Zyrtari amerikan: Armëpushimi 6-javor në Gaza është gati, por varet nga Hamasi nëse do të lirojë pengjet

Një zyrtar i lartë i qeverisë amerikane tha sot se marrëveshja për një armëpushim 6-javor në Gaza është gati në dakordësi me Izraelin dhe varet nga lirimi i pengjeve nga Hamasi.

 “Pengjet duhet të lirohen”, u tha zyrtari gazetarëve. “Marrëveshja në thelb ekziston. Por nuk dua të krijoj pritshmëri nga njëra anë apo tjetra”.

“Izraelitët pak a shumë e kanë pranuar atë. Dhe një armëpushim gjashtë-javor mund të fillojë sot në Gaza nëse Hamasi pranon të lirojë një kategori shumë specifike pengjesh të cenueshme”, shtoi zyrtari amerikan, duke sqaruar se për momentin bisedimet po vazhdojnë për të nënshkruar një marrëveshje përpara fillimit të Ramazanit, në nje jave.

Një delegacion i Hamasit do të udhëtojë në Kajro ku negociatat për një armëpushim në Gaza do të rifillojnë nesëri tha AFP një burim i afërt me lëvizjen islamike palestineze dhe një stacion televiziv pranë inteligjencës egjiptiane.

Katari, Shtetet e Bashkuara dhe Egjipti po përpiqen të prishin një marrëveshje midis Hamasit dhe Izraelit që kërkon një armëpushim gjashtë-javor të kombinuar me lirimin e pengjeve në këmbim të lirimit të palestinezëve të mbajtur nga Izraeli.