Connect with us

Aktualitet

Ballafaqimi i dy qëndrimeve të ndryshme në përballjen e një pandemie

Published

on

Në 2 deri më 4 tetor 2020, një grup studiuesish u mblodhën në qytetin e vogël Great Barrington të shtetit Massachussetts, SHBA, ku është selia e Institutit Amerikan për Kërkimin Ekonomik dhe hartuan një dokument në 540 fjalë, të cilin e quajtën “Deklarata e Great Barrington”. Në këtë grup merrnin pjesë shkencëtarë të njohur dhe me emër në fushat e Shëndetit Publik dhe të Epidemiologjisë nga universitete të famshëm si: Harvard, Oksford dhe Stanford, SHBA.

Nëpërmjet kësaj deklarate, të firmosur më pas dhe nga shumë shkencëtarë të tjerë të njohur nga e gjithë bota, hidhet ideja se politikat e “lockdown” që u ndoqën nga shumica e vendeve të botës të prekur nga COVID19 po japin pasoja të rënda që vijnë nga neglizhenca e problemeve të tjera shëndetësore të popullatës. Gjithashtu, mbajtja e zgjatur e masave restriktive mund të japë pasoja të rënda sociale dhe ekonomike, sidomos për individët më pak të privilegjuar dhe më pak të mbrojtur të shoqërisë. Në deklaratë theksohet fakti se rreziku i vdekjes nga infeksioni COVID-19 është një mijë herë më i lartë te të moshuarit dhe më të dobëtit sesa ndër të rinjtë. Gjithashtu, sipas tyre, është evidentuar se te fëmijët infeksioni COVID-19 është më pak i dëmshëm se shumë infeksione të tjera, përfshirë këtu dhe gripin (influencën).

Deklarata e Barrington mbështet teorinë e imunitetit të tufës, sipas së cilës me rritjen e shkallës së imunizimit të popullatës të shëndetshme dhe në moshë të re nga infeksioni natyral, bie rreziku i prekjes nga infeksioni edhe i pjesës tjetër më vulnerabël dhe të prekshme, siç janë të moshuarit dhe ata me sëmundje shoqëruese. Me rritjen e imunizimit nga infeksioni natyral, popullatat do të arrijnë në pragun e imunitetit të tufës, pas së cilës ritmi i infeksioneve të reja do të ulet dhe do të stabilizohet. Arritja e këtij pragu mund të ndihmohet dhe nga aplikimi i vaksinës, por pa u varur nga ajo.

Qëllimi i studiuesve që kanë firmosur “Deklaratën e Barrington” është minimizimi i mortalitetit nga pandemia, si dhe i pasojave të dëmshme sociale të saj deri sa të arrihet pragu i imunitetit të tufës. Ata mbështesin hipotezën se strategjia më e përshtatshme për arritjen e këtij qëllimi është krijimi i kushteve që ajo pjesë e popullatës, e cila ka një rrezik minimal vdekje nga infeksioni COVID-19, të bëjë një jetë sa më normale dhe të krijojë kështu imunitet nëpërmjet infeksionit natyral. Ndërkohë, ata që kanë një rrezik më të lartë sëmundshmërie dhe vdekshmërie nga COVID-19, duhet të mbrohen në mënyrë të veçantë dhe këtë ata e quajnë “Mbrojtje të Fokusuar”. Ata përmendin gjithashtu dhe një sërë masash që duhen implementuar për të mbrojtur të moshuarit, si dhe individët më vulnerabil, për shkak të sëmundjeve dhe gjendjeve të tjera shoqëruese të tyre.

Bashkëfirmëtarët e “Deklaratës të Great Barrington” rekomandojnë që shkollat dhe universitetet duhet të vazhdojnë të jenë të hapura dhe aktivitetet jashtëshkollore, si p.sh. sportet, duhen ushtruar normalisht. Ata rekomandojnë që restorantet, bizneset e ndryshme si dhe artet, muzika dhe sportet të zhvillohen normalisht. Madje, ata sugjerojnë që edhe personat më të rrezikuar të mund të marrin pjesë në këto aktivitete nëse dëshirojnë, duke përfituar nga mbrojtja prej atyre që e kanë kaluar infeksionin dhe kanë tashmë imunitet ndaj COVID-19.

Në përgjigje të “Deklaratës së Great Barrington”, në 14 tetor 2020 u botua në revistën mjekësore të mirënjohur angleze “Lancet”, “Memorandumi i John Snow”. John Snow ka qenë një mjek anesteziolog dhe higjenist i njohur britanik i shekullit XIX, i cili konsiderohet si themeluesi i epidemiologjisë moderne. Ky memorandum me rreth 930 fjalë dhe i firmosur nga më tepër se 4800 shkencëtarë, kërkues dhe profesionistë të shëndetit nga e gjithë bota, ngre së pari faktin se vdekshmëria e përgjithshme nga COVID-19 është disa herë më e lartë se ajo nga gripi stinor dhe kalimi i COVID-19 mund të shkaktojë sëmundje të zgjatura, madje edhe te të rinjtë që nuk kanë sëmundje shoqëruese.

Gjithashtu, firmëtarët e “Memorandumit të John Snow” vënë në dukje se nuk është akoma e qartë se sa zgjat imuniteti mbrojtës pas kalimit të COVID-19 dhe ngrenë dyshime për mundësinë e riinfektimeve. Edhe këta pohojnë se transmetimi i virusit duhet të pengohet nëpërmjet distancimit fizik, përdorimit të maskave, higjienës respiratore dhe të duarve, duke evituar grumbullimet e njerëzve, si dhe ambientet e ajrosura jo mirë. Gjithashtu, edhe sipas tyre testimi i shpejtë, gjurmimi i kontakteve dhe izolimi i personave të infektuar janë gjithashtu faktorë kritikë për kontrollin e transmetimit të infeksionit. Ata nënvizojnë faktin se mbyllja (lockdown) e aktiviteteve dhe e lëvizjeve njerëzore ishte e domosdoshme për reduktimin e mortalitetit, parandalimin e mbingarkesës së strukturave shëndetësore, si dhe për të fituar kohë për organizimin e pengimit të përhapjes së infeksionit në periudhën pas hapjes.

Efektet e mbylljes, thuhet në këtë Memorandum, kanë qenë të rënda, duke prekur shëndetin mendor dhe fizik, si dhe duke dëmtuar ekonominë. Këto efekte kanë pasur pasoja më të rënda në vendet që nuk qenë të afta të përdornin periudhën gjatë dhe pas mbylljes për të instaluar sisteme efikase të kontrollit të pandemisë. Si pasojë e këtyre mangësive, këto vende kanë pësuar restrikcione të vazhdueshme, të cilat kanë sjellë edhe një demoralizim të gjerë dhe pakësim të besimit. Mbërritja e valës së dytë dhe sfidat e saj kanë ngjallur sipas tyre interesin e qasjes së epidemisë me anë të formimit të imunitetit të tufës, duke mos penguar përhapjen e infeksionit në individët e parrezikuar për komplikacione dhe duke mbrojtur më të rrezikuarit. Por, sipas firmëtarëve të “Memorandumit të John Snow”, kjo qasje është antishkencore dhe e pambështetur në prova shkencore. Transmetimi i pakontrolluar i infeksionit në popullsinë me moshë të re do të rrezikonte një sëmundshmëri dhe vdekshmëri të lartë në të gjithë popullatën.

Prandaj, ata rekomandojnë që për të përballuar këtë valë të dytë, duhet që në mënyrë të vendosur dhe urgjente të merren masa të rëndësishme që pengojnë transmetimin e infeksionit, duke përfshirë dhe kufizime dhe mbyllje të vazhdueshme. Këto masa do të mundësojnë pengimin e përhapjes së infeksionit nga SARS-CoV-2, duke e mbajtur atë në nivele të ulëta me anë të mbylljes së shpejtë të shpërthimeve lokale, nëpërmjet diagnostikimit, testimit, gjurmimit dhe izolimit. Si shembull ata marrin Japoninë, Vietnamin dhe Zelandën e Re, që janë histori suksesi në këto drejtime.

Kur lexohen veç e veç këto dokumente, ato paraqesin që të dyja argumente bindëse. Por, në fakt, të dy këto qasje strategjike të trajtimit të pandemisë kanë problematikat dhe kufizimet e tyre. “Mbrojtja e fokusuar” e “Deklaratës së Great Barrington” ka pikën e dobët se është vështirë në praktikë të përcaktosh se kush është më i prekshëm nga COVID-19 dhe kush nuk është i tillë, dhe aq më tepër të arrish mbrojtjen në mënyrë efikase dhe të diferencuar të atyre më të prekshëm.

Një mangësi tjetër e kësaj deklarate është se ajo nuk merr parasysh problematikën e rëndë të mbingarkesës së spitaleve nga shumë pacientë që mund të paraqiten në të njëjtën kohë. Por dhe “Memorandumi i John Snow” duket se ka problemet e veta.

Ai nuk qartëson se si duhet të jenë programet e gjëra sociale që mund të minimizojnë pasojat e pandemisë dhe as se si mund të përballohen dëmet e rënda ekonomike që vijnë si pasojë e mbylljeve të aktiviteteve dhe që prekin si të parrezikuarit, po ashtu dhe më të dobëtit dhe të rrezikuarit nga COVID-19. Ndarja përjashtuese e këtyre dy qasjeve, që mund të interpretohen edhe sikur u përkasin dy poleve të ndryshme politike, është pa dyshim jo e dobishme. Nuk ka kuptim të bëhesh partizan i një grupi apo tjetër, ndërkohë që është më e arsyeshme një qëndrim bipartizan, i cili merr më të përshtatshmen dhe më të mirën nga secili qëndrim. Nga të dyja kampet pranohet që testimi dhe gjurmimi i kontakteve në mënyrë masive janë mjetet teknologjike që ndajnë qëndrimin modern nga ai i vjetër ndaj pandemive.

Nga ana tjetër, masat parandaluese bazike si ruajtja në maksimum e distancimit fizik, mbajtja e maskave dhe higjiena e duarve duhet të përfshijnë, në fakt, të gjithë popullatën dhe jo vetëm individët më të rrezikuar. Për grupet më të rrezikuara nga pasojat e infeksionit COVID-19 siç janë moshat mbi 65 vjeç dhe ata me sëmundje kronike dhe gjendje të tjera dobësuese duhen programe të veçanta sociale mbrojtjeje të detajuara mirë dhe të implementuara me imtësi. Puna online duhet mbështetur në mënyrë sa më të gjerë, pasi dihet se infektimi në qendrat e punës është një nga burimet kryesore të përhapjes së COVID-19.

Mbyllja e shërbimeve publike si dhe e qendrave të punës apo dhe kufizimet e lëvizjeve nuk do të ishin zgjidhja më e mirë, por në ambientet ku kryhen këto aktivitete duhen respektuar në mënyrë rigoroze masat parandaluese si maskat, distancimi fizik, dhe higjiena e duarve. Gjithashtu, faktet e deritanishme kanë treguar se vendet që kanë një shëndet publik të fuqishëm dhe me laboratorë dhe sisteme survejimi dhe gjurmimi të organizuar mirë, e kanë përballuar më mirë pandeminë nga COVID-19.

Kombinimi i të gjitha masave të mësipërme të shëndetit publik në mënyrë sa më efikase dhe rigoroze do të ulë dëmet e pandemisë nga COVID-19 deri në kohën e aplikimit në masë të vaksinës, që do të ishte zgjidhja përfundimtare e kësaj pandemie.

 

Aktualitet

Emrat/ Identifikohen dy viktimat e atentatit në Vlorë

Published

on

By

Halim Xhezo dhe Shpati Lena janë dy personat e mbetur të vrarë mëngjesin e sotëm në një atentat në mbikalim të Panajasë në Vlorë.

Vëllai i viktimës shtetasi Eduart Xhezo dy vjet me pare ka vrare shtetasin Arben Beqiri.

Ngjarja e rëndë ndodhi sot rreth orës 09:50, në dalje të fshatit Panaja, në aksin rrugor Fier-Vlorë, ku dy persona mbetën të vrarë në rrethana të paqarta. Mjeti me të cilin ata po lëviznin i tipit ‘Benz Class’ është qëlluar në ecje nga mbrapa, dhe për pasojë ka dalë nga rruga dhe ka përfunduar në një kanal.

Dyshohet se brenda mjetit ndodhen tre persona që kanë humbur jetë.

Më herët është raportuar për dy të vrarë dhe një të plagosur, ndërsa sikundër edhe policia e konfirmoi, viktimat ndodhen ende në mjet.

Sipas informacioneve paraprake, dyshohet se pista kryesore që po hetohet, është prishja për pazare droge mes dy grupeve.

Aatentati është bërë nga tre persona, të cilët kanë ndpajekur dhe vëzhguar makinën që po udhëtonin viktimat, më pas i janë afruar paralel dhe kanë qëlluar me breshëri plumbash.

Dyshohet se autorët kanë qenë një në rolin e shoferit te automjetit dhe dy në rolin e qitësit.

Policia bëri me dije se gjatë krehjes së zonës, në fshatin Çerven, në aksin rrugor Levan-Tepelenë, nga shërbimet e Policisë është konstatuar duke u djegur një automjet i braktisur tip “BMW”, pa targa, i cili paraprakisht dyshohet se mund të jetë i autorëve të ngjarjes. Nga kqyrja paraprake e automjetit dallohen në brendësi të tij, 3 armë zjarri automatike.

Sipas policisë, autorët kanë qëlluar me 3 armë zjarri automatike. Ndërkohë, një automjet i braktisur tip “BMW”, pa targa u gjet duke u djegur në fshatin Çerven, në aksin rrugor Levan-Tepelenë dhe dyshohet se u përket autorëve.

Njoftimi i policisë:

Vlorë/Informacion paraprak

Sot, rreth orës 09:50, në dalje të fshatit Panaja, në aksin rrugor Fier-Vlorë, në rrethana ende të pa qarta, dyshohet se janë vrarë me armë zjarri, dy shtetas ende të paidentifikuar, të cilët ndodhen brenda një automjeti tip “Benz”.

Gjatë krehjes së zonës, në fshatin Çerven, në aksin rrugor Levan-Tepelenë, nga shërbimet e Policisë është konstatuar duke u djegur një automjet i braktisur tip “BMW”, pa targa, i cili paraprakisht dyshohet se mund të jetë i autorit/ve të ngjarjes. Nga kqyrja paraprake e automjetit dallohen në brendësi të tij, 3 armë zjarri automatike.

Grupi hetimor nën drejtimin e Prokurorisë së Rrethit Gjyqësor Vlorë ndodhet në vendin e ngjarjes, ku vijon puna për zbardhjen dhe dokumentin e plotë të rrethanave të ngjarjes, identfikimin dhe kapjen e autorit/ve, si dhe identifikimin e dy shtetasve të gjendur pa shenja jete.

Shërbimet e Policisë së DVP Vlorë, Delta Forcës e FNSH-së, në bashkëpunim me DVP Fier kanë ngritur pika kontrolli dhe po krehin zonën për të bërë të mundur kapjen e autrorëve.

Continue Reading

Aktualitet

Mjekët ndihen të vlerësuar nga pacientët, nga politika jo

Published

on

By

Pa Filtra, Mjeku Nini Dede: Mjekët ndihen të vlerësuar nga njerëzit, pacientët, nga politika aspak!

I ftuar i gazetarit Artur Nura në emisionin Pa Filtra në Ntv Televizion mjeku i njohur Nini Dede tha se nuk është e lehtë të punosh kur të tjerët pushojnë, por ja që profesioni i mjekut të cilin e kam zgjedhur me pasion e dashuri e do që të punohet për ti ofruar kura e shërim pacientëve të cilët në sezone festash e pushimesh janë më të shumtë.

Doktor Dede tha se sapo është diplomuar ka filluar punën si mjek dhe e bën atë me pasion dhe i motivuar maksimalisht në shërbim të njerëzve.

I pyetur nga gazetari Nura nëse ai dhe kolegët e tij ndihen të vlerësuar nga njerëzit, shoqëria, doktor Dede tha shoqëria përgjithësisht i vlerëson dhe respekton mjekët të cilët kryejnë një punë jo të lehtë në shërbim të tyre.

Personalisht – tha Doktor Dede – jam ndjerë i vlerësuar nga njerëzit me të cilët kam patur të bëj dhe i kam shërbyer me devotshmëri.

Pyetjes së gazetarit Nura nëse mjekët janë të vlerësuar sa duhet dhe si duhet nga politika dhe administrata, doktor Dede tha se nga politika jemi të keqkuptuar dhe të pavlerësuar sa duhet! Jo rastësisht – tha doktor Dede – mjekët në shumicë po zgjedhin të lënë shtëpitë e tyre në atdhe dhe të shkojnë e punojnë gjetkë!

Sipas doktorit Dede nevojiten politika proteksioniste dhe motivuese ndaj mjekëve që ata të mos braktisin vëndin e tyre dhe të punojnë këtu të mirë vlerësuar.

Doktor Dede tha se ishte gjuthashtu një qytetar i përgjegjshëm dhe i angazhuar me Partinë e Ballit Demokrat ngase kishte adhuruar themeluesin e kësaj partie historike, intelektualin Mithat Frashëri.

Nini Dede tha se filozofia politike e Mithat Frashërit e frymëzonte edha tani atë dhe shumë anëtarë dhe mbështetës të rrugës së tij politike me partinë aktuale.

Continue Reading

Aktualitet

Ofrojmë shërbime cilësore dhe duam që ligji të njihet

Published

on

By

Në emisionin Pa Filtra në Ntv Televizion, i ftuar i gazetarit Artur Nura ishte Drejtori i Drejtorisë së Përgjithshme të Transportit Rrugor, Z. Blendi Gonxhja, i cili nga zyra e tij foli mbi Lejen e re të Qarkullimit dhe përfitimet e qytetarëve ndaj këtij realizimi.

Gonxhe tha që kjo Leje e re e Qarkullimit tashmë është 40% më lirë për 160,000 qytetarë të Shqipërisë!

Z. Gonxhe foli gjithashtu për Qendrat e Kontrollit Teknik, transparencën me qytetarët dhe sa i rëndësishëm është transformimi i Drejtorive Rajonale, në mënyrë që qytetarët dhe punonjësit të ndihen më të vlerësuar e më të respektuar!

Pyetjes së gazetarit Nura për lajmin që kishte publikuar JOQ mbi xhamat e zinj të makinave, Gonxhe tha se artikulli në fjalë ishte i keqkuptuar sepse gazetarit që e ka shkruar i bën çudi pse duhet zbatuar ligji për certifikimin e xhamave të errët të automjeteve.

Z. Gonxhe përmendi sigurisht dhe arsyet përse është miratuar certifikimi i xhamave të errësuar, zhvillim ligjor i arsyeshëm i cili ka nevojë akoma – siç tha drejtori Gonxhe – për tu kuptuar duke filluar nga gazetarët fillimisht, pastaj qytetarët.

Drejtori tha se institucioni i tij dhe i gjithë personeli e kanë të pamundur të bëjnë pushime gjatë muajit gusht dhe dhjetor për shkak të punës së rritur në këta muaj të cilët sjellin shumë vizitorë, emigrantë e turistë, në Shqipëri.

Në shtator tha – Drejtori i Përgjithshëm i Drejtorisë së Përgjithshme të Transportit Rrugor, Z. Blendi Gonxhja, – në bashkëpunim me Policinë e Shtetit do fillojë një aksion i madh kundrejt atyre që përdorin automjetet e tyre dhe nuk kanë kryer pagesat e taksës së qarkullimit dhe sigurimit të automjeteve të tyre!

Nga kjo taksë – tha Gonxhe – institucioni ynë përfiton vetëm 5% të kësaj pagese dhe të tjerat shkojnë në favor të institucioneve të tjera në respekt të ligjit përkatës, por më duhet ta them qartë – shtoi Gonxhe- nuk do tolerohet më askush dhe nëse nuk bëjnë pagesat do u bllokohen automjetet deri në realizimin e detyrimit ligjor.

Continue Reading

Aktualitet

I riu qëllon me thikë në zemër 41-vjeçarin në Sarandë

Published

on

By

Një sherr për vendparkimin e makinës ka lënë mbremjen e se merkures pas një viktimë në qytetin e Sarandës. Klodian Bakia, 41 vjeç, kishte parkuar përpara një hoteli në Sarandë dhe kamerieri i ka kërkuar që të heqë makinën nga aty. Parkimi i makinës është bërë shkak për fillimin e një konflikti mes 41-vjeçarit dhe kamerierit të hotelit, Xhanelo Tarja, 24 vjeç.

Në debat e sipër, 24-vjeçari është futur brenda në hotel, ka marrë thikën dhe ka qëlluar në zemër 41-vjeçarin. Bakia nuk u mbijetoi dot plagëve të marra dhe ndërroi jetë në spitalin rajonal të Sarandës.

Ndërkohë, 24-vjeçari pasi ka goditur me thikë në zemër dhe është larguar nga vendi i ngjarjes. Policia u vu në kërkim të autorit menjëherë pas ngjarjes duke bërë të mundur arrestimin e autorit në mbrëmje. Autori u gjet i fshehur në një garazh mes dy pallateve larg vendit të ngjarjes.

Grupi hetimor ka sekuestruar kamerat e sigurisë në zonë për të bërë të mundur zbardhjen e plotë të dinamikës së ngjarjes.

 

Continue Reading

Aktualitet

Këto shenja në fushën e karrierës do gëzojnë sukses

Published

on

By

Dashi

Sot, miku i Dashit, treshja Venus-Jupiter me siguri do t’ju sjellë momente të mira, argëtim, argëtim, kënaqësi në maksimum, kreativitet dhe shkëlqim të parezistueshëm. Nëse jeni të fejuar, ju rinovoni ndjeshëm marrëdhënien tuaj dhe kaloni shumë mirë në mënyra të ndryshme së bashku me gjysmën tjetër. Nëse jeni beqarë, jeni të papërmbajtshëm dhe plot flirte. Një dashuri e re e madhe është afër qoshes dhe ju e zgjidhni atë mes pushtimeve dhe fansave të pafund. Do të keni favore në lojërat e fatit, përderisa shmangni ekzagjerimet dhe rrezikun. Në fushën e karrierës gëzoni lëvdata dhe sukses.

Demi

Sot, Demi i dashur, me treshen Venus-Jupiter, ju zbatoni me sukses dëshirat, synimet dhe objektivat që lidhen me shtëpinë dhe familjen. Përpiquni tani që keni favor, të qetësoni marrëdhëniet familjare. Fati ju ndihmon të zgjidhni problemet që i keni pasur prej kohësh dhe që ju stresojnë apo ju krijojnë pasiguri. Nëse jeni të fejuar, sot është dita e duhur, për një vendim për të jetuar së bashku, por edhe për të zgjidhur mosmarrëveshjet e vjetra. Nëse jeni beqarë, ju pëlqejnë mesazhet dhe flirtet e buta, por edhe një shans për t’u takuar sërish me një dashuri të së shkuarës. Profesionalisht jeni efikas, i palodhur dhe plotësisht kompetent, një fakt ky i njohur. Mund të ndiheni pak të stresuar për shkak të detyrimeve financiare familjare, por shumë shpejt do të kapërcehen.

Binjakët

Sot miku im Didyme me tribunë Venus-Jupiter favorizohen absolutisht kontaktet, komunikimet, fillimet e reja, lëvizjet, por edhe marrëdhëniet me vëllezërit e motrat dhe fqinjët. Do të keni shumë mundësi për njohje të reja interesante dhe të dobishme. Gjithashtu, çdo lëvizje që bëni sot kurorëzohet me sukses dhe ju kënaqeni. Nëse jeni të fejuar, biseda dhe fjalët e buta do ju afrojnë me partnerin. Nëse jeni beqarë, shijoni gëzimin e flirtit dhe ashtu, ju vjen mundësia për një lidhje të re, e cila do t’ju magjepsë dhe ndoshta do t’ju çojë në një lidhje të bukur. Nga ana profesionale, zhvillimet do të jenë vetëm pozitive për ju, për shkak të mjeteve tuaja të admirueshme shprehëse. Në planin financiar, dita është ideale për marrëveshje dhe nënshkrime.

Gaforrja

Sot miku Gaforre, me treshen Venus-Jupiter, do te shquhesh per rritjen e vetebesimit dhe sharmin tend te pjekur. Çështjet dhe marrëdhëniet e rëndësishme për ju në jetën tuaj janë stabilizuar. Nëse jeni beqarë, nuk tërhiqeni më dhe nuk emocionoheni shumë lehtë dhe shpejt me një njohje të re, pasi fillimisht ai duhet t’ju vërtetojë me veprime se është vërtet i interesuar për ju. Nëse jeni të fejuar, frenoni tendencën tuaj për xhelozi dhe posesivitet dhe kanalizoni energjinë tuaj në seks. Profesionalisht do të jeni të sigurt dhe kjo është karakteristika që do t’ju ndihmojë të keni sukses. Do të keni favore në financat tuaja, në çdo lëvizje apo veprim sot

Luani

Do të keni shumë mundësi për njohje të reja interesante dhe të dobishme. Gjithashtu, çdo lëvizje që bëni sot kurorëzohet me sukses dhe ju kënaqeni. Nëse jeni të fejuar, biseda dhe fjalët e buta do ju afrojnë me partnerin. Nëse jeni beqarë, shijoni gëzimin e flirtit dhe ashtu, ju vjen mundësia për një lidhje të re, e cila do t’ju magjepsë dhe ndoshta do t’ju çojë në një lidhje të bukur.Nga ana profesionale, zhvillimet do të jenë vetëm pozitive për ju. Në planin financiar, dita është ideale për marrëveshje dhe nënshkrime.

Gaforrja

Çështjet dhe marrëdhëniet e rëndësishme për ju në jetën tuaj janë stabilizuar, ashtu siç keni dashur. Gjithçka po përmirësohet, megjithëse ngadalë. Nëse jeni beqarë, nuk tërhiqeni më dhe nuk emocionoheni shumë lehtë dhe shpejt me një njohje të re, pasi fillimisht ai duhet t’ju vërtetojë me veprime se është vërtet i interesuar për ju. Nëse jeni të fejuar, frenoni tendencën tuaj për xhelozi dhe posesivitet dhe kanalizoni energjinë tuaj në seks. Profesionalisht do të jeni të sigurt dhe kjo është karakteristika që do t’ju ndihmojë të keni sukses. Do të keni favore në financat tuaja, në çdo lëvizje apo veprim sot.

Shigjetari

Rrethanat përmes kontakteve, takimeve dhe udhëtimeve do t’ju japin shumë mundësi për të arritur qëllime të larta, për të rinovuar përditshmërinë tuaj, për të qenë sërish optimist, për të udhëtuar, për të kaluar një kohë të mirë dhe për t’u argëtuar. Nëse jeni beqarë, jeni veçanërisht të favorizuar për njohje të reja, flirtime dhe fillime të reja. Nëse jeni të fejuar, rinovoni plotësisht marrëdhënien tuaj, me dalje të përbashkëta, ekskursione apo udhëtime. Në punë bëni fillime të reja dhe arrini qëllime të larta. Në planin financiar do ketë shpenzime, kryesisht për çështje që lidhen me studimet apo udhëtimet.

Bricjapi

Fati është plotësisht në anën tuaj, mik Bricjap, kur bëhet fjalë për dëshirat dhe planet e thella që keni dashur t’i zbatoni prej kohësh. Nëse jeni beqarë do arrini të rinovoni dhe transformoni jetën tuaj të dashurisë dhe të joshni personin që dëshironi. Nëse jeni të fejuar, përfitoni nga disponimi juaj i rritur seksual për të përjetuar momente të nxehta pasionante me partnerin tuaj.Tani ju mund të shlyeni borxhet dhe detyrimet financiare me lehtësi.

Ujori

I dashur Ujor, treshja Venus-Jupiter do t’ju shtyjë sot të merrni disa vendime serioze, domethënëse dhe të dobishme në marrëdhëniet dhe ndërveprimet tuaja ndërpersonale, të cilat do ta përmirësojnë shumë këtë fushë. Gjithashtu, nëse kohët e fundit keni pasur një keqkuptim me dikë, sot ai mund të zgjidhet, përderisa jeni aktiv. Nëse jeni të fejuar, do të përjetoni rinovimin përfundimtar në marrëdhënien tuaj sot, e cila po përmirësohet në maksimum. Nëse jeni beqarë do keni njohje të reja të rëndësishme, të cilat me shumë gjasa do të çojnë më vonë në një lidhje të qëndrueshme dhe të bukur. Profesionalisht, partneritetet tuaja janë ato që do të ndihmojnë në përparimin tuaj.

Peshqit

Do arrini të bëni lëvizje pozitive sot dhe të gjitha detyrimet tuaja do t’i përballoni me lehtësi. Përveç kësaj, ju zbukuroni dhe rinovoni pamjen tuaj. Nëse jeni të fejuar, tregoni dashurinë tuaj me veprime dhe kjo do ta bëjë gjysmën tuaj tjetër, të mos dyshojë më nëse e doni dhe e dëshironi vërtet. Nëse jeni beqarë merreni vetëm me propozime të denja dhe serioze dashurie tani. Në biznesin tuaj, është koha për të arritur shumë dhe nëse e dëshironi vërtet, do t’i befasoni me rezultatet tuaja. Në planin financiar, problemet më në fund marrin fund, pasi zgjidhjet vijnë nga hiçi.

Continue Reading
Advertisement
Advertisement

TRENDING