Habit neurokirurgu: Pas 10 vitesh do komunikojmë pa celular por me telepati, kjo është duke ardhur

Pas disa vitesh, mund të komunikojmë me njëri-tjetrin nga distanca, pa përdorur mjetet e komunikimit masiv… Kështu u shpreh mjeku i njohur Kita Sallabanda, i ftuar në podcastin “Flasim” me kryeministrin Edi Rama. Mjeku u shpreh i bindur kur tha se mjekësia pas 10 vitesh do të jetë shumë më ndryshe se sot.
Sallabanda: Ndoshta pas disa vitesh, nuk do të kemi nevojë të jemi këtu në tavolinë, por mund të jemi në distancë që të komunikojmë me njëri-tjetrin.
Rama: Pa telefon
Sallabanda: Pa telefon! Kjo është e ardhmja
Rama: Tani, na tmerrove fare! Me çip në kokë?
Sallabanda: Me telepati, me elementët dhe të gjitha që kemi. Është e ardhmja
Rama: Domethënë, unë do të mbyll sytë dhe do të flas me ty në Spanjë, pa mjete të tjera
Sallabanda: Këtu e 10 vite, do ta shohim. Unë u them studentëve të mi dy gjëra: E para, them mjekësia është shkenca e probabilitetit dhe e dyta, mjekësia që ne njohim sot, do të jetë ndryshe pas 10 vitesh.
Rama: Këtë nuk besoj se mund ta diskutojë njeri