LAJMI I FUNDIT
Berisha-policëve: Mos i provokoni protestuesit se do kemi probleme serioze! Janë paqësorë
Sali Berisha i ka bërë thirrje policëve që të mos provokojnë protestuesit se do të kenë probleme serioze. Po ashtu thekson se revolucionin do ta arrijnë përmes paqes, jo dhunës.
“Ata duan parlamentin për të votuar ligje sipas trafikantëve, e duan parlamentin vetëm e vetëm se si e si mund të forcojnë lidhjet e tyre me krimin e vjedhjen për të miratuar marrëveshje. Ne problem kemi Edi Ramën dhe pa e larguar atë s’ka gjykatë, as drejtësi, as të drejta të njeriut. Edhe atyre i them mos i provokoni protestuesit se janë paqësorë. Në provokimin e parë do të kemi probleme serioze. Beni mirë të vendoseni ku është trau, jo këtu te rruga. Po mbroni një bunker të krimit, të fjalës së ndaluar. Është revoltë, komunikim, forcë. Nuk ka forcë më të madhe në botë se paqja. Jo dhunës. Duhet të keni besim që revolucioni ynë do fitojë”, tha Berisha.
Berisha thumbon ambasadoren amerikane Yuri Kim: Ka edhe McGonigalë me imunitet diplomatik, pengje korrupsioni të Ramës
Ish kryeministri, Sali Berisha ka thumbuar edhe ambasadorët e huaj në Shqipëri duke deklaruar se shumë prej tyre janë ‘McGonigalë të veshur me imunitet diplomatik’.Me deklaratën e bërë, Berisha duke mos përmendur emër por duke nënkuptuar ambasadoren amerikane Yuri Kim, tha se në Shqipëri ka ambasadorë që janë pengje korrupsioni të Ramës.
“McGonigal i cili tradhëtoi vendin e tij po tradhëtar ka kudo, u pagua si vrasës me pagesë për të shkatërruar opozitën me qëllim të vetëm për pushtetin e Edi Ramës ku të vidhte dhe të vinte gjoba pasanikësh shqiptarë. Të gjitha këto për pushtetin që sipas tij mbështetej nga institucioni i FBI. Në pamje të parë ai ishte një armik, i egër i opozitës shqiptare. Por, nuk punuan më pak për pushtetin e Edi Ramës edhe Gonigalë tëtjerë. Kujtoni deklaratat e Gonigalëve me imunitet diplomatik. Ata ishin pengje korrupsioni të Edi Ramës. Që tani struken, se mos u dalin lidhjet e Gonigalit. Mos u strukni u them, dilni se për shqiptarët jeni Gonigalët e vërtetë.
Pankarta në protestën e thirrur nga Berisha: Faktet dolën, dorëheqja detyrim
“Rama ik, Rama ik” ishin thirrjet e protestuesve që mblodhi Sali Berisha para Kuvendit, ku nuk ndalën brohoritet kundër qeverisë.
Ndërsa në një prej pankartave që kanë zgjedhur për këtë protestë shkruhet: “Faktet dolën, dorëheqja detyrim!”
Berisha para protestuesve: Parlamenti është kthyer në bunker të fjalës së ndaluar! Këta i urrejnë qytetarët, i takojnë vetëm 1 herë në 4 vite
Sali Berisha ka mbajtur fjalën para protestuesve duke thënë se parlamenti është kthyer në bunker të fjalës së ndaluar dhe akuzon qeverinë se futen në xhepat e qytetarëve. Po ashtu thekson se anëtarët e mazhorancës i urrejnë qytetarët dhe i takojnë vetëm një herë në 4 vite kur duan votën.
“Ju protestoni sot për çdo shqiptar i cili ka në vetëdijen e tij të çmuara idealet e lirisë. Ju protestoni këtu sot për çdo shqiptar dhe protestoni për çdo shqiptar i cili beson se parlamenti duhet të jetë tempulli i demokracisë dhe jo bunkeri i fjalës së ndaluar. Ju protestoni sot për çdo shqiptar, i cili beson pavarësisht se për cilën forcë politike ka votuar, por beson se aty në parlament, ata që përfaqësojnë opozitën janë për t’ia thënë të vërtetat në sy qeverisë. Ju protestoni sot për të gjithë ata shqiptarë të cilët dëgjojnë për një mori të pafundme aferash dhe duan të dinë të vërtetën e vjedhjeve të këtyre qeveritarëve, protestoni për të gjithë ata shqiptarë, të cilët pavarësisht nga bindjet politike shkëpusin nga vetja bijtë e zemrës dhe i nisin në vendet e huaja. Ju protestoni sot për të gjithë shqiptarët që duan të besojnë se Shqipëria është vend i bekuar. Ky është revolucioni i shqiptarëve, jo i PD.
Pse ky parlament nga tempull i fjalës së lirë është shndërruar në bunker të fjalës së ndaluar? Shumë thjesht, çdo hajdut që të futet në shtëpi për të vjedhur, nëse e kap në flagrancë tenton dhe të të vrasë. Këta në shtëpitë tona nuk futen direkt si banda, por në xhepat tona, taksat tona, këta vjedhin natën e ditën, vjedhin në terr, në mesditë, çdo javë e muaj. Njëlloj si hajdutët që futen në shtëpi me urrejtje, i urrejnë qytetarët. Asnjëherë s’takohen me qytetarët”, tha Berisha.
Berisha: Merr fund çdo përpjekje për të denigruar familjen shqiptare
Tensione/ Flamurtari humbet në sfidën me Besën, tifozët e zhgënjyer futen në fushë!
Studimi: Çamçakëzi çliron mikroplastikë në gojë
A po e “korporatizon” Donald Trump Amerikën dhe çka e pret Shqipërinë me Kosovën?
Elon Musk shpërthen nga Firenca: Duam tregti të lirë me Europën, jo tarifa “Trump”
“Me ne apo me baltën?”/ Spiropali vë në sprovë elektoratin: Po e çojmë Shqipërinë në BE
Tarifat e SHBA bashkojnë Francën me Anglinë/ Stramer dhe Macron kundër kaosit ekonomik global
