaj?
A duhet të reflektojë kryeministri Rama dhe të kthejë në detyrë ministrin e Brendshëm Çuçi?
A duhet të kthehen në punë policët e përjashtuar, oficerët e policisë të transferuar për një “plagosje të lehtë”?
Po tre personat e shpallur në kërkim a do t’i kërkoj kush falje?
Po media a duhet të kërkojë falje për raportimin?
Po lajmet për nisjen e hetimit ndaj guroreve a duhen përgėnjeshtrua sot?
P.S. Të ndaluarit për këtë ngjarje janë thjesht njerëz të pafat. Nëse viktima e tyre do të ishte ndonjë prokuror, pra prokurori të provonte në kurriz “shkopat e bejzbollit, shkelmat dhe qytën e pistoletës”, atëherë çështja do të zgjidhej me burrni dhe nuk do të ndodhte gjithë ajo tollovi që mori kokën e ministrit të Brendshëm dhe fytyrën e kryeministrit.
P.S. 2. A e dinë prokurorët kaqolë se çfarë është terrori dhe akti terrorist? Është ushtrimi i dhunës si mjet për të perhapur panik dhe frikë…
Aktualitet
E veshur me bikini dhe e mbuluar me çokollatë, imazhi i gruas në restorantin italian shkakton reagime të forta
Një grua me bikini qëndron e shtrirë mbi tavolinë, me trupin e mbuluar me çokollatë.
Kjo ishte panorama që u ofrohej pushuesve në një resort luksoz në Golfo Aranci në Sassari të Italisë. Një turist që kishte zgjedhur këtë resort postoi foton në profilin e tij në Linkedin në 15 gusht, ku i indinjuar thotë se “trupi femëror është shfaqet si objekt”.
Të menjëhershme kanë qenë reagimin në rrjet, teksa njerëzit kritikojnë zgjedhjen e resortit.
“Mbeta pa fjalë duke parë këtë skenë, në tavolinë një vajzë ‘me kostum çokollateje”, e shtrirë mes ëmbëlsirave”, shkruan sipërmarrësi nga Lombardia.
“Si është e mundur që të lejohen sjellje të tilla, ku trupi i një gruaje, i një punëtoreje, barazohet me atë të një enë për të kënaqur syrin djallëzor të dikujt”, shton ai.
Pas postimit të biznesmenit, erdhi reagimi i hotelit, ku kërkon ndjesë dhe shkruan se “jemi të përkushtuar për të ruajtur vlerat e përbashkëta”.
“Kemi lexuar me shumë vëmendje postimin që keni publikuar në lidhje me episodin fatkeq të ndodhur në resortin tonë gjatë mbrëmjes së 15 gushtit. I kërkojmë ndjesën më të sinqertë familjes vajzës dhe të gjithë klientëve. Duam të theksojmë se çdo ditë jemi të përkushtuar për të praktikuar vlerat e deklaruara, ndër të cilat si prioritet është respekti për bashkëpunëtorët dhe mysafirët tanë. Na vjen keq për incidentin dhe dëshirojmë të ritheksojmë me vendosmëri se kurrë nuk kemi pasur qëllim të përfaqësojmë vlera të tjera përveç atyre që përqafojmë me vendosmëri. Ne do të vazhdojmë të punojmë që situata të tilla të mos përsëriten në të ardhmen”, shkruhet në reagimin e hotelit./topchannel
OPINION
Turistët italianë ikën pa paguar/ Dervishi: Pjepri e ka bishtin prapa
-
Aktualitet21 hours ago
Aksidenti në Kuç-Qeparo, niset me helikopter drejt Traumës një prej çiklistëve
-
Kronike24 hours ago
E rëndë në Itali, 56-vjeçarja shqiptare përplaset për vdekje nga shoferja e dehur
-
Pinknews21 hours ago
“Mbajeni TV-në ndezur!”/ Ç’po paralajmëron Sara Gjordeni?
-
Pinknews2 hours ago
SE*KS pas finales së BBV? Ilnisa dhe Meritoni bëjnë deklaratën e fortë
-
Kronike7 hours ago
I biri ngiste makinën me 160 km/h/ “Ku është djali, nuk është gjallë ai”, nëna kërkon të birin pas aksidentit, humb ndjenjat
-
Kosova22 hours ago
‘Spiune e Kosovës te Vuçiç’/ Milaim Zeka hedh akuza të forta ndaj kësaj politikanie
-
Kronike24 hours ago
Skema e mashtrimit me mikrokreditë në vlerën 7.2 mln euro/ Gjykata jep masa sigurie për 9 persona
-
Pinknews20 hours ago
“A jeni gati?”/ Ja cila ish-banore i bashkohet shtëpisë së “BBV3” sonte