Trump i quajti evropianët të dobët/ Këshilltari i Putinit: Presidenti i SHBA po thotë të vërtetën

Donald Trump po thotë të vërtetën për udhëheqësit evropianë. Kështu deklaroi Kirill Dmitriev, këshilltari presidencial rus për investimet e huaja dhe negociatori me Shtetet e Bashkuara, në një postim në rrjetin social X në lidhje me intervistën e presidentit amerikan me Politico.

Dmitriev citon konkretisht disa nga deklaratat e Trump, duke përfshirë: “Mendoj se ata janë të dobët, por gjithashtu mendoj se ata duan të jenë politikisht korrektë… Evropa nuk di çfarë të bëjë”.

Në intervistë, shefi i Shtëpisë së Bardhë tha gjithashtu se për Ukrainën, evropianët “flasin, por nuk prodhojnë (rezultate) dhe lufta thjesht vazhdon”.