Sherr me thika mes të rinjve te ”Qytet Studenti”, dyshohet për një të plagosur

Një tjetër sherr me thika ka ndodhur mesditën e kësaj të enjteje në Tiranë. Burimet bëjnë me dije se ngjarja ka ndodhur në Qytetin Studenti, ku në konflikt janë përfshirë dy të rinj. Sipas informacioneve paraprake, njëri prej tyre është plagosur me mjet prerës në dorë. Zënka ka ndodhur në ambientet e një lokali në zonë, ku gjurmët e gjakut janë ende mbi karrigen e lokalit në pjesën e jashtme. Policia ndodhet në vendngjarje, ka rrethuar zonën dhe po vijon punën për zbardhjen e rrethanave të ngjarjes.