Politike

Ish-deputeti i PS: Rama mbajti në detyrë Visho Ajazin, i kishte duart me gjak

Ish-deputeti i PS Spartak Braho i ftuar në një emision televiziv ka folur në lidhje me propozimin e kryeministrit për emërimin në krye të SHISH të Vlora Hysenit, duke thënë se nuk e kupton këtë veprim pasi kjo e fundit është shkarkuar nga e njëjta detyrë në Kosovë.

Braho tregoi se ligji për kreun e SHISH thotë se ky rol duhet të mbahet nga një person me shtetësi shqiptare, dhe jo të dyfishtë ashtu si Hyseni.

Ai shtoi më tej se Rama “nuk kupton nga punët e shërbimeve”, ndërsa kujtoi një episod ku ka mbajtur në detyrë Visho Ajazin me arsyetimin se “nuk do bënte gjë” edhe pse vetë Braho i kishte thënë se ai “i ka duart me lyera me gjak”.

“Është shkarkuar nga Kurti, Rama e merr në kabinet, nuk e kuptoj. Unë nuk kam vërejtje për atë apo punët e saja. Problemi është se pse duhet të merret një shtetase kosovare. E njoh mirë ligjin për SHISH, duhet të jetë një shtetas shqiptar, jo të jetë me dy shtetësi kreu. Rama ka dështuar me dy ministra që ka marrë nga Kosova, ky është një pozicion shumë delikat.

Kurti e shkarkon, ky e merr, nuk e di çfarë fshihet. Kreu i SHISH duhet të jetë 24 karat shqiptar, nuk dua të vë në dyshim cilësitë e saj, por është një pozicion shumë delikat. E shikoj si çudi, por jo si karshillëk ndaj Kurtit nga ana e Ramës.

Rama nuk kupton nga punët e shërbimeve, e mbajti Visho Ajazin 4 vite shef, ai që kishte vrarë e prerë, dhe e mbajti kryetar të SHISH. I pata thënë ta heqë se i ka duart me gjak, nuk e hiqte. Le të rrijë thoshte se nuk ka çfarë bën.
Jemi në Shqipëri, ka të tjera detyra Shërbimi informativ në Kosovë dhe të tjera probleme ka këtu. Shpresoj se do e bëjë mirë dopio-rolin. Kjo është e tëra intrigë. Për mua shefi i shërbimit duhet të jetë puro shqiptar që të mendojë vetëm për Shqipërinë, kur të bashkohemi me Kosovën le t’i vendosin me dy shtetësi.
Nëse Begaj e vlerëson se është në përputhje me ligjin le ta dekretojë. Unë kam qenë pjesëtar në hartimin për ligjin e shërbimit informativ dhe duhet të jetë vetëm shqiptar shefi”, tha Braho.

Politike

Meta nga “Rruga e shpresës”: I kam thënë Ramës, Berisha është politikani më serioz

Pasi përfundoi pas mesdite Asamblenë e Partisë së Lirisë, Ilir Meta I shoqëruar nga një numër mbështetësish dhe veshur një bluzë ku shkruhej ‘Lironi liderin e opozitës’, mbërriti tek rrugica poshtë banesës së Berishës.

Ai ka thurur lavde për Berishën duke e cilësuar si njeriu që ka futur Shqipërinë në NATO dhe ka bërë dhe shumë arritje të tjera për vendin.

”I kam thënë Ramës të mos e provokojë opozitën.

I kam thënë Ramës që politikani më serioz në Shqipëri është Sali Berisha”, tha Meta.

E përshendet Berishën, duke e quajtur president i përgjithshëm.

Politike

‘Lironi liderin e opozitës’/ Meta mban veshur bluzen me mbishkrimin për Berishën: Afër Zotit

Kreu i PL-së, Ilir Meta tha rrugës teksa po shkonte te banesa e liderit të opozitës, Sali Berisha, se nuk po shkonte në një ballkon, por në një podium.

Meta tha se kryeministri Edi Rama është i pashpresë, ndërsa shtoi se ndryshimi do të vijë shpejt. Kreu i PL-së, teksa po fliste për opozitën tha se Gazment Bardhi është një opozitar i vërtetë, ndërsa për Lulzim Bashën tha se “llogaritë e Shqipërisë nuk mund t’i bëjë ai faqezi.”

Meta: Nuk po shkoj në një ballkon, por në një podium. Ata kujtojnë se kanë izoluar Berishën, por ata e kanë ndihmuar që të jetë më afër shqiptarëve, të jetë më afër qiellit dhe më afër Zotit. Edi Rama është i pashpresë dhe ndryshimi do të vijë. Shqiptarët kanë kuptuar shumë mirë se çfarë po ndodh. Për Bashën, dihet se shtatë herë shtatë bëjnë 42, llogaritë e Shqipërisë nuk mund t’i bëjë aq faqezi. Besoj se Bardhi është një opozitar i vërtetë.

Politike

Meta niset nga selia e PL drejt banesës së Berishës: Beteja me mafien është betejë për jetë a vdekje

Kreu i PL-së, Ilir Meta ashtu siçi e kishte paralajmëruar në mbyllje të Konventës Kombëtare, është nisur nga selia e PL-së, drejt banesës së liderit opozitar, Sali Berishës për t’ju bashkuar tubimit qytetar.

Teksa po ecte, Meta tha për mediat se PL ka reflektuar dhe se nga nesër do të nisë një riorganizim. Më tej shtoi se beteja me mafier është betejë për jetë a vdekje.

Meta: Partia e Lirisë ka reflektuar dhe nga nesër nis një riorganizim. Beteja me mafien është betejë për jetë a vdekje. Kjo është një betejë, që ia vlen edhe të vdesësh. Prej kohësh e bëmë të qartë se do të kishim një strukturë të re. Për Vojo Kushin nuk mund të ankohet askush, ai edhe kur mbeti vetëm, kaloi në përjetësi. Nuk keni pse të keni ankesa për Vojo Kushin. Vojo Kushi është hero i popullit dhe Kryemadhi nuk mund të ketë ankesa për të. Sikur të gjithë këshilltarët e PL do të hidheshin mbi policët e regjimit, do të kishim tjetër Shqipëri. Për mua familja ka rëndësi, Shqipëria ka akoma më shumë rëndësi.

Politike

Rastësi apo zgjedhje? Meta nuk e ndjek fjalimin e Kryemadhit, pamjet

Rastësi apo zgjedhje?! Ilir Meta nuk qëndroi në sallë në Konventën e Partisë së Lirisë për të ndjekur fjalimin e Monika Kryemadhit. Ai vendosi që të shkojë të votojë dhe u kthye pasi Kryemadhi mbaroi fjalën.

Politike

“Uaaa, flet partia e vulës për moral”/ Meta: Basha gënjen edhe kur fle

Kreu i Partisë së Lirisë, Ilir Meta u pyet nga gazetarët në lidhje me një video të publikuar sot nga PD e vulës, ku tregoheshin episode të kaluara politike me akuza të ndërsjellta mes Berishës dhe Metës.

Meta e ka cilësuar ‘parti e vulës pa moral’, teksa kthen në vëmendje zgjedhjen e Lulzim Bashës kryetar të Bashkisë së Tiranës.

“Uaaa, ore flet partia e vulës për moral. Si doli ky vulaxhiu kryetar bashkie në Tiranë në 2011, me 23 mijë vota dhe prapë u desh qëndresa e heroike e Arben Ristanit që të dilte. Çfarë të themi, Jo vetëm të gënjen për orën, por ai dhe kur fle nuk ngopet së gënjyeri”, tha Meta.