Connect with us

Politike

Ndizet situata, Jozefina Topalli prezanton partinë e re, Berisha i del në krah dhe i çon sinjale të ashpra Bashës

Zgjedhjet e 25 prillit e gjejnë Partinë Demokratike të ndarë në shumë fraksione. Pas Astrit Patozit, Myslim Murrizit apo Rudina Hajdarit edhe Jozefina Topalli është tani me parti të re. Ditën e djeshme, në një ceremoni ish-kryeparlamentarja ka prezantuar partinë e re “Lëvizja për Ndryshim”, pasi sipas saj premton sfidën për të ndryshuar këtë vend. Topalli u shpreh se tre krerët e partive në vend po mbajnë peng 3 milionë shqiptarë, duke shtuar se qytetarët nuk do ta ulin kokën përballë një situate që iu ka hequr meritokracinë dhe përfaqësimin. Sipas Topallit, gjërat nuk do të ndryshojnë nëse nuk do të ketë lëvizje dhe bashkim të forcave të reja. “Ndërkohë që 3 kryetarë nuk mund të mbajnë peng 3 milionë shqiptarë. Këta të fundit nuk kanë pse të presin që fëmijët e tyre që ende i kanë në shtëpi të ikin nga shtëpia e tyre drejt emigracionit. Ka gjithmonë dy mundësi në jetë: Të pranosh kushtet në të cilat jeton apo të marrësh përgjegjësinë për të ndryshuar. Por mos të pretendojmë se gjërat ndryshojnë nëse vazhdojmë t’i bëjmë në të njëjtën mënyrë. Ndërkohë të rinjtë kanë privilegjin e mundësinë të sjellin ndryshimin e shpresës tek një vend pa shpresë! Shqiptarët nuk ulin kokën përballë një situate paradoksi që i ka hequr përfaqësimin, meritokracinë, shpresën e dinjitetin. Ata e dinë se jeta nuk bëhet më e mirë nga shansi, por nga ndryshimi. Ne kemi nevojë për aksion për të arritur ndryshimin”, tha Topalli. Ish-kryeparlamentarja theksoi se Shqipëria nuk është as e Ramës, as e Metës dhe as e Bashës, por vetëm e qytetarëve, duke shtuar se vendi ka nevojë urgjente për ndryshim. “Bashkë ne duhet t’i japim mundësinë e ndryshimit për të cilët vendi ka nevojë. E shpresa të fitojë mbi dëshpërimin. Nuk duhet të ketë një Shqipëri të Ramës, një Shqipëri të Metës e një Shqipëri të Lulit. Shqipëria është vetëm e shqiptarëve. Dhe këta të fundit nuk mund të dorëzohen. Ata duhet ta rifitojnë atdheun e tyre. Unë kurrë nuk e kam humbur shpresën në këta vitet e fundit. Unë jam trishtuar. Shpesh herë si shumë të tjerë kam qenë e frustruar. Por kurrë nuk kam humbur shpresën”, tha Topalli.

Pabesia e qeverisë dhe opozitës

Për ish-kryeparlamentaren vendi nuk ka më as qeveri dhe as opozitë, duke u bërë thirrje shqiptarëve për injorim të tyre. Sipas saj, për faj të tyre vendi ndodhet në situata jo të mira dhe pa një sistem drejtësie të kompletuar. “Sot i them çdonjërit se sfidat me të cilat ne përballemi janë reale. Ata janë serioze dhe janë të shumta. Se janë të vështira dhe nuk zgjidhen duke u fshehur. Dhe ata nuk zgjidhen në një sistem të rreme si ky i joni, ku nuk ka as qeveri as opozitë të besueshme; ku qytetari nuk ka ku të gjejë drejtësi sepse nuk ka as Gjykatë Kushtetuese, as Gjykatë të Lartë; ku Gjykata Administrative është afër kolapsit dhe ata të Shkallës së Parë kanë degraduar. Në vendin tonë askush nuk i del për zot njeriut në vështirësi, as lirive dhe të drejtave të njeriut”, tha Topalli.

Berisha i del në krah

Shfaqja e beftë e Jozefina Topallit ka ngjallur mjaft pikëpyetje. Partia u prezantua në një kohë kur raportet Berisha-Basha janë tensionuar. Genc Ruli i ka dërguar disa mesazhe Berishës se ka ardhur koha e largimit. Ndërkohë vetëm pak ditë më parë Topalli u fotografua në kafe me zëdhënësen e Berishës. Por ish-kryeministri foli dje për këtë çështje, ku ndryshe nga Basha, nuk i sulmoi Topallin, Patozin dhe emrat e tjerë duke dërguar mesazhe të qartë ndaj liderit demokrat. “Nëse kthehemi në vitin 90 në vitin 90 unë pata disa shkrime në njërën prej tyre unë jam shprehur ‘thelbi i lirisë është zgjedhja e njeriut’. Kjo është thelbi i filozofisë ekzistencialiste, e cila në një farë mënyrë është filozofia e bashkëkohësisë e shekullit që shkoi dhe pasuroi shumë njerëzimin. Unë këtij mendimi i jam përmbajtur dhe i përmbahem”, tha ai.

sotnews/

Advertisement
Click to comment

Leave a Reply

Your email address will not be published. Required fields are marked *

Politike

‘Rama u shastis nga lajmet për Olsin’/ Berisha: Urdhëroi të priten ca koka turku…

Ish-kryeministri Sali Berisha ka reaguar ditën e sotme pasi kreu i Grupit Parlamentar të PD, Gazment Bardhi akuzoi të vëllanë e kryeministrit Edi Rama, Olsi Rama si i përfshirë në laboratorin e drogës së Xibrakës.

Berisha u shpreh se kryeministri “urdhëroi të priten ca koka turku në mënyrë që publiku shqiptar të mos përqendrohen tek Olsi sonte, por të merren me Qaton dhe stër-Qaton.”, duke iu referuar arrestimeve të kryera sot të ish-zyrtarëve të Bashkisë Tiranë.

“Edi Rama sot mori atë që meritonte. Një javë më parë, ai në Opinion do t’i shtrembërohej fytyra dhe do nxirrte fjalë që vetëm ai mund të nxjerrë, kur moderatori i rikujtoi akuzën për Olsi Ramën në dosjet e hetimit.

Fyeu me fjalët që vetëm ai i ka të vetëm, kryetarin e grupit parlamentar të opozitës, Gazment Bardhi, i cili iu përgjigj fjalë për fjalë: a je burrë, më prit në Opinion javën që vjen, të të faktoj me dokumente zyrtare se cili është Olsi dhe roli i tij.

 

 

Sonte, pas përpjekjeve që bëri për të dështuar emisionin, ka ngritur në këmbë polici dhe spiunë. Por shqiptarët do e shohin se kush është Edi Rama, se ç’përfaqëson klani Rama, se ç’përfaqëson drejtësia e tij. Shqiptarët me dokumente do shohin se pushteti i tyre nisi me drogën dhe do sosë me drogën gjer në përmbysjen e ardhshme.

Të dashur miq, i shastisur nga lajmet e drogës, në të cilat dosje hetimore faktonte se njeriu i paidentifikuar, 45-vjeçari me flokë të shkurtra dhe surrat Olsi, ishte vëllai i tij, urdhëroi Dumanin e tij të presë ca koka turku në mënyrë që publiku shqiptar të mos përqendrohen tek Olsi sonte, por të merren me Qaton dhe stër-Qaton. Të dashur miq, fatkeqësitë këtij kombi dhe asnjë kombi tjetër, nuk i vijnë nga poshtë lart, por i vijnë nga lart poshtë.

Fatkeqësitë nuk vijnë nga qytetarët, por vijnë nga pushtetarët hajdutë. Nga pushtetarë që vjedhin dhe i shtypin. Kjo është historia”, u shpreh ai.

Continue Reading

Politike

15-vjetori i anëtarësimit në NATO/ Berisha nga arresti shtëpiak: Shqipëria nuk plotëson kriteret të jetë anëtare

Ish-kryeministri Sali Berisha, ka marrë pjesë nëpërmjet një lidhje live ndërsa ndodhet në arrest shtëpiak në aktivitetin dedikuar 15-vjetorit të anëtarësimit të Shqipërisë në NATO.

Berisha theksoi se opozita shqiptare ishte e para që do kërkoi anëtarësimin e Shqipërisë në NATO, nga të gjitha opozitat e vendeve ish-komuniste.

“Duhet të them dy fjalë përsëri. Gjatë këtyre 10 viteve, sigurisht qëka një bashkëpunim të qartë mes Shqipërisë dhe NATO-s. Dhe Shqipëria duhet të përmbushë çdo detyrim, pasi la detyrimet që kishte për buxhetin 2 përqind. E reduktoi buxhetin e mbrojtjes në shifra qesharake. Bazat e ushtrisë u bënë pre e mafies më të rrezikshme të Europës.

Për dijeninë tuaj, ata që nisën përgatitjen për bazën e Kuçovës, u arrestuan pa asnjë motiv nga rilindësit sapo erdhën në pushtet. Dhe në një akt tjetër të turpshëm, Edi Rama urdhëroi zhdukjen nga të gjitha institucionet e flamurit të NATO-s, vetëm e vetëm se kjo ishte një arritje e paraardhësve të tij. Sot, mendoj se në rrafshin politik, Shqipëria nuk plotëson më kriterët politike për të qenë anëtarë e kësaj aleance. Si në asnjë vend tjetër të aleancës dhe në kundërshtim flagrant me parimet më themelore të një shoqërie të lirë, sot të gjitha pushtetet janë të përqendruara në duart e një njeriu. Sot, 93 përqind, 95 përqind e të gjithë zyrtarëve të lartë të emëruar dhe të zgjedhur, i përkasin partisë shtet dhe ky model nuk ka asgjë të përbashkët me modelin politik të anëtarëve të Aleancës së Atlantikut të Veriut. Sot njeriu që ka përqendruar të gjitha pushtetet, përdor sistemin gjyqësor për grusht shteti kundër parlamentit, për të marrë pushtetet e parlamentit. Sot shkelmohen parimet universale të prezumimit të pafajësisë, të garantimit të ndarjes së pushteteve, ndaj dhe kjo forcë politike që realizoi anëtarësimin e Shqipërisë në NATO, e ka detyrë jetike vendimtare, në një kthesë të re historike, të rivendosë në Shqipëri, pluralizmin demokratik, ndarjen dhe balancën e pushteteve në përputhje me Kushtetutën. Të vendosë kushtetutshmërinë si shtyllë qendrore të një rendi demokratik. Dhe unë kam bindjen se ky përvjetor do jetë për ne, një përvjetor frymëzues për përmbushjen e objektivave të reja tona. Edhe njëherë ju falënderoj shumë dhe ju uroj këtë ditë”, tha ish-kryeministri.

Continue Reading

Politike

Dosja e Xibrakës/ Bardhi thirrje kreut të SPAK: Të hetohet roli i Olsi Ramës

Kreu i Grupit Parlamentar i PD-së së Rithemelimit, Gazment Bardhi në një deklaratë për mediat, i ka bërë thirrje kreut të SPAK Altin Dumanit, që të rihapë dosjen e Xibrakës.

Bardhi shprehet se pjesëtari i organizatës kriminale në Xibrakë, që është i paidentifikuar, është Olsi Rama. Kjo, sepse në dosje është një 45-vjeçar, që ngjan me Olsi Ramën dhe ai ka përdorur të njëjtën makinë me trafikantët e që nuk është identifikuar nga policia.

“Të hapet sërish dosja Xibraka, të hetohet roli i Olsi Ramës për laboratorin e drogës. I drejtohem kreut të SPAK Altin Dumani, prova është dosja. Ndërsa për Edi Ramën kam një pyetje se përse krerët e organizatës kriminale përdorën me Olsi Ramën të njëjtën makinë.

 

 

Thelbi i çështjes është se çfarë bën Olsi Rama në të njëjtën makinë, ku kanë udhëtuar edhe kriminelët. Është koha që kryeministri të provojë mjerimin e së vërtetës dhe të çlirohet nga banditët dhe trafikantët”, deklaroi Bardhi.

Continue Reading

Politike

Gjekmarkaj: Berisha, i vetmi politikan në arrest shtëpie pa akuzë e pa dënim

Nënkryetari i Partisë Demokratike të Rithemelimit, njëherësh dhe nënkryetar i Kuvendit, Agron Gjekmarkaj, është shprehur se vula e PD-së po mbahet peng, ndërsa shton se kjo sagë nuk duhet të vijojë pa fund.

Gjatë intervistës në studion e lajmeve në News24, Gjekmarkaj tha se Sali Berisha është kryetari i PD-së dhe se ish-kryeministrit është sot i vetmi politikan në arrest shtëpie pa akuzë dhe pa dënim.

“Në momentet e para mendoj se gjykata ka patur vështirësi dhe është dashur një periudhë qartësie. Kur gjërat u bënë të qarta nuk besoj se kjo sagë duhet të vijojë pafund dhe nuk duhet vetëm paanësi, por dashuri për vendin në mënyrë që opozita të mos mbetet peng pasi ne duhet të përballemi me qeverinë e Edi Ramës. Bonuset e këtij pengu i mban mazhoranca dhe qeveria në një kohë kur gjykata duhet të jepte vendimin prej kohësh. PD duhet të kthehet plotësisht brenda kornizës së saj ligjore dhe t’u përgjigjet qytetarëve dhe mbështetësve.

Unë kam qenë nënkryetar i PD dhe dhashë dorëheqjen për të hapur rrugë që PD të kthehet te bashkimi. E bëra si akt përgjegjësie dhe e pranova sërish pozicionin e nënkryetarit si akt përgjegjësie dhe shans për t’u ri ngritur dhe për t’u përballur me Edi Ramën dhëmbë për dhëmbë e sy për sy. Në optikën time aksioni opozitar ka qenë 5 muaj rezistence të paepur dhe dinjitoze, e shëndetshme për demokracinë. Këto protesta sollën zgjidhjen e kërkesave të opozitës. Opozita u përball me një rezistencë disa mujore të pazakontë, por konsistente dhe e gatshme të vazhdonte deri në limite, e detyruam qeverinë të tërhiqej dhe parlamenti të kthehej në shinat e Kushtetutës, së bashku me ndërkombëtarët. Kjo është e mira e kësaj proteste, ndërkombëtarët njohën opozitën e vërtetë dhe përpjekjen tonë për rikthimin e rregullit në Parlament. Mjafton që të ndizni televizorin për të parë kush është opozita e vërtetë. Janë numrat ato që vendosin dhe që kanë caktuar qartë kush është opozita shqiptare.

Sali Berisha është sot i vetmi politikan në arrest shtëpie pa akuzë dhe pa dënim. Secili mund t’i bëjë pyetje vetes si mund të konsiderohet arrestimi i tij, kur Kushtetua e mbron deputetin nga çdo vendim gjykatash pa miratim Kuvendi. Kjo ndodhi me Berishën dhe Kuvendi certifikoi atë që gjykata bëri gabim. Berisha është kryetari i PD, ne jemi bashkuar me diversitet, ku na bashkon historia e PD”, tha ai.

Gjekmarkaj u ndal dhe te komisionet hetimore të cilat u miratuan nga Kuvendi të enjten e shkuar, ku ha se do të bëhet transparencë për eurot e sterilizimit dhe dritëhijet e tjera.

Ndërsa për Reformën Zgjedhore, tha se do të donte që ajo të reflektonte vërejtjet e OSBE.

“Komisionet hetimore do të bëjnë transparencë, opozita është aty për të bërë transparencë për 200 milionë eurot e Sterilizimit dhe dritëhijeve të tjera. Nëse Parlamenti nuk e voton raportin, në fund dilet me dy raporte dhe është çështje vullneti e mazhorancës për të ruajtur eksponentët e saj. Beteja e opozitës do të jetë e fortë dhe nga pikëpamja morale do jetë betejë e fituar.

Sa i përket Reformës Zgjedhore, do doja që ajo të reflektonte vërejtjet e OSBE që shtohet pas çdo procesi zgjedhor që mazhoranca e Edi Ramës ka bërë këto vite. PD duhet të punojë për të futur në Kushtetutë qeverinë teknike para zgjedhjeve, ku besimi mes palëve është masakruar pas përdorimit të krimit për të mundur opozitën. Shqipëria e ka jetike këtë. Nuk do ta arrijmë me luftë, por do kontribuojmë që shoqëria të bëjë presion dhe të kërkojmë kuptim nga aleatët ndërkombëtare për të arritur një qeveri teknike, jo vetëm për këto zgjedhje, por në fundin e çdo mandati”, u shpreh ai

Continue Reading

Politike

Dy vulat e humbura të PD/Minxhozi: Bashën e keni në letargji

Anëtarja e Kryesisë së PD Taulanda Jupi ndërsa foli për ‘vulën’ e Partisë Demokratike u shpreh se nuk është një çështje që duhet ta zgjidhë gjykata, por sipas saj duhet të merrte një zgjidhje politike.

“Konflikti në PD në mënyrë të pashmangshme ka qenë i shtyrë edhe drejt gjithë kampit opozitar. Gjithmonë kam artikuluar që nuk është një çështje që duhet ta zgjidhë gjykata, por do të duhet të jetë një zgjidhje politike”, tha Jupi.

Ndërsa komentoi letrën e Agron Gjekmarkajt, drejtuar Apelit për vulën e Partisë Demokratike, theksoi se sipas saj nuk ka asnjë vlerë.

“Sot kam reflektuar kur për të disatën herë dëgjoj, do ta quaja deputet, por që nuk përfaqëson qytetarët e Lezhës. E vetmja punë që ka bërë është të ironizojë, me ca shkrime si të “Hostenit”. Sa i përket letrës do thoja nuk ka ndonjë vlerë. PD është partia zyrtare pavarësisht se mbetemi ende në konflikt gjyqësor për vulën dhe logon. Ky konflikt duhet të tejkalohet sepse ky konflikt i PD pasqyron krizën e thellë që është në skenën politike në Shqipëri. Në këtë skenë politikë un shoh të nevojshëm polin e tretë që ka filluar të ngrihet nga PD për të krijuar një pol besimi politik në raport me qytetarin. Prej dy vite e gjysmë janë bërë të gjitha përpjekjet që Komisioni të funksionojë. Mund të gjendet vullneti politik për një reformë zgjedhore që të sigurojë rregulla loje të qarta. Nuk ka sot ende një qëndrim publik, a janë apo jo për lista të hapura?”, tha ajo.

Skënder Minxhozi: Faktorë të ndryshëm politik kanë ide racionale të sakta të mbështetura në ligj. Por duhet të kenë peshën specifike që ndaj palëve të tjera që t’i bindësh. Kreun e partisë e kishit dhe e keni në letargji. Vizita e Blinken në Tiranë, e lëkundi, kartën amerikane. Pa Berishën në fushë Edi Rama e ka të vështirë të bëjë një fushatë elektorale sepse e ka shumë komod zotërinë në fjalë. Pra kjo është e dukshme.

Taulanda Jupi: Ne nuk na ndalon asgjë të shprehim qëndrimet dhe vizionin tonë për një reformë zgjedhore që mundëson mekanizma që respekton vullnetin e qytetarëve.

Continue Reading
Advertisement

TRENDING