E pabesueshme! Gjesti në romancë me modelen e njohur? Fansat “i kapin mat”

Një detaj i ri në Instagram ka mjaftuar që emri i Gjestit të rikthehet në qendër të vëmendjes, këtë herë për jetën e tij sentimentale.

Fansat kanë vënë re se këngëtari ka nisur të ndjekë në Instagram modelen shqiptare Vildane Zeneli. Ajo që ka shtuar edhe më shumë kureshtjen është fakti se “follow”-i është i ndërsjellë, pasi edhe Vildanja e ndjek Gjestin.

Ky detaj ka bërë që në rrjet të nisin menjëherë aludimet se mes tyre mund të ketë diçka më shumë sesa një njohje mes dy personazheve publikë.

Vildane Zeneli është një emër i njohur në modeling, me një karrierë të zhvilluar prej vitesh edhe jashtë trojeve shqiptare.

Megjithatë, për momentin nuk ka asnjë konfirmim nga Gjesti apo Vildane Zeneli për një lidhje sentimentale. Fakti që ndjekin njëri-tjetrin në Instagram mbetet i vetmi element mbi të cilin janë ngritur aludimet.

Në mungesë të fotografive së bashku apo një deklarate nga vetë ata, mbetet për t’u parë nëse kemi të bëjmë thjesht me një njohje të re virtuale apo nëse pas këtij afrimi fshihet diçka më shumë.