Zelenskyy mbërrin në Athinë, pritet nga kryeministri Mitsotakis

Presidenti ukrainas Volodymyr Zelenskyy, ka mbërritur në Greqi për bisedime me udhëheqjen e vendit, ku do të marrë pjesë në një takim jozyrtar të liderëve ballkanikë me zyrtarë të lartë të Bashkimit Evropian.

Zelenskyy u takua me kryeministrin grek, Kyriakos Mitsotakis, dhe ishte planifikuar të takohej me presidenten, Katerina Sakellaropoulou.

Në mbrëmje, Zelenskyy do t’i bashkohet një darke joformale të organizuar nga Mitsotakis për zyrtarët e lartë nga nëntë vende të Ballkanit, shkruajnë mediat e huaja.

Darka është planifikuar për të diskutuar të ardhmen e rajonit të Ballkanit Perëndimor në BE, të cilit shumë vende tashmë i janë bashkuar dhe pjesa tjetër po përpiqet të hyjë.

Greqia është bashkuar me partnerët e saj të NATO-s dhe BE-së, në mbështetjen e fuqishme të Ukrainës kundër pushtimit rus, dhe ka ofruar ndihmë ushtarake në formën e transportuesve të blinduar të personelit dhe municioneve.

Por Athina i ka rezistuar presionit për t’i siguruar Kievit një sistem raketash të mbrojtjes ajrore, të prodhuar nga Rusia, të vendosur në ishullin jugor të Kretës. Greqia është e angazhuar në një program të saj të konsiderueshëm të prokurimit të armëve mes marrëdhënieve të vështira me Turqinë fqinje – aleatin e saj në NATO dhe rivalin historik rajonal.