Connect with us

Kosova

Kosovë-Serbi/ Mbyllet Kutia e Pandorës, Perëndimi ngushton hapësirat

Nëse lufta në Izrael do t’i përshpejtojë apo ngadalësojë proceset që kanë të bëjnë me zgjidhjen e problemit të Kosovës, është një pyetje që është ngritur që kur të shtënat kanë filluar sërish në Lindjen e Mesme. Analistët vlerësojnë se është në interesin e Perëndimit që të paktën të zgjidhet kriza në Ballkanin Perëndimor sa më shpejt që të jetë e mundur, megjithëse besojnë se BE-ja dhe SHBA-ja do të punojnë shpejt për këtë pavarësisht nga lufta në Izrael, pasi viti i ardhshëm është vitin e tyre zgjedhor. Sic edhe shkruan ‘Blic’, sëbashku me luftën në Ukrainë, bota është tronditur nga një tjetër krizë prej gati dy javësh, ajo në Lindjen e Mesme. Po t’i shtosh kësaj tensionet në Afrikën Sub-Sahariane dhe në Ballkanin Perëndimor, është e qartë se planeti ka shumë pika të nxehta që kërcënojnë të përshkallëzohen më tej dhe të krijojnë një “zjarr global”. Në një situatë të tillë, kur fokusi i Perëndimit është kryesisht në Lindjen e Mesme, ende nuk është e sigurt se si lufta në Izrael do të ndikojë në zonat e tjera të krizës, përfshirë çështjen e Kosovës. Ardhja e pesë diplomatëve të mëdhenj perëndimorë në Beograd dhe Prishtinë të shtunën paralajmëron një përpjekje të re të Perëndimit për të sjellë dialogun ndërmjet Beogradit dhe Prishtinës drejt normalizimit të marrëdhënieve mes dy palëve. Gjithashtu, kjo tregon se BE-ja dhe SHBA-ja janë jashtëzakonisht të interesuara për de-përshkallëzimin e situatës në veri të Kosovës pas ngjarjeve tragjike në Banjkë dhe përfundimisht përparimin në negociatat ndërmjet Beogradit dhe Prishtinës. Diplomati Zoran Milivojevic vlerëson se janë tri arsye pse lufta në Izrael dhe ngjarjet aktuale në botë, mbi të gjitha mund ta shqetësojnë Serbinë. “Nëse gjithçka që ndodh në Lindjen e Mesme përshkallëzohet sipas parimit të rrathëve koncentrikë, kjo mund të ndikojë në historinë e tensioneve Kosovë-Serbi. Problemi është se fuqitë e mëdha janë të përfshira në çdo gjë, e cila pengohet të jetë racionale dhe mund të çojë në nxitjen e elementeve të ndryshme të krizës. Së dyti, konflikti në Izrael tregon se “konfliktet e ngrira janë shumë të rrezikshme. Ne kemi pasur një përshkallëzim në veri të Kosovës, sidomos pas ngjarjeve në Banjskë, dhe Prishtina ende ka një qasje maksimaliste. E gjithë kjo është një paralajmërim i madh. Së treti, është edhe në interes të Perëndimit që kriza në Kosovë të zgjidhet sa më shpejt për shkak të luftës në Izrael” – Theksoi Milivojeviç. Sipas siplomatit, “Perëndimi dëshiron që çështja e Kosovës të mos hapet derisa të zgjidhen shumë çështje më të rëndësishme për ta. Sa e rëndësishme është për BE-në u pa edhe në Tiranë, ku presioni i madh drejtohet, mbi të gjitha, drejt kthimit në dialogu. Kjo është ajo që kërkohet urgjentisht dhe për marrëveshjen e platformës së Ohrit. As edhe aq rëndësi nuk i kushtohet ngjarjeve në Banjskë apo sanksioneve kundër Rusisë. Presioni po rritet dhe kjo do të shihet tashmë teksa te shtunën “5 të mëdhenjtë” do ngushtojnë hapësira ​​për manovrim”

Kosova

E rëndë në Kosovë/ Ngacmon s*ksualisht të miturën, vihet në pranga 61-vjeçari

Ditën e djeshme, një ngjarje e rëndë dyshohet të ketë ndodhur në rrugën “Isa Boletini” në Vushtrri të Kosovës, ku një person ka sulmuar s*ksualisht një vajzë të mitur 11-vjeçare.

Sipas Gazetës Sinjali, e mitura është sulmuar s*ksualisht nga një person i moshës 61-vjeç teksa ndodheshin në një market.

Autori i dyshuar i ngjarjes së rëndë është identifikuar si Bahri Bajrami, i cili është arrestuar nga Policia e Kosovës dhe po intervistohet.

Në bazë të informacioneve të para, i dyshuari e ka prekur viktimën në gjoks, duke i shkaktuar shqetësim të madh dhe frikë.

Të njëjtat burime kanë bërë me dije se përveç sulmit s*ksual në market, 61-vjeçari e ka ngacmuar viktimën përmes rrjeteve sociale, duke i dërguar mesazhe të ndryshme.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor, në dyshimet se ka kryer veprën penale ‘Sulm s*ksual’.

Continue Reading

Kosova

Osmani takohet sot me nënsekretaren amerikane të Shtetit, ja marrëveshja që pritet të nënshkruhet

Presidentja e Kosovës,  Vjosa Osmani ditën e sotme do ta presë nënsekretaren amerikane të Shtetit, Elizabeth Allen në një takim në Presidencë. Mësohet se gjatë këtij takimi do të nënshkruhet një marrëveshje mirëkuptimi ndërmjet Qeverisë së Shteteve të Bashkuara të Amerikës dhe Republikës së Kosovës, kundër manipulimit të informacionit nga shtetet e huaja.

Sipas njoftimit takimi do të nisë në orën 09:00 ndërsa më tej bëhet me dije se pas nënshkrimit të marrëveshjes Osmani dhe Allen do dalin në deklaratë për mediat.

“Në orën 09:00, Presidentja e Republikës së Kosovës, Vjosa Osmani pret në takim Nënsekretaren e SHBA-ve për Diplomacinë Publike, Elizabeth Allen. Mediat do të marrin pamje në fillim të takimit, ndërkaq më pas edhe në nënshkrimin e marrëveshjes së mirëkuptimit ndërmjet Qeverisë së Shteteve të Bashkuara të Amerikës dhe Republikës së Kosovës, kundër manipulimit të informacionit nga shtetet e huaja. Pas nënshkrimit të marrëveshjes, Presidentja Osmani dhe Nënsekretarja Allen do të deklarohen për media”, thuhet në njoftim.

Continue Reading

Kosova

Si kofini pas të vjelit, Isa Mustafa ‘trimëri’ pas luftës, akuzon Kurtin

Për ish-kryeministrin e Kosovës, Isa Mustafa, propozimi i Qeverisë së Kosovës për të dërguar një draft-statut të Asociacionit të Komunave me Shumicë Serbe – që nuk është i dakorduar paraprakisht në procesin e dialogut – në Gjykatë Kushtetuese për shqyrtim përveç se është “paradoksal është edhe joserioz”.

Mustafa theksoi se Gjermania, Franca e Italia po kërkojnë nga Qeveria e Kosovës që në Kushtetuese ta dërgojë draft-statutin e Asociacionit që është derivat i Marrëveshjes së Brukselit dhe e Ohrit (e dakorduar më 27 shkurt dhe me 18 mars), i cili në vlerësimin e tij është “një autonomi politike territoriale”.

Mustafa ndër të tjera argumentoi se në Kushtetuese mund të përcillen vetëm dokumente të aprovuara paraprakisht nga Qeveria, e cila fillimisht duhet të jetë e derivuar “nga një pajtim i palëve në proces të dialogut”.

Ndërsa persa i përket transformimit të kryeministrit të Kosovës, Albin Kurtit, nga kundërshtuesi më i madh, te i pari që propozon të dërgojë draft-statut për Asociacion në Kushtetuese, sipas Mustafës flet “qartë për karakterin mashtrues dhe të rrezikshëm të qeverisë”.

“LVV e ka kundërshtuar me dhunë ta paparë ‘Zajednicën’ dhe tani po e ofron autonominë serbe si Zajednicë (Bashkësi serbe) flet qartë për karakterin mashtrues dhe të rrezikshëm të qeverisë e cila iu është shitur qytetarëve si qeveri e shpresës” – potencoi ish kryeministri Mustafa.

Continue Reading

Kosova

Vuçiç gjen armiqtë e jashtëm të Serbisë dhe tregon qëllimet e tyre

Presidenti i Serbisë, Aleksander Vuçic, duke folur për propozimin për rezolutë për gjenocidin në Srebrenicë, ka deklaruar se ajo ka katër qëllime. Sipas presidentit serb, një nga qëllimet është shfuqizimi i etnitetit të Republikës Serbe në BeH.

“Qëllimi i parë i rezolutës për gjenocidin në Srebrenicë është shfuqizimi i RS, sipas dy rishikimeve të aktgjykimit për përgjegjësinë e Republikës së Serbisë, dhe i treti është që dikush të marrë ca para nga Serbia dhe ta padisë për Kompensimi për dëmet e luftës, i katërti është barra shtesë për Serbinë dhe vendosja e gjithçkaje mbi supet e saj, por qëllimi i tyre nuk është të ndërtojnë marrëdhënie më të ngushta, por dëshira për të shkatërruar çdo lloj proteste kundër tyre”- pohoi Vuçic I cili nuk nguroi ti gjente kundërshtarë të Serbisë në Uashington, Berlin dhe Londër.

Gjithashtu ai nuk e ka fshehur pesimizmin se do të miratohet rezoluta për gjenocidin në Srebrenicë.

“Për shtatë ditë përfundon seanca e OKB-së, dhe ata do të fitojnë formalisht, por nuk do t’ju them se për sa vota, por di te them se kemi luftuar”, përfundoi presidenti serb.

Continue Reading

Kosova

Vuçiç dërgon ushtrinë në kufi me Kosovën, ja qëllimi sipas analistit ushtarak nga Beogradi

Aleksandër Radiç, analist ushtarak nga Beogradi, ka folur për praninë e shtuar të NATO-s në Ballkan, ndikimin rus dhe njohjen e heshtur të Kosovës nga ana e Serbisë.

Sipas Radiç, NATO-s i kushton rëndësi të madhe ruajtjes së stabilitetit në territorin e ish-Jugosllavisë, sepse vlerëson se ekziston rreziku i një krize sigurie.

“Forcat e NATO-s në krahun lindor janë forcuar si një masë parandaluese, teksa njësi janë vendosur për të penguar Rusinë nga përpjekjet për të zgjeruar praninë e saj në pellgun e Detit të Zi” – deklaroi Radiç duke shtuar se nuk pritet per momentin që të ndodhë diçka, sepse është dërguar një mesazh i qartë se nuk do të lejohet.

“Ndikimi më i rëndësishëm në dinamikën e marrëdhënieve ndërmjet Serbisë dhe Bosnje-Hercegovinës është politika e Vuçiqit, e cila zhvillohet në dy pista – në njërën, mbahen marrëdhënie të mira me Moskën, dhe në anën tjetër, pelqen bankomatin e Bashkimit Europian”

Analisti ushtarak tha gjithashtu se edhe kërcënimet e Vuçiqit janë vetëm mashtrim ndaj popullit serb dhe Serbisë.

“Beogradi ka kaluar në nivel propagandistik dhe problemi i vërtetë është se si të bëhet opinioni publik serb të pranojë politikën e Vuçiqit për njohjen e fshehtë të pavarësisë së Kosovës” – potencoi Aleksandër Radiç.

Continue Reading
Advertisement

TRENDING