Flota iraniane humbet krenarinë/ Pushon në fund të detit dronë-mbajtësja e luftës “Bagheri”

Shtetet e Bashkuara kanë shkatërruar dronë-mbajtësen e Iranit, Shahid Bahman Bagheri, duke shkaktuar një humbje historike për flotën iraniane.

Shahid Bahman Bagheri ishte mjeti i parë lundrues i specializuar për dronë, një anije 240 metra e gjatë që fillimisht funksiononte si anije kontenierësh, Perarin. Emri i saj u dha për nder të komandantit të ndjerë iranian, Bahman Bagheri, dhe ajo hyri në shërbim në vitin 2025.

Ekspertët ushtarakë e konsiderojnë këtë anije, si anijen më të madhe ushtarake të fundosur që nga Lufta e Dytë Botërore, duke theksuar rëndësinë strategjike dhe simbolike që ajo mbante për Iranin.

Sipas raportimeve, sulmi u realizua gjatë operacioneve të vazhdueshme të SHBA-ve dhe Izraelit mbi flotën dhe bazat iraniane, duke goditur infrastrukturën e dronëve dhe kapacitetin operativ të Teheranit në Detin Arabik dhe rajon.

Analistët paralajmërojnë se humbja e Shahid Bahman Bagheri do të ndikojë rëndë në aftësinë e Iranit për operacione me dronë dhe mund të ndryshojë balancën ushtarake në rajon.