PAMJE TË RËNDA/ Momenti kur një diplomat izraelit u godit me thikë në mes të rrugës në Pekin

Momente paniku u shpalosën në mes të një rruge në Pekin kur një burrë i paidentifikuar sulmoi dhe goditi me thikë një diplomat izraelit.

Në video shihet se autori përleshet me viktimën dhe e hedh në trotuar, para se ta godasë me thikë, para syve të habitur të kalimtarëve. Viktima më pas ngrihet dhe largohet nga vendi i ngjarjes, ndërkohë që edhe autori largohet duke çaluar. Punonjësi i ambasadës izraelite në Pekin u dërgua në spital pas sulmit.

https://twitter.com/AdityaRajKaul/status/1712770124615155936?ref_src=twsrc%5Etfw%7Ctwcamp%5Etweetembed%7Ctwterm%5E1712770124615155936%7Ctwgr%5E867d2ac569af812448713152e37d5970a4722e7b%7Ctwcon%5Es1_&ref_url=https%3A%2F%2Fboldnews.al%2F2023%2F10%2F13%2Fpamje-te-renda-diplomati-izraelit-qellohet-me-thike-ne-mes-te-rruges-ne-pekin%2F

Sipas një deklarate të lëshuar nga Ministria e Jashtme e Izraelit, burri është shtruar në spital në gjendje të qëndrueshme, ndërsa po hetohet për motivin e sulmit, i cili nuk ndodhi në ambasadë.

Ministria e Punëve të Jashtme dhe Këshilli i Sigurisë Kombëtare të Izraelit lëshuan një paralajmërim dje të enjten për të gjithë izraelitët dhe hebrenjtë që jetojnë jashtë vendit që të jenë veçanërisht të kujdesshëm ditën e premte, për shkak të thirrjes së dërguar nga Hamasi  drejtuar mbështetësve të saj në mbarë botën për të marrë pjesë në të ashtuquajturën  “Dita e tërbimit” .

Protestat pro-palestineze që do të mbahen në vende të ndryshme mund të rezultojnë në incidente të dhunshme që synojnë izraelitët dhe hebrenjtë, thuhet në paralajmërim.