Aksident me vdekje në aksin Milot-Rrëshen, makina përplas këmbësorin 70-vjeçar

Një aksident është regjistruar mbrëmjen e sotme në aksin rrugor Milot–Rrëshen, ku një automjet ka përplasur një këmbësor, duke i shkaktuar vdekjen e menjëhershme.

Viktima është identifikuar si shtetasi N. L., rreth 70 vjeç, i cili ndërroi jetë në vendngjarje si pasojë e plagëve të marra.

Drejtuesi i automjetit nuk është identifikuar ende, ndërsa dyshohet se është larguar nga vendi i aksidentit pas përplasjes.

Grupi hetimor ndodhet në vendngjarje dhe po punon për identifikimin dhe kapjen e autorit, si dhe për zbardhjen e plotë të rrethanave të aksidentit.

Njoftimi:

Rreth orës 21:30, në aksin rrugor Milot–Rrëshen, një automjet, me drejtues ende të paidentifikuar, ka përplasur këmbësorin, shtetasin N. L., rreth 70 vjeç.

Si pasojë, këmbësori ka ndërruar jetë në vendngjarje.

Grupi hetimor vijon punën për identifikimin dhe kapjen e drejtuesit të automjetit, si dhe për sqarimin e rrethanave të aksidentit.