BOMBA E VERËS/ Rodri vishet kuqezi: Barcelona dhe City mbyllin marrëveshjen për 75 milionë euro

Telenovela e Rodrit ka marrë fund. Barcelona ka arritur marrëveshjen me Manchester Cityn për transferimin e mesfushorit spanjoll, i cili pritet të bëhet pjesë e skuadrës katalanase nga sezoni 2026/27.

Sipas mediave spanjolle dhe gazetarit Fabrizio Romano, marrëveshja është mbyllur për 75 milionë euro, përfshirë bonuset, ndërsa Rodri do të firmosë një kontratë katërvjeçare me Barcelonën.

Pas marrëveshjes mes drejtuesve sportivë Deco dhe Hugo Viana, tashmë mbeten vetëm procedurat e fundit: dokumentacioni, vizitat mjekësore dhe firma e futbollistit për zyrtarizimin e një prej transferimeve më të bujshme të verës.

Negociatat nuk kanë qenë aspak të lehta. Manchester City e nisi me një kërkesë prej 90 milionë eurosh, ndërsa Barcelona kishte ofruar fillimisht 45 milionë euro plus bonuse.

Katalanasit rritën ofertat gradualisht, ndërsa City uli pretendimet. Pas disa raundeve negociatash, Barcelona bëri ofertën e saj të fundit prej 70 milionë eurosh, duke mbetur vetëm 10 milionë euro larg kërkesës së anglezëve.

Në fund, palët gjetën kompromisin: 75 milionë euro.

Vendimtar në këtë histori ishte edhe vetë Rodri. Mesfushori spanjoll refuzoi ofertën e Real Madridit dhe zgjodhi Barcelonën, duke i dhënë klubit katalanas avantazhin në garën për shërbimet e tij.

Manchester City kishte shpresuar ta mbante lojtarin dhe të rinovonte kontratën, por dëshira e Rodrit për t’u transferuar në Barcelonë ndryshoi rrjedhën e negociatave.

Fakti që Rodri nuk u përfshi në ndeshjen e Community Shield ndaj Arsenalit ishte një tjetër sinjal se largimi i tij nga Manchester City ishte tashmë shumë pranë.

Kampioni i Botës dhe fituesi i Topit të Artë është gati të nisë një kapitull të ri në Spanjë. Barcelona ka fituar garën. Rodri është në prag të “Camp Nou”-t.