Trump sqaron rolin e LaCivita: Nuk punon për mua, është konsulent i jashtëm…,do ta largoj

Presidenti amerikan Donald Trump ka reaguar lidhur me rolin e Chris LaCivita, konsulentit politik të angazhuar nga Sali Berisha për fushatën e tij politike, duke sqaruar se ai nuk është pjesë e stafit të tij, por vepron si konsulent i jashtëm.

Trump tha se konsulentët politikë mund të angazhohen edhe me persona të tjerë, duke e krahasuar këtë praktikë me mënyrën se si funksionojnë konsulentët në Washington. Sipas tij, fakti që një konsulent punon për një tjetër klient nuk përbën në vetvete problem.

Presidenti amerikan paralajmëroi gjithashtu se në rast se do të konstatohej një konflikt interesi, administrata do të ndërhynte menjëherë. Trump tha se në një situatë të tillë, personat përkatës do të largoheshin nga angazhimet e tyre.

Deklarata e Trump vjen në një kohë kur angazhimi i LaCivita në fushatën e Sali Berishës ka tërhequr vëmendje në Shqipëri dhe në SHBA, për shkak të lidhjeve të tij me politikën amerikane dhe rolit të tij si konsulent politik.