Sport
“Po mbaj lotët me zor”, Nagelsman: Ky eliminim të dhemb, me shumë mundësi unë nuk do të…
![](https://ntv.al/wp-content/uploads/2024/07/13-1.jpg)
Trajneri i Gjermanisë, Julian Nagelsman, u shfaq i pikëlluar pas disfatës dramatike që skuadra e tij pësoi në minutën e 119-të ndaj Spanjës, duke u eliminuar kështu nga ky Europian. Në prononcimin e dhënë pas ndeshjes për “ARD”, timonieri i “panzerave” deklaroi:
“Po mbaj lotët me zor. Kur lojtarët flasin për javët e fundit që kemi kaluar, është gjithçka shumë emocionuese. Një periudhe speciale i erdhi fundi.
Ne u kthyem mirë në lojë, reaguam mirë, ishim shumë më afër golit të fitores sesa spanjollët.
Kjo të dhemb pasi do të na duhet të presim dy vite për të bërë më mirë. Dhe me shumë mundësi unë nuk do të luaj një turne në shtëpi ndonjëherë tjetër në karrierën time.
Ne krijuam një lidhje të madhe me njerëzit në vend. Ne kthyem njerëzit para TV-së siç nuk kishin bërë në vitet e fundit. Kjo është diçka që do të marrim me vete. Por ne do të kishim dashur të kishim edhe një javë tjetër.
Nëse do të ishim paraqitur keq dhe të ishim eliminuar, ne nuk do të ishim duke mbajtur me vështirësi lotët tani.
Tani do të ulem me ekipin të shtunën të diskutojmë. Unë sinqerisht nuk e di çfarë është planifikuar, nuk i kishim bërë llogaritë se do të eliminoheshim. Stafi im teknik dhe unë tani duhet të ndërtojmë ekipin për Ligën e Kombeve”, deklaroi Nagelsman.
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)