“Na kanë bërë copë”/ Yjet e Real Madrid ‘shpërthejnë’ në akuza pas humbjes nga Atletico

Futbollistët e Real Madridit kanë shpërthyer me kritika të ashpra ndaj gjyqtarit në dhomat e zhveshjes së stadiumit “Metropolitano”, pas përfundimit të derbit të Madridit.

Sipas informacioneve të publikuara nga “Diario AS”, atmosfera në korridoret e brendshme të stadiumit ishte tejet e tensionuar, me lojtarët e Real Madridit të revoltuar pas vendimeve të gjyqtarit gjatë ndeshjes.

Sipas të njëjtit medium, në ambientet e stadiumit janë dëgjuar lojtarët madrilenë duke bërtitur fraza të ashpra, përfshirë: “Na kanë bërë copë” dhe “Kanë vendosur një frikacak si gjyqtar”.

Këto reagime pasqyruan zemërimin e madh të skuadrës së Real Madridit, e cila beson se disa prej vendimeve të gjyqtarit ndikuan drejtpërdrejt në rezultatin e ndeshjes.

Derbi përfundoi me fitoren 2-1 të Atletico Madridit, sfidë ku kishte shumë gjykime të diskutueshme, me “Los Blancos” që pastaj mbeten me një lojtar më pak kur Dean Huijsen u ndëshkua direkt me karton të kuq.

Pas një pjese të parë pa gola, ndeshja ndryshoi në minutat e para të fraksionit të dytë.
Dean Huijsen u ndëshkua me karton të kuq, ndërsa Atletico fitoi një penallti. Alejandro Grimaldo mori përsipër ekzekutimin dhe kaloi vendasit në avantazh.

Atletico shfrytëzoi epërsinë numerike dhe në minutën e 59-të Jonathan David dyfishoi shifrat, pas një aksioni të nisur nga krahu dhe krosimit të Giuliano Simeones.

Me këtë fitore, Atletico shkon në 16 pikë dhe ngjitet në vendin e dytë, ndërsa Real Madrid mbetet me 15 pikë në vendin e tretë.