Itali / Shqiptarja e dyta në rang vendi në konkursin e kulinarisë

Shqiptarja Silvana Musej, prej vitesh jeton në Cuneo të Italisë. Ajo u bë kuzhiniere në mënyrë krejt të rastësishme kur punonte në lokal. Silvana Musej nuk e mohon asnjëherë origjinën e saj shqiptare.

Prej gjashtë vitesh Silvana Musej është shefe kuzhine në një restorant në Cuneo, “Relais Cuba”, por pasioni dhe angazhimi i saj në gatim nisi 15 vite më parë.

Javët e fundit shqiptarja Musej ka përfaqësuar Cuneo-n në një konkurs kushtuar uthullës balsamike, ku dhe është renditur e dyta si përfaqësuese e rajonit të Piemonte.

Silvana Musej është nënë e dy fëmijëve, punon në Relais Cuba në Cuneo. Në konkursin kombëtarë kushtuar uthullës balsamike “Balsamic Uthull Balsamicando”. Ajo është shumë e kënaqur nga ky çmim sepse sakfrificat e saj po shpërblehen.

Ajo u bë pjesë e gastronomisë krejt rastësisht, duke punuar fillimisht në banak e më pas në kuzhinë. Një punë që e mësoi të njoh dhe të zbulojë produktet, të vlerësojë dhe kombinojë shijet.

Kjo përvojë i dha asaj guximin të ndërmarrë një hap tjetër, jo i thjeshtë, veçanërisht kur ke një familje për tú kujdesur.

Pas 15 vitesh në gastronomi, u regjistrova në konkursin e zhvilluar nga FIC (Federazione Italiana Cuochi), Federata e Kuzhinierëve Italinë. “Në konkurs, unë përfaqësova provincën Grandad dhe rajonin e Piemonte. Aplikimin e bëra në internet duke prezantuar recetën “Venus Mesdhetar”. Përzgjedhja e recetës duhej patjetër të kishte si përbërës uthullën balsamike të Modena Leonardi IDp dhe duhej të përmbante perime të stinës. Pjata ime u vlerësua dhe u rendita në 12 më të mirët. Pas përzgjedhjes morëm pjesë në konkurs”, tregon Silvana.

Shqiptarja Silvana Musej tregon se gara ishte shumë e vështirë, sepse konkurenca ishte e madhe, në 30 minuta duhej mbaruar çdo gjë. “Kuptova nivelin e lartë të konkurencës dhe gati sa nuk u dorëzova pa nisur ende, por më pas mblodha forcat dhe u përqendrova totalisht në garë.”

Silvana arriti të përgatisë dhe të prezantojë recetën “Mish gici vjeshte”, fileto gici shoqëruar me kërpudha të shuara me uthull balsamike, lëng dardhe dhe krem kungulli me aromë trumze, qepë e kuqe e marinuar.

“E pabesueshme, arrita të renditem e dyta. Për mua ishte kënaqësi e jashtëzakonshme njerëzore dhe profesionale, ishte një shpërblim për shumë vite punë dhe lodhje. Kuzhina është jeta ime, unë kam ende shumë gjëra për të mësuar dhe shumë projekte, të cilat sigurisht do të përfshijnë edhe Shqipërinë time”.