Rrezik përplasjeje, Rumania ngre në qiell bombarduesit F-16

Rumania ka ngritur dje avionët e saj luftarakë F-16 për shkak të një sulmi me dron rus ndaj objektivave në Ukrainën jugore, njofton Ministria e Mbrojtjes e Bukureshtit.

Kjo ndodhi pasi dronët rusë u vunë re duke shkuar drejt territorit ukrainas që ndodhet pranë kufirit rumun në mëngjes, siç specifikohet në një deklaratë të publikuar nga ministria në llogarinë e saj X.

Ndërkohë Forcat ruse sulmuan Ukrainën mbrëmë me dy raketa balistike Iskander-M dhe 13 dronë kamikaze të lëshuar nga rajoni i Kursk. Kështu raportuan Forcat Ajrore të Kievit në Telegram, duke shtuar se të gjithë avionët pa pilot u rrëzuan.