Bebe Rexha në një bashkëpunim të ri me Doja Cat, pritet të dalë hiti i shumëpritur që e konfirmon vetë këngëtarja

Ditën e hënë, dy herë e nominuara për Grammy, Bebe Rexha bëri njoftimin për daljen e këngës së saj të re, ditën e premte, 9 tetor 2020.

“Baby, I’m Jealous” kështu titullohet kënga e saj e re në bashkëpunim me Doja Cat, shumë prej fansave e di që po e presin me padurim shtoi ajo, do bëhet hiti juaj i preferuar dhe kemi punuar shumë për këtë projekt.

“Ky është projekti më i mirë që kam punuar ndonjëherë dhe albumi është absolutisht i preferuari im. Fatkeqësisht, viti 2020 na pengoi. Mezi pres që ju të mund ta dëgjoni diskun ”, vazhdoi 31-vjeçarja shqiptare në rrjetet sociale. “Thjesht nuk është koha e duhur për të hedhur në treg një album, në këtë periudhë. Sapo bota të shkojë më mirë, ne do të lançojmë gjithçka. Po presim vetëm kohën e duhur. Unë ju premtoj se do t’ia vlejë pritja ”.

Epo, duket se koha e duhur për të filluar festën është 9 tetori.