Ngjarje tronditëse/ Vritet një student universiteti dhe dy burra

Një student universiteti është vrarë dhe një tjetër është plagosur rëndë pasi një person i armatosur qëlloi për vdekje dy burra në një makinë të parkuar në një rrugë të frekuentuar pranë qendrës së qytetit të Johanesburgut të Afrikës së Jugut. Studentët u goditën kur autobusi i tyre po kalonte në vendin e të shtënave.

“Të dy burrat në automjet dhe një student u raportuan të vdekur ndërsa studenti tjetër u dërgua në spitalin më të afërt për trajtim mjekësor,” tha zëdhënësi i policisë Kol Dimakatso Nevhuhulwi.

Zëdhënësi i policisë së qytetit të Johanesburgut, Xolani Fihla, tha se motivi i të shtënave nuk dihej. Ndërsa një studente tha për eNCA se dëgjoi të shtëna të shumta, të ndjekura nga kaos.

“Ishte një përvojë vërtet traumatike. Është vërtet e frikshme sepse mund t’i kishte ndodhur kujtdo,” tha ajo.