Politike
Demo zbulon vizionin për Tiranën e vitit 2030/ Kryeqytet europian apo premtim politik?
Ervin Demo ka prezantuar vizionin e tij për Tiranën e vitit 2030 gjatë fjalës në Asamblenë e zgjeruar të Partisë Socialiste të Tiranës. Ai tha se synimi është një kryeqytet me standarde europiane, ku zhvillimi të përkthehet në përmirësim konkret të jetës së qytetarëve.
Demo e cilësoi Tiranën si shtëpinë e të gjithë shqiptarëve, duke theksuar se njerëzit që kanë ardhur nga zona të ndryshme të vendit dhe kanë ndërtuar jetën në kryeqytet duhet të kenë zë në vendimmarrjen për të ardhmen e tij.
Sipas tij, standardet europiane duhet të ndihen në shërbimet publike, në lagjet ku jetojnë qytetarët dhe në mundësitë që u ofrohen fëmijëve. Për realizimin e këtij objektivi, Demo kërkoi përfshirje më të gjerë të komuniteteve dhe angazhim të përbashkët me Albana Koçiun, Ogerta Manastirlliun, deputetët dhe strukturat e Partisë Socialiste.
Ai tha se përfaqësuesit politikë duhet të jenë pranë qytetarëve, të dëgjojnë shqetësimet e tyre dhe të ndjekin zgjidhjen e problemeve.