Kronike

‘Do të të vras, do të të ha’/ Publikohet emri i shqiptarit që dhunonte gruan

Për ta mbajtur atë larg gruas së tij dhe për të mos e keqtrajtuar, nuk mjaftoi as një urdhër mbrojtje pasi në qershor të vitit të kaluar ai ishte kthyer në shtëpinë e gruas duke e terrorizuar. Tashmë Besnik Rreshka, 37-vjeçari shqiptar me banim në Vicenza është dënuar me 2 vite burg pasi ka kanosur dhe keqtrajtuar gruan e tij, një bashkatdhetare 32-vjeçare.

Sipas mediave italiane, majin e kaluar, Rreshka kishte kërcënuar gruan e tij duke i thënë “nëse flet në polici të betohem se do të vras” dhe menjëherë më pas, para hetuesve të policisë gjyqësore që kishin ndërhyrë ndërkohë, 37-vjeçari kishte vazhduar me kërcënimet: Do të të vras, do të vij të të marr në Shqipëri dhe do të të bëj të paguash, do të të ha.

Por sulmet verbale shpesh janë pasuar edhe nga ato fizike. Me ardhjen e Rreshkës duke rrahur gruan e tij për arsye të parëndësishme që lidhen me xhelozinë, ai edhe e kishte kërcënuar me armë zjarri: Do të të vras, do të vras!

Qershorin e kaluar, Rreshka, megjithëse kishte marrë urdhrin për t’u larguar nga shtëpia bashkëshortore ishte paraqitur para shtëpisë së saj duke shtypur butonin e telefonit me qëllim për ta takuar.

Gruaja filloi të shqetësohej menjëherë. Mendimi për të qenë sërish ballë për ballë me të shoqin i kishte ftohur gjakun. Në grahmat e frikës dhe ankthit, ajo kapi telefonin pa humbur asnjë moment dhe thirri Policinë. Policët kishin mbërritur në shtëpinë e 32-vjeçarit brenda pak minutash, por Rreshka nuk ishte më para shtëpisë. Kur e kuptoi se gruaja e tij kishte thirrur Policinë, ai ishte futur në makinë dhe ishte nisur me shpejtësi të plotë me shpresën se do t’i shpëtonte uniformave blu. Megjithatë u prangos.

Related Topics:37 vjecari Besnik Rreshka dhunonte do te te ha do te te vras gruan kronike shqiptar

Kronike

Përplasen kokë më kokë dy makina në Librazhd, një person i plagosur

Një aksident rrugor mbrëmjen e sotme në Librazhd, ku dy automjete janë përplasur kokë më kokë me njëra tjetrën.

Si pasojë e përplasjes një i ri ka marrë lëndime dhe është transportuar për në spital.

Ende nuk dihen rrethanat e aksidentit, ndërsa mësohet se policia ndodhet në vendngjarje dhe po punon për zbardhjen e rastit.

Kronike

Përplasi të moshuarin dhe u arratis, vihet në pranga 35-vjeçari

Policia në Fier ka arrestuar një 35-vjeçar, që dyshohet se ka përplasur me makinë një të moshuar gjatë ditës së djeshme

I moshuari ndodhet në spital, nën kujdesin e mjekëve.

“Policia Rrugore e DVP Fier arrestoi në flagrancë shtetasin: K. Ç., 35 vjeç, banues në Fier, pasi ditën e djeshme, duke drejtuar automjetin tip “Benz”, përplasi këmbësorin, shtetasin D. T., 74 vjeç, i cili ndodhet në spital, për ndihmë mjekësore”– njofton policia.

Materialet i kaluan Prokurorisë për veprime të mëtejshme.

Kronike

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Me kërkesë të SPAK, GJKKO ka firmosur urdhër-arreste për veprën penale të ushtrimit të ndikimit të paligjshëm në vijim të hetimeve për Kadastrën.

Burime për gazetaren Keti Banushi bëjnë me dije se në pranga kanë rënë dy persona gjatë një aksioni të ndërmarrë mbrëmjen e 26 prillit.

Mësohet se GJKKO vendosi arrest me burg për Dritan Stokan dhe Agim Osmanin, kryeplak i Saukut. Ndërsa për Alqi Hajdinin, ish zyrtar i Kadastrës vendosi arrest në shtëpi, kurse për Ylli Baruti masën detyrim paraqitje.

Shtetasit e mësipërm dyshohen se kanë kryer në bashkëpunim veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni aktiv në zgjedhje”.

Burimet bëjnë me dije se bëhet fjalë për korrupsion në këmbim të votave.

Dritan Stokan, 46 vjeç, banues në Tiranë, me masë sigurie “Arrest në burg”, për veprën penale “Kanosja për shkak të detyrës”;

Agim Osmani, 62 vjeç, banues në Tiranë, me masë sigurie “Arrest në burg”, për veprën penale “Kanosja për shkak të detyrës”;

Alqi Hajdini 47 vjeç, banues në Tiranë, me masë sigurie “Arrest në shtëpi”, për veprën penale “Goditjet për shkak të detyrës”;

Yllu Baruti, 47 vjeç, banues në Tiranë, me masë sigurie “Detyrim paraqitjeje”, për veprën penale “Prodhimi i armëve luftarake”.

Kronike

Tragjike/ 18 vjeçari shqiptar bie nga 10m lartësi, në gjendje të rëndë shëndetësore

Një punëtor me origjinë shqiptare, vetëm 18-vjeç, ka mbetur i plagosur rëndë pasi ka rënë nga një lartësi prej rreth 10 metrash. Ngjarja ka ndodhur rreth orës 15:00 në Via Senato, në qendër të Milanos.

I riu ishte duke punuar në një kantier ndërtimi brenda një pallati në rinovim, kur për arsye ende nën hetim ka rënë në një boshllëk.

Zjarrfikësja e Milanos ndërhyri në vendngjarje për sigurimin e të riut dhe nxjerrjen e tij në sipërfaqe, nëpërmjet një manovre komplekse dhe të detajuar.

I riu shqiptar është transportuar në spitalin e Niguardës me kod të kuq, gjendja e tij është e rëndë.

Kronike

“Benzi” përplas këmbësorin në Fier, 71-vjeçari në gjendje të rëndë shëndetsore

Një aksident është regjistruar rreth orës 16:40, në rrugën “Jani Bakalli” në Fier. Mësohet se një 35-vjeçar me inicialet K. C., duke drejtuar automjetin tip “Benz”, ka përplasur këmbësorin, një 71-vjeçar me inicialet D. T.

Po ashtu bëhet me dije se 71-vjeçari ndodhet në spital, në sallë të operacionit, në gjendje të rëndë shëndetsore. Grupi hetimor po punon për zbardhjen e plotë të rrethanave të aksidentit.

Njoftimi:

Fier/Informacion paraprak

Rreth orës 16:40, në rrugën “Jani Bakalli”, Fier, shtetasi K. C., 35 vjeç, duke drejtuar automjetin tip “Benz”, ka përplasur këmbësorin, shtetasin D. T., 71 vjeç.

Shtetasi D. T., ndodhet në spital, në sallë të operacionit, në gjendje të rëndë shëndetsore. Grupi hetimor po punon për zbardhjen e plotë të rrethanave të aksidentit.