Aktualitet

Estrada me TEC-et lundruese/ 68 milionë dollarë digjen në ajër

Me krenari përpara rreth një viti, Belinda Balluku prezantoi shpëtimin energjetik të Shqipërisë, që ishin dy TEC-et lundruese. Por është fakt që këto dy anije gjigante, që prodhojnë energji elektrike, nuk janë vënë asnjëherë në punë dhe ç’është më e bukura, paratë vijojnë të paguhen.

Përveçse nuk është plotësuar ende dokumentacioni i nevojshëm, KESH-it i mungon lënda e parë djegëse, që i nevojitet këtyre HEC-eve për tu vënë në punë. E vetmja gjë, që është e shkruar dhe e faktuar është se Shqipëria duhet të paguajë plot 68 milionë dollarë, edhe nëse dy anijet lundruese, të quajtura “Tigri 1” dhe “Tigri 3” nuk do të funksionojnë asnjëherë.

Ministrja Balluku pati lajmëruar se në janar dhe shkurt këto dy anije do të nisnin punën për furnizimin e Shqipërisë me energji elektrike, por deri më tani kjo nuk ka ndodhur dhe kujtojmë që kemi mbërritur në muajin prill. Anijet e quajtura “Tigri 1” dhe “Tigri 3” u ankoruan në brigjet e detit Jon shtatorin e vitit të kaluar, por ende nuk ka një datë mbi shfrytëzimin e tyre.

Këto dy anije erdhën në brigjet shqiptare për të plotësuar nevojat energjetike të vendit, por në të vërtetë kjo nuk ka ndodhur në asnjë moment, madje nuk ka qenë nevoja. Mesa duket qeveria në vend që të harxhojë dhjetëra miliona euro me blerjen e kësaj anijeje, mund të investojë më shumë në lidhje me parashikimin e motit në Fierzë.

Në fakt edhe atje është blerë një pajisje e shtrenjtë për parashikimin e motit, që në të vërtetë ka rezultuar gjithashtu një investim i dështuar. Për tu kthyer tek anijet, përveç faktit që nuk janë vënë në punë, ato nuk kanë bërë as një test në lidhje me efikasitetin e tyre. Ky proces ishte parashikuar të ndodhte në shkurt, por mësohet se është shtyrë edhe dy muaj të tjerë, duke u postuar në maj.

Enti Rregullator i Energjisë ende nuk i ka dhënë një licencë për prodhimin e energjisë elektrike këtyre dy anijeve. Ky është një problem që duhet zgjidhur nga KESH përpara se t’i vërë në punë. Nga ana tjetër, këto anije funksionojnë me naftë dhe KESH nuk ka siguruar ende këtë lëndë për nisjen e punës. Këto anije kërkojnë minimalisht 100 mijë ton naftë në vit.

Ministrja Balluku e ka justifikuar këtë vonesë me faktin që kaskada e Drinit është në kushte optimale dhe nuk ka qenë e nevojshme, por këtu lind pyetja: Përse u blenë këto anije nuk është e nevojshme? Ndërkohë, akoma më skandaloze këtë situatë e bën fakti që kostoja e prodhimit të energjisë në këto anije është shumë më e lartë se çmimi i energjisë në këto momente në bursa, pa llogaritur ndotjen e madhe, që shkaktojnë këto dy burime energjie.

Nga ana tjetër, vihen apo nuk vihen në punë këto dy anije, shteti shqiptar i paguan kompanisë, që i ka sjellë këto dy TEC-e një shifër prej 95 mijë dollarësh në ditë. Pra vetëm sot në lidhje me këtë ndërmarrje, janë shpenzuar 95 mijë euro kot nga qeveria jonë. Pas dy vitesh 45 milionë dollarë do t’i marrë kompania amerikane Excelerate Energy për qiranë dyvjeçare dhe 22.5 milionë dollarë firma Renco për ofrimin e shërbimit të operimit. joq.al

Aktualitet

Axhami: Filozofia Zogiste në kohë moderne, nën moton “Atdheu mbi të gjitha”

PARTIA LËVIZJA E LEGALITETIT ALTERNATIVË E DJATHTË ME PLATFORMË ELEKTORALE BINDËSE:

Gjatë një interviste në NTV-me gazetarin e mirënjohur Red VARAKU, ndër të tjera.

Partia Lëvizja e Legalitetit, hap pas hapi, në pregatitje të infrastrukturës për marrjen pjesë në zgjedhjet e ardhshme si një alternativë e djathtë me platformë elektorale të qartë bindëse.

Të kthejmë krenarinë kombëtare nëpërmjet forcimit të institucioneve shtetërore brenda një shteti të fortë të së drejtës ligjore, kryerjes së reformave që rrisin nivelin e shërbimeve në interes të qytetarve si dhe të forcojmë bashkëpunimin unifikues të çdo faktori rajonal shqiptar në interes të bashkimit kombëtar.

Filozofia Zogiste në kohë moderne;

Me besim në Zot, ku primara mbetet Familja, prona, Atdheu dhe Kombi, nën moton “Atdheu mbi të gjitha”, në Shqipëri bërja e shtetit të së drejtës bëhet lehtësisht me një sistem qeverisës Monarki Kushtetuese.

Mbreti Zog, burrështetas, strateg, diplomat dhe politikan shumëdimensional, i rrallë në llojin e vet, i cili Shpalljen e Pavarsisë e ktheu në realitet duke u bërë shtetformuesi i shtetit të parë modern shqiptar nën moton “Atdheu Mbi të Gjitha”

Mbreti Zog dhe trashigimtarët e Kurorës Mbretërore, Mbreti Leka dhe sot Princ Leka, gjithmonë në plan të parë kanë vënë interesin kombëtar ku Shqipërinë dhe shqiptarët i kanë parë NJË dhe të bashkuar si komb, ata mbeten unifikuesit e kombit tonë në më të mirën e mundshme sipas çdo të drejte.

Aktualitet

Vdekja e mistershme e të moshuarve në Dropull, lirohen personat e shoqëruar në polici

Ditën e sotme, u përcollën në banesën e fundit, dy të moshuarit që u gjetën të vdekur dhe me shenja dhune në banesën e tyre. Të afërmit e ardhur nga Greqia dhe bashkëfshatarët në Bodrisht të Dropullit i dhanë lamtumirën e fundit Kosta Ilia, 84 vjeç dhe Kleoniqi Ilia, 88 vjeçe.

Lidhur me ngjarjen e rëndë, e cila vijon ende e pazbardhur, policia ka shoqëruar mbi 10 persona. Ndërkohë pasi kanë dhënë deklarimet e tyre, personat e shoqëruar janë lënë të lirë. Disa pista hetimi janë ngritur për vdekjen e tyre, ku deri tani, nga policia dhe prokuroria është lënë në hije pista e një grabitje të mundshme. Kjo pasi edhe pensioni që i moshuari kishte marrë pak ditë më parë në Greqi iu gjet në portofol. Gjithashtu është hedhur poshtë dhe versioni se çifti mund të ketë vrarë njëri- tjetrin.

Kryefamiljari i cili kishte marrë një plagë në kokë kishte ndërruar jetë në oborrin e shtëpisë ndërsa pak metra larg tij, në brendësi të banesës u gjet e vdekur edhe bashkëshortja gjithashtu me shenja dhune në trup. Sipas policisë të moshuarit u goditën me mjete të forta rrethanore por burime thanë se në vendngjarje nuk është gjetur asnjë mjet i tillë. Për zbardhjen e ngjarjes së rëndë, grupi hetimor është rikthyer sërish në banesën e të moshuarve. Ekspertët kriminalist janë në pritje të ekzaminimeve të disa provave materiale të marra në brendësi të banesës së çiftit të viktimave.

Aktualitet

E pazakontë/ Mjeti përplas biçikletën, motorin, makinën, këmbësorin dhe përfundon në lavazh

Një aksident i rëndë automobilistik është regjistruar këtë të premte në rrugën e ish-Kënetës që lidhet me Unazën e qytetit të Durrësit.

Mësohet se një automjet, i cili po udhëtonte me shpejtësi ka humbur kontrollin duke kaluar trafikndarësen e rrugës për të përfunduar në krahun e kundërt.

Gjatë devijimit, automjeti fillimisht ka aksidentuar një biçiklist, një këmbësor, një motor dhe një automjet të parkuar, për t’u përplasur më pas me fasadën e një lavazhi automjetesh.

Burime bëjnë me dije se drejtuesi i automjetit dhe pasagjeri në automjet kanë marrë dëmtime dhe janë dërguar në spital, ndërsa personat e tjerë të përfshirë në aksident nuk kanë lëndime serioze.

Në vendin e ngjarjes kanë mbërritur efektivë të policisë, të cilët teksa kanë rrethuar vendin e aksidentit deri në përfundim të hetimit, po punojnë për zbardhjen e shkaqeve.

Aktualitet

Ndalimi i tregtisë me Izraelin/ Erdogan: 9.5 mld dollarë më pak, për ne nuk ndryshojnë gjë

Presidenti turk Rexhep Tajip Erdogan ka reaguar pas vendimit të qeverisë së Turqisë për të ndaluar tregtinë me Izraelin. Ai tha se tashmë është koha për të vepruar dhe se durimi kishte përfunduar.

Sipas Erdogan opozita në Turqi shfrytëzoi faktin që qeveria nuk ndërmori masa kundër Izraelit dhe e përdori diçka të tillë për zgjedhjet në vend.

“Zhvillimet e fundit në operacionet ushtarake të Izraelit në Gaza nuk janë të pranueshme. Kjo është arsyeja pse ne besojmë se ishte e nevojshme të ndërmerreshin këtë hap. Ne prisnim të shihnim qetësimin e situatës përpara se të merrnim këto masa, por opozita e shfrytëzoi këtë për të na sulmuar Pasi të kenë përfunduar zgjedhjet, ne kalojmë te veprimet dhe faktet”, tha Erdogan.

Ndalimi i importeve dhe eksporteve do të vazhdojë derisa të ketë një armëpushim dhe të garantohet aksesi i popullatës në ndihma humanitare.

“Ndërmjet 40 dhe 45 mijë civilë të pafajshëm u vranë me bashkëpunimin e Perëndimit dhe në veçanti të Amerikës. Tani durimi ka mbaruar dhe ne kemi marrë këtë masë. Tregtia me Izraelin ishte 9.5 miliardë dollarë, për ne nuk ndryshon asgjë hiqni dorë, dera është e mbyllur”, përsëriti Erdogan.

Aktualitet

Vrasja e të moshuarve në Dropull, shoqërohen 9 banorë në Komisariat, çfarë gjeti policia

9 banorë të fshatit Bodrishtë dhe një bari shtegëtar të imëtash janë shoqëruar nga policia e Gjirokastrës, nën cilësinë e personave që mund të kenë dijeni për krimin ndaj dy të moshuarve Kosta dhe Kleoniqi Ilia bashkëshortë mes tyre.

Deri tani të shoqëruarit janë banorë që jetonin në afërsi të banesës së çiftit, persona me të cilët mund të kenë pasur debate për kufijtë e pronës si dhe bariu që nuk është banor i fshatit, por që mendohet se mund të ketë qenë në rrugën para banesës në momentin e krimit e që dyshohet se ka dijeni për të.

Policia gjithashtu ka gjetur një levë hekuri në pjesë e pasme të banesës objekt që është marrë në konsideratë në cilësinë e provës pasi dyshohet se të moshuarit kanë marrë goditje nga i njëjti objekt, burri në pjesën anësore të kokës dhe gruaja në pjesën e shpinës. Goditjet sipas ekspertëve kanë qenë vdekjeprurrëse sepse janë shkaktuar nga një mjet i fortë.

Hetuesit janë duke pritur analizat e ADN-së për të hedhur më shumë dritë mbi ngjarjen dhe identifikimin e autorit të këtij krimi.