Teknologjia avancon, krijohet roboti “Beomni”

Teknologjia ka avancuar aq shumë sa janë krijuar robotë, të emëruar “Beomni”, të cilët do të jenë pjesë e punonjësve të spitalit si dhe në shtëpitë e kujdesit të të moshuarve.

Roboti është aq i shkathët sa mund të marrë kripë me gishta dhe është mjaftueshëm i fortë për të ngritur deri në 30 kg. Fillimisht, roboti kontrollohet nga distanca nga njerëzit, por me kalimin e kohës do të mësojë se si t’i kryejë detyrat në mënyrë të pavarur.

Beomni tashmë është testuar në një azil në Kolorado, ku për më shumë se tre ditë ka matur temperaturat, ka shikuar pilulat poshtë gjuhës dhe madje ka kërcyer me pacientët për t’i gëzuar. Roboti ka duar me gishta të mëdhenj që mund të kryejnë detyra delikate nga hapja e tapës së shishes deri tek injektimi i dikujt me gjilpërë.

I montuar në katër rrota, është mjaftueshëm i fortë për të udhëtuar nëpër rërë, baltë dhe borë. Krijuesit e tij Beyond Imagination besojnë se Beomni do të jetë gjithashtu në gjendje të punojë në depo, të mbledhë fruta dhe të kryejë detyra të rrezikshme si riparimet elektrike. Shpikja është ideja e shkencëtarit amerikan Dr Harry Kloor.

SHIKO VIDEON