Aida Shtino rikthehet sërish në ekran me një projekt të ri

U bënë disa vite që Aida Shtinon nuk e shohim në ekran. Por duket se pritjes së gjatë i ka ardhur fundi pasi së shpejti gazetaren e njohur do ta shohim në një projekt të ri televiziv. Nëse mendoni se ajo të rikthehet me “Njerëz të humbur” gaboheni, bëhet fjalë për një emisioni te ri të quajtur “Identiteti”, i cili  të ketë në themel kërkimin e identitetit shqiptar të humbur ndër shekuj, zbulimin e historive të patreguara shqiptare dhe jo vetëm, gjithçka që është mbajtur e fshehur ndër vite, por që përbën historinë dhe identitetin e kombit tonë, pesonazhe të shquar shqiptare dhe dritë-hijet e tyre.

Histori shqiptare të patreguara më parë që kanë ngelur mister ndër vite, histori dhe enigma që ekzistojne sot në botë, por edhe në Shqiperi për të cilat është folur pak ose aspak, vende, kala, kështjella, kisha të cilat ruajnë një mister, do jenë në fokus të emisionit të Aida Shtinos. Emisioni i saj do të transmetohet në televizionin Fax News, të cilin e gjeni në paketën “TRING”.