Aksident në Lushnjë, mjeti del nga rruga e përfundon në kanal

Vijon të mbetet problematike pika e zezë e aksit rural Fier-Shegan – Pushimi i Shoferit në fshatin Zhym. Një tjetër aksident është regjistruar këtë mbrëmje në këtë kthesë.

Elnis Allkanjari udhëtonte nga Krutja drejt pushimit të shoferit dhe ka përfunduar në kanal. Mjeti tip ‘Benz’ me targa AA 355 FR i drejtuar prej tij ka dalë nga rruga dhe ka rënë në kanal.

Zjarrfikësit dhe ambulanca si dhe efektivë të policisë së qarkullimit dhe rendit kanë nxjerrë të plagosurin dhe e kanë dërguar në spital.

Sipas të dhënave të para mjeti ka qenë me shpejtësi të lartë.

Kjo pikë është prej kohësh burim aksidentesh dhe me fatalitete.