Kepa portieri më i ri i Real Madrid

Dëmtimi që Thibaut Courtois pësoi në prag të fillimit të kampionatit, bëri që Real Madridi të transferojë një portier tjetër. Kepa Arrizabalaga mbërrin në Spanjë për të zëvendësuar portierin e “los blancos”.

Këtë e ka bërë të ditur vetë Real Madridi përmes një postimi në rrjetet sociale ku prezantohet ish-gardiani i Chelsea. Skuadrat me njëra-tjetrën kanë rënë dakord për huazimin e Kepas deri në qershorin e vitit të ardhshëm.

Ditën e nesërme, portieri spanjoll do të prezantohet si lojtari më i ri i “los blancos”. Kepa kërkohej në këtë merkato dhe nga Bayern Munchen si zëvendësuesi i Neuer, por zgjodhi Real Madrid.