Chelsea/ Blutë njoftojnë transferimin e dytë të Pochettinos

Sulmuesi francez bëhet transferimi i dytë i Mauricio Pochettino pas blerjes së të riut Kendry Paez. Christopher Nkunku i është bashkuar Chelseat.   Marrëveshja prej 52 milionë paundesh ka qenë në fuqi për shumë muaj pasi negociatat u zhvilluan në fillim të këtij viti. Nkunku ka nënshkruar një kontratë gjashtëvjeçare me Blutë. Për transferimin e tij, ai tha: “Jam jashtëzakonisht i lumtur që i bashkohem Chelseat. “U bë një përpjekje e madhe për të më sjellë në klub dhe mezi pres të takoj trajnerin dhe shokët e mi të ri dhe t’u tregoj tifozëve të Chelseat se çfarë mund të bëj në fushë. “Duke luajtur në Ligue 1 dhe Bundesligë, tani dua të luaj në Premier League, një nga ligat më të forta në botë. “Jam shumë i emocionuar për këtë sfidë dhe do të jem krenar të vesh fanellën e Chelseat”. Nkunku është një produkt i të rinjve të Paris Saint-Germain dhe ka luajtur 78 herë për klubin. Në vitin 2019 ai u transferua te RB Leipzig dhe ka impresionuar, duke ndihmuar skuadrën të kualifikohet në Ligën e Kampionëve katër herë radhazi dhe të fitojë kupa vendase radhazi.