Ambasadori amerikan konfirmon miratimin e shitjes së F-16 për Turqinë

Ambasadori amerikan në Turqi, Jeff Flake, tha se ka përfunduar procesi në Kongres për miratimin e shitjes së avionëve F-16 në Turqi.Afati 15-ditor për të paraqitur kundërshtime ndaj kërkesës zyrtare të qeverisë për t’i shitur Turqisë 40 avionë luftarakë të rinj dhe komplete dhe pajisje për përmirësimin e 79 avionëve në flotën ekzistuese F-16 të Turqisë, ka kaluar pa probleme.

“Vendimi i Kongresit këtë javë për të miratuar blerjen e 40 avionëve të rinj dhe 79 avionëve F-16 të përmirësuar nga Turqia është një hap i madh përpara. Flota F-16 e Turqisë është jetike për fuqinë e NATO-s, duke siguruar ndërveprueshmërinë e ardhshme midis aleatëve”, tha diplomati amerikan.Mesazhi i ambasadorit amerikan transmetohet nga mediat turke si konfirmim zyrtar i përfundimit të procesit të miratimit për shitjen e F16-ve në Turqi.