“Një dorë më ka mbrojtur. Nuk ma ha mendja se Zoti është infermier ose avokat…. sipas meje është ngarkesë universale, nuk mund të merret me individin. Ai ishte një regjim diabolik, me intriga, sigurim… mua më ndiqnin tre herë në ditë. Ku ishte kënaqësia ime? Nuk ishte problemi se isha trim, por kisha mbrojtje nga familja.

Enver Hoxha më kërkoi dhe jam penduar që nuk i vajta. Blloku ishte dhe në plazhin e Durrësit, dhe anash shpive ishte një rrugë e ngushtë që kalonte afër banesës së Hoxhës. Unë po kaloja andej, ai ishte në ballkon. U ngrit dhe ma bënte me dorë.. Jam penduar që nuk kam shkuar.

Të gjithë ëndërrojnë të vizitojnë të paktën një herë në jetë ishujt e Karaibeve. Megjithatë, nuk është gjithmonë e lehtë të organizosh një udhëtim në parajsën e largët, shkruan Blanca Uson në të përditshmen spanjolle “20Minutos”.

Ju mund të zbuloni dy destinacionet më të njohura për të shijuar pushimet, veçanërisht ato verore, ku ndërthuren peizazhet natyrore me qytetet historike dhe plazhet janë me ujëra kristal bruz, diell dhe rërë të bardhë.

Udhëtoni në Karaibe pa u larguar nga Evropa: Shqipëria dhe Portugalia (Algarve), dy destinacione me ujëra të kristalta dhe plazhe parajsore, ofrojnë peizazhe dhe eksperienca të ngjashme me Karaibet.

Sa ditë duhen për të eksploruar Shqipërinë?

Shqipëria është bërë shumë e njohur në mesin e turistëve që duan të shijojnë plazhet parajsore pa qenë e nevojshme të udhëtosh përtej oqeanit.

Destinacioni mesdhetar ofron mrekulli natyrore dhe kulturore që ia vlen të vizitohen.

Ju mund ta vizitoni dhe eksploroni Shqipërinë brenda një jave.

Niseni vizitën nga Tirana, kryeqyteti i saj, ku mund të zbuloni vendet  më emblematike si Sheshi Skënderbej, Muzeu Kombëtar i Arteve të Bukura apo Piramida e Tiranës, një ndërtim shumë i veçantë në qytet.

Destinacionet bregdetare ofrojnë peizazhe parajsore të ngjashme me Karaibet.

Saranda është pikënisja e një aktiviteti, emri i të cilit tashmë e bën të qartë gjithçka: një tur në Rivierën Shqiptare që mbulon brenda një dite parajsat kryesore të zonës, si plazhi i Borshit me plazh me rërë, apo Himara, një nga enklavat më të bukura me ujëra bruz.

Nga e njëjta pikënisje ju rekomandojmë të bëni një udhëtim në një vend tjetër idilik, në lagunën e Syrit të Kaltër, një burim i shpallur Monument Natyre. Ju mund të kryeni një sërë aktivitetesh ujore, nga qyteti i Vlorës dhe të zbuloni ishullin e Sazanit dhe Karaburunit.

“Presidenti i Serbisë, Aleksandër Vuçiç, shkoi buzagaz në Paris ku takoi presidentin Emmanuel Macron, por lideri francez është siguruar t’ia ngrijë buzëqeshjen në fytyrë. Pavarësisht njoftimeve madhështore në prag të vizitës së tij në Paris, presidenti serb ka marrë një “dush të ftohtë” në takimin me presidentin francez” – ka shkruar media serbe “Nova.rs”, referuar deklaratave për Kosovën dhe sulmin në Banjskë.

As marrëveshja për blerjen e avionëve luftarakë francezë, duket se nuk i përmirësoi gjërat. Hollësitë financiare të marrëveshjes së mundshme nuk janë bërë të ditura, por media pro qeveritare serbe e vlerësoi atë në rreth 3 miliardë euro. Por nuk mbaron me kaq.

Presidenti francez ka konfirmuar se vendi i tij do të mbështesë rezolutën që dënon gjenocidin në Srebrenicë, e cila duhet të vensoaet në Asamblenë e Përgjithshme të Kombeve të Bashkuara, të cilën presidenti serb Aleksandër Vuçiç dhe lideri serb i Bosnjës Milorad Dodik e kundërshtojnë fuqishëm.

Në video-mesazhin e presidentit francez, që u transmetua të premten nga Qendra Përkujtimore e Srebrenicës në profilin e tij në rrjetin social X, Macron tha se Franca do të kujtojë përgjithmonë vuajtjet që kaloi Bosnja dhe Hercegovina gjatë luftës në vitet 1990 dhe veçanërisht gjenocidin e Srebrenicës në korrik 1995, të cilin ai e përshkroi si një nga tragjeditë më të këqija në historinë moderne.

“Franca nuk i ka harruar më shumë se tetë mijë viktima, të rritur dhe fëmijë, që u vranë. Me emocione të thella, përshëndes viktimat e mbijetuara të gjenocidit dhe familjet e tyre dhe shpreh ngushëllimet e mia të sinqerta”, – tha Macron. Mesazhi i tij, në të cilin konfirmoi gjithashtu se Franca i bashkohet vendeve që propozojnë dhe duan të mbështesin miratimin e rezolutës për Srebrenicën në organin më të lartë të OKB-së, u publikua vetëm dy ditë pasi Aleksandër Vuçiç vizitoi Parisin.

Në versionin e punës të rezolutës të transmetuar nga mediat, të gjithë anëtarëve te OKB-së u kërkohet të refuzojnë përpjekjet për të mohuar natyrën e atij krimi, të shpallin 11 korrikun ditë përkujtimi për viktimat e gjenocidit të Srebrenicës, teksa autorët që janë ende në liri, dhe për të gjetur eshtrat e rreth një mijë të vrarëve të tjerë.

Në tekstin e rezolutës së propozuar, Serbia apo Republika Srpska nuk përmendet askund në mënyrë eksplicite as faji kolektiv nuk i atribuohet asnjërit prej tyre, as popullit serb, siç pretendojnë gabimisht Vuçiç dhe Dodik.

Nismëtarët formalë të rezolutës janë Gjermania dhe Ruanda, dhe atyre iu bashkuan 15 të tjera, kryesisht vendet perëndimore më me ndikim dhe Turqia, të cilat tani së bashku qëndrojnë prapa dokumentit, i cili është në formën e një propozimi të dërguar për diskutim dhe Vendimi për pranim pritet më 2 maj.

Midis vendeve të rajonit, në propozimin e rezolutës u bashkua edhe Sllovenia. Vuçiç të enjten, pas takimit me Dodikun, bëri një dramë të vërtetë para gazetarëve, duke pranuar se nuk ka ndonjë perspektivë të veçantë për të penguar miratimin e rezolutës.

“Serbia do t’i kundërshtojë të gjitha vendet e NATO-s, nga Turqia e deri në Gjermani, me mjete politike, jo ushtarake, por ne e dimë se shanset tona janë minimale”, tha presidenti Vuçiç.

Dodik, nga ana tjetër, përsëri synoi temën e tij të preferuar të shpalljes së pavarësisë së RS-së si përgjigje ndaj rezolutës, e cila në thelb vetëm do të kujtonte faktet tashmë të provuara nga vendimet e Gjykatës Ndërkombëtare Penale për ish-Jugosllavinë dhe Gjykata Ndërkombëtare e Drejtësisë, e cila vendosi për gjenocidin e kryer në Srebrenicë.

“Nuk shoh asnjë pikë që RS pas miratimit të rezolutës të mbetet si pjesë e Bosnjë-Hercegovinës, tha Dodik, duke treguar se do të bëjë gjithçka që Vuçiç të mbështesë RS-në në vendimet e vështira që do të marrë pas 5 majit”. Vuçiç, nga ana e tij, theksoi se ai “i lutej popullit të Republikës Srpska” që të mendonte edhe një herë për të gjitha vendimet dhe veprimet që kanë planifikuar të marrin.

Ministri i Punëve të Jashtme të Serbisë, Ivica Daçiç, ka njoftuar se homologu i tij i ka premtuar se Hungaria do të votojë kundër anëtarësimit të Kosovës në Këshillin e Evropës.

“Ministri më përsëriti se Hungaria është e interesuar për suksesin e dialogut ndërmjet Beogradit dhe Prishtinës, por se synimi i vazhdueshëm i Kosovës për t’iu bashkuar organizatave ndërkombëtare nuk e ndihmon këtë proces dhe konfirmoi se Hungaria do të votojë kundër në Komitetin e Ministrave të Këshillit të Evropës lidhur me anëtarësimin e Kosovës” – ka shkruar Daçiç në Instagram.

Po ashtu, kryediplomati serb ka theksuar se Hungaria nuk do të mbështesë rezolutën për Srebrenicën në OKB, si dhe çdo propozim që do të çonte në përshkallëzim të mëtejshëm të tensioneve në rajon.

Dy ditë më parë, Presidenti i Serbisë, Aleksandër Vuçiç, taksa paralajmëroi “ditë të vështira” për Serbinë, deklaroi se anëtarësimi eventual i Kosovës në Këshill të Evropës nënkupton largimin e Serbisë nga kjo organizatë, duke pretenduar se Kosova ende nuk i ka plotësuar kushtetet për anëtarësim, posaçërisht rreth themelimit të Asociacionit të Komunave me Shumicë Serbe.

Ai e cilësoi “periudhë të vështirë” vendimmarrjen në Këshillin e Evropës për pranimin e Kosovës dhe draft-rezolutën e Kombeve të Bashkuara (OKB) për gjenocidin serb në Srebrenicë të Bosnje-Hercegovinës, dhe njoftoi t’i ketë dërguar një ankesë Asamblesë së Përgjithshme të OKB-së për shkeljen e pretenduar të procedurave mbi rezolutën për dënim të gjenocidit.

Serbia ka paralajmëruar se do të angazhohet kundër anëtarësimit të Kosovës në Këshillin e Evropës dhe kundër aprovimit të Rezolutës së OKB-së për gjenocidin në Srebrenicë. Përderisa votimi për Kosovën pritet ta kalojë fazën parafinale më 16 prill në Asamblenë Parlamentare të Këshillit të Evropës, data kur do të votohet draft-rezoluta e OKB-së nuk është e caktuar ende.

Pas një fundjave me diell dhe një moti tipik për plazh, gjysma e dytë e prillit  nis me luhatje të mëdha të temperaturave.

Moti nis të freskohet të hënën e 15 prillit, ndërsa e marta shënon thyerje te tablosë sinoptike.

Rikthehen vranësirat me reshje të dobëta shiu, ndërsa temperaturat ulen me 4 gradë Celsius .

Mirëpo, sinoptikania e A2 CNN Tanja Porja thotë se java e fundit e prillit do t’i ngjajë ditëve të dimrit.

Moti do të jetë i paqëndrueshëm.

Në zonat malore kthehen reshjet e shiut dhe dëborës ndërsa temperaturat minimale i afrohen zero gradëve.

Muaji i dytë i pranverës do të veçohet për anomalitë termike dhe kalimin nga vera në dimër me një luhatje prej 15 gradësh.