Surpriza e Premier Ligës, vihet seriozisht pas Asllanit

Pak javë më parë, trajneri i Brajtonit, De Zerbi ishte në një drek me drejtorin sportiv të Interit, Ausilion. Mediat raportuan se në tavolinë nuk u diskutua asnjë moment për merkaton por ishte më shumë një drekë mes miqsh.

Por, si duket gjërat janë më të thella. Brajtoni është duke kërkuar me çdo kusht shërbimet e Kristjan Asllanit dhe drejtuesit e klubit anglez janë të interesuar për çmimin e futbollistit. Megjithatë, përgjigja e Interit ka qenë e menjëhershme dhe nuk ka interes që Asllani të largohet nga Seria A.

Për të marrë shërbimet e mesfushorit shqiptar, Brajtoni duhet të paraqesë një ofertë të majme, në mënyrë që të Interi të tundohet. Në rast tjetër, mediat italiane e bëjnë të sigurt se Asllani është i paprekshëm.