Connect with us

Kosova

Osmani: Traktat për mbrojtje të ndërsjelltë me Shqipërinë

Presidentja Vjosa Osmani ka thënë se është koha për një traktat me Shqipërinë për të reaguar në rast të cenimit të dy shteteve.

Këtë Osmani tha se e diskutoi në Presidencë me presidentin e Shqipërisë, Bajram Begaj, të cilin e priti në Prishtinë me nderime të larta shtetërore.

“Është me rëndësinë që me Shqipërinë, siç e diskutuam, të kemi një traktat për mbrojtje të ndërsjellë, me të cilin në mënyrë reciproke do të reagojmë në rast të cenimit të dy shteteve tona”, tha Osmani në një konferencë të përbashkët për media me Begajn.

Presidentja tha se kjo praktik “është në harmoni me praktikat ndërkombëtare dhe aplikohet nga shumë shtete”.

“Është koha që të bëjmë hapa të duhur në këtë drejtim”, tha ajo.

Kosova, siç tha presidentja Osmani, llogarit në Shqipërinë dhe ajo i tha Begajt se ka besim që nën udhëheqjen e tij do të intensifikohen marrëdhëniet ndërshtetërore.

“Fakti që Shqipëria tashmë është anëtare e NATO-s krijon siguri më të madhe në gjithë rajonin tonë. Në këtë kohë kur po sfidohet arkitektura e sigurisë, siguria është shndërruar në prioritet”, tha Osmani ndër tjerash.

Begaj, në anën tjetër, tha se Kosova dhe Shqipëria kanë të njëjtin vizion dhe bëjë të njëjtën rrugë. Ai foli për stabilitetin rajonal duke thënë se duhet punuar për ta mbajtur paqen, e cila tha se “është delikate”.

Kosova

Luhet ndeshja e fundit e dialogut Kosovë-Serbi, lëvizin kanalet alternative

Kritikat e zyrtarëve kosovarë ndaj emisarit europian, Miroslav Lajçak mbështeten në mosbesimi e Prishtinës zyrtare tek ai, porse gjithashtu ngrejnë disa pyetje: A ka besim Albin Kurti te Amerika, Gjermania dhe Britaninë e Madhe? A e ka “luajtur” Prishtina ndeshjen e fundit në dialog, nën patronazhin e BE-së? A do të zgjidhen, përmes kanaleve “laterale”,  temat nga dialogu që janë në dobi të Kosovës, ndërsa çështjet me rëndësi për palën serbe do të mbeten anash?

Gjatë gjithë vitit të kaluar, përfaqësues të pushtetit në Prishtinë i atribuan Lajçakut akuza se është i njëanshëm dhe se ka qasje të gabuar ndaj dialogut, kurse ministrja e Punëve të Jashtme, Donika Gervalla, këto ditë pa kurrfarë etike diplomatike,  tha se Lajçak është vetëm një zyrtar i zakonshëm I BE-së, që merr një rrogë, dhe që do të largohet e do vijë një tjetër.

Nga ana tjetër, kryetari i Kuvendit në Kosovë, Glauk Konjufca, deklaroi se edhe i dërguari amerikan për Ballkanin Perëndimor, Gabriel Escobar, mbështet konceptin e përfaqësuesit të BE-së për dialog, Miroslav Lajçak. Me një logjik të thjeshtë, edhe Escobar është “në favor të palës serbe”, kurse qëndrimi britanik është i ndryshëm.

Meqenëse mandati i Lajçakut është i kufizuar deri në fund të gushtit 2024, pyetja është nëse duhet të presim që përfaqësuesit e Kosovës të vijnë në raundet e ardhshme në Bruksel vetëm për formë e pa përmbajtje?

Analisti Afrim Hoti tha se që në fillim ishte e qartë se qëndrimi i Lajçakut nuk ishte ai që priste Kosova, por problemi këtu nuk është Lajçaku sepse ai përfaqëson BE-në.

“Këtu duhet pasur parasysh se BE-ja nuk vepron si shtet dhe se disa anëtarë të saj nuk e njohin Kosovën. Kjo do të thotë se edhe Lajçaku duhet të përfaqësojë pikëpamjet e tyre” – theksoi analisti, duke shtuar se Kosova preferon të komunikojë me vendet që e kanë njohur dhe që flasin me zë të lartë për marrëdhëniet ndërmjet Serbisë dhe Kosovës si marrëdhënie mes dy vendeve.

I pyetur nëse në këto rrethana dialogu do të “ngrijë” deri në zgjedhjen e Komisionit të ri Evropian dhe negociatorit të ri të BE-së, Hoti u shpreh se nuk mendon që ky proces do të ndalet dhe se Lajçaku do të vazhdojë aktivitetet e tij.

“Por kjo do të varet nga rezultatet e zgjedhjeve jo vetëm në Bashkimin Europian, por edhe në SHBA. Procesi i negociatave është në vazhdim dhe ka nevojë që të dyja palët dhe mbi të gjitha fuqitë perëndimore të gjejnë një zgjidhje” – potencoi Hoti.

Continue Reading

Kosova

Vuçiç i rrethuar nga CIA/ Mesazhi i koduar i presidentit serb që nuk po kuptohet as nga rusët

Aleksandër Vuçiç nuk i ka mbyllur “hesapet” me ndërkombëtarët, pavarësisht bisedës së hapur dhe të gjatë.

Presidenti i Serbisë njoftoi se do të ketë sërish një takim tjetër me ambasadorët e vendet të Quint-it në Beograd. Me ambasadorin amerikan, Christopher Hill, dhe përfaqësuesit diplomatik të Francës, Italisë, Britanisë, Gjermanisë dhe BE-së, ka folur për Kosovën, konkretisht për avancimin drejt anëtarësimit në NATO dhe për aplikimin për pranim në Këshillin e Europës.

Lidhur me këto zhvillime, përmes rrjetit social Instagram, lëshoi një valë kërcënimesh të rrezikshme në drejtim të Kosovës. Madje në një prej tyre ka lëshuar një provokim duke publikuar një imazh me djalin e tij që mban veshur një bluze me hartën e Kosovës të ngjyrosur me flamurin serb, në të cilin shkruhet “Nuk ka dorëzim”.

“Për momentin nuk është e lehtë të thuhet se çfarë lajmesh kemi marrë në 48 orët e fundit. Ato kërcënojnë drejtpërdrejt interesat jetike kombëtare të Serbisë dhe Republika Srpska. Në ditët në vijim do ta njoh popullin e Serbisë me të gjitha sfidat që na presin. Do të jetë e vështirë, më e vështira deri tani. Ne do të luftojmë, Serbia do të fitojë”, tha presidenti serb.

Russia Today, një media që shpërndan propagandën e Kremlinit, e konsideron këtë një mesazh të fshehtë të Vuçiçit, ndërsa vë theksin tek fjalia që “Serbia do të luftojë”, duke shprehur habi për mungesën e detajeve në këtë drejtim. Valës së kërcënimeve ndaj Kosovës iu bashkua dhe ministri serb i mbrojtjes, Millosh Vuçeviç.

“Duhet të shikojmë në nivelin politik dhe diplomatik për të bërë gjithçka që mundemi, dhe sigurisht shteti i Serbisë ka përgjigje adekuate për të gjitha situatat e mundshme, edhe në lidhje me atë që do të ndodhë në Këshillin e Evropës, në mënyrë që të mos ecë përpara dhe të mos detyrohemi të bëhemi heroikë. Do të shohim se cilat janë interesat shtetërore dhe kombëtare të Serbisë dhe si t’i mbrojmë në këto kushte pothuajse të pamundura”, u shpreh Vuçeviç.

Ndërkohë, në skenën politike të Beogradit është rikthyer sërish Aleksandër Vulin, i cili pretendon se në rrethin e Vuçiçit ka njerëz që punojnë për CIA-n amerikane dhe jo në të mirë të Serbisë.
Continue Reading

Kosova

‘Mos ia kini besën Vuçiçit, s’do të heqë dorë nga minimi i Kosovës’

Filip Milaçiç, profesor në Universitetin e Evropës Qendrore në Austri, duke qenë se Serbia aktualisht ndodhet në mes të një kryqëzimi kritik ndërmjet demokracisë liberale dhe autoritarizmit populist, u shpreh skeptik nëse presidenti serb, Aleksandër Vuçiç, do t’i normalizojë ndonjëherë marrëdhëniet me shtetet fqinje në rajon, posaçërisht me Kosovën.

Në një artikull të fundit, profesori malazez shkroi se presidenti serb e ka shndërruar në mjet politik dialogun për normalizimin e marrëdhënieve Kosovë-Serbi, që i shërben atij kryesisht për ta mbajtur pushtetin, teksa nuk do që të heqë dorë nga e ashtuquajtura çështje e Kosovës, ndërsa ekzistojnë indikacione se ai do të ruajë “stabilokracinë” në Serbi për një kohë të gjatë.

“S’ka asnjë arsye për të besuar se Vuçiçi do të heqë dorë nga mjeti më i mirë politik që i shkon atij, duke zgjidhur çështjen e Kosovës. Ajo i shërben atij si një pretekst për përmbysjen e demokracisë – për mohimin e të drejtave kushtetuese dhe personalizimin e pushtetit në mënyrë që ai të mund të ‘shpëtojë kombin’, duke përçmuar kritikët demokratë të regjimit si tradhtarë”, – ka shkruar Milaçiç.

Ai përmendi edhe mënyrën se si Vuçiçi vendosi të njohë targat e Kosovës, që sipas studiuesit malazez, vetëm kishte për qëllim të qetësonte kritikat e bashkësisë së organizuar perëndimore për manipulimin zgjedhor – një shembull ky që tregon se si presidenti serb manipulon çështjen e Kosovës për përfitime politike, madje herë-herë duke nxitur edhe tensione.

“Vuçiç nuk është i vetmi lider ballkanik me mendësi autoritare. Nëse ai arrin të autokratizojë më tej Serbinë, kjo do prekte të gjithë Ballkanin Perëndimor, një rajon me demokraci të brishta. Autokratë të tjerë aspirantë në rajon i kushtojnë vëmendje të madhe tani lëvizjeve të presidentit serb” – theksoi Milaçiç mes tjerash.

Ndërkohë perspektiva e demokracisë në Serbi është ende e pasigurt. Gjithashtu, mbetet e paqartë nëse Serbia do të ndjekë politika të favorshme ndaj stabilitetit rajonal, duke u përmbajtur nga minimi i shteteve fqinje. Serbia, gjatë gjithë historisë, ka marshuar sipas një daulleje krejt të ndryshme nga pjesa tjetër e botës perëndimore, duke rreshtuar veten krah Rusisë dhe Kinës.

Continue Reading

Kosova

Serbi-Rusi, krisen marrëdhëniet, mediat rajonale për deklaratën e presidentit të Serbisë

Presidenti i Serbisë, Aleksandër Vuçiç, ka thënë se Serbinë e presin ditë të vështira dhe ka paralajmëruar se së shpejti do t’i informojë qytetarët për të gjitha sfidat që e presin.

“Serbinë e presin ditë të vështira. Në këtë moment nuk është e lehtë të them se çfarë lajmesh do marrë në 48 orët e fundit, por di se ato kërcënojnë drejtpërdrejt interesat jetike kombëtare të Serbisë” – ka shkruar Vuçiç në Instagram.

Për deklaratën e tij raportuan edhe mediat rajonale.

‘Slobodna Bosna’ shkruan se për “mbretin e dramës Aleksandër Vuçiç do  jenë orë të vështira, më te vështirat deri tani”

Kurse portali Zagreb Index ka shkruar se  “Njoftimi i Vuçiçit ishte plot mistere.

Portali i Sarajevës ‘Klix’ shkruan se për momentin nuk dihet se kujt i referohet Vuçiç kur thotë se do kërcënohen interesat jetike kombëtar të Serbisë.

“Presidenti i Serbisë pritet të jetë më i saktë në ditët në vijim”, shkruan Klix.

“Vuçiç shpall ditët të vështira” – titullohet shkrimi në Oslobođenja të Sarajevës.

Gjithashtu vëmendje të veçantë, thirrjes apokaliptike të Vuçiçit, i kanë kushtuar edhe mediat në Rusi.

Gazeta ‘Ruska’ raporton, duke iu referuar mesazhit të Vuçiçit, shkruan se Perëndimi do rrisë presionin ndaj Serbisë, gjë që mund të çojë në komplikime në marrëdhëniet midis Beogradit dhe Moskës.

Continue Reading

Kosova

Greqia është gati, Spanja po lëviz/ Joseph hap dosjen e njohjeve të Kosovës

Profesori amerikan, Edward Joseph e sheh të zymtë situatën në Ballkan pas agresionit të Rusisë në Ukrainë. SHBA-ja dhe BE-ja, sipas tij, duhet tani të avancojnë drejt njohjes ndërkombëtare të Kosovës dhe ta detyrojnë Serbinë të pranojë e rendin perëndimor. Kjo, tha Joseph, do ta izolonte Putinin dhe do t’i jepte më shumë siguri Ukrainës.

Profesori amerikan shkruan se SHBA-ja dhe BE-ja nuk kanë arritur të kapin mundësië  dhe nevojën e krijuar nga pushtimi i Putinit, për të mbyllur mosmarrëveshjet e trashëguara etno-kombëtare nga kolapsi i Jugosllavisë tri dekada më parë.

“Më kryesorja ndër këto çështje të pazgjidhura është refuzimi i Serbisë për të njohur pavarësinë e vitit 2008 të ish-krahinës së saj, Kosovës” –  shkruan Joseph dhe theksoi se mungesa e zgjidhjes së këtij problemi është pengesa kryesore që e ka vonuar prej kohësh integrimin euroatlantik të të dyja vendeve.

Ai tha se “leva e Serbisë mbi Kosovën” po e lejon presidentin serb, që ta izolojë Prishtinën”, gjë që ai thotë se e ka prioritet, dhe “të vazhdojë falsitetin e tij” të “ekuilibrit” midis BE-së dhe Hungarisë, Kinës e Rusisë.

“Zyrtarët amerikanë duket se janë të kënaqur me dorëheqjen e Aleksandër Vulinit, ish-shefi famëkeq i inteligjencës serbe”, porse ai vazhdon të shfaqet nëpër mediat serbe duke proklamuar “Serbinë e Madhe” – ka theksuar Joseph.

“Operacioni Banjska tregoi se Beogradi zyrtar, me miratimin e mundshëm të liderit autokrat, Vuçiç , kishte plan për të ndryshuar me force status quo-në në Kosovë. Që një përpjekje e tillë e pacipë do të ndodhte në një territor të mbrojtura nga NATO, duke përfshirë edhe trupat amerikane, tregon për një humbje dramatike të respektit për autoritetin perëndimor” –  shkruan profesori amerikan.

Siç shpjegoi Joseph, “ngërçi në Kosovë është zgjatur nga përçarjet europiane për pavarësinë e Kosovës”.

“Me mbështetjen aktive të Rusisë, Beogradi mund të vazhdojë status quo-në, duke e izoluar Kosovën deri sa BE dhe SHBA të pranojnë përfundimisht ndarjen e veriut,  strategji kjo,  jo ndryshe nga ajo e Putinit në Ukrainë” – ka deklaruar Edward Joseph

Sipas profesorit, ka dy mënyra për SHBA-në dhe partnerët kryesorë të BE-së për “ta rikuperuar besueshmërinë e tyre të dëmtuar dhe për të rivendosur ekuilibrin.

“Së pari, duhet që “Beogradi të respektojë sanksionet e BE-së dhe të mbyllë RT dhe ‘Sputnik Serbia’, dhe së dyti, SHBA dhe partnerët kryesorë të BE-së  të inkurajojnë Ukrainën që ta njohë Kosovën, pasi njohja e Prishtinës nga Kyivi do siguronte katalizatorin për njohjen uniforme të Kosovës në NATO” – ka shkruar Joseph duke potencuar: –  “njohja nga Ukraina do t’ia jepte Athinës kontekstin që zyrtarët grekë thonë se duhet ta njohin Kosovën” dhe hapet mundësia që Kosova të marrë njohje edhe nga Spanja”

Madridi mund të lëvizë drejt njohjes së plotë, nëse Keivi së bashku me Athinën dhe vendet tjera mosnjohëse do ta ndryshonin pozicionin e tyre” –  ka shkruar profesori amerikan, duke potencuar: – Iluzioni se Vuçiç do  bashkëpunojë, është një dështim i dëshmuar. Avancimi i njohjes uniforme të Kosovës në NATO (në radhë të parë),  më në fund do ta sjellë Serbinë në pranimin e rendit perëndimor, duke e lënë Putinin më të izoluar dhe Ukrainën më të sigurt”

Continue Reading
Advertisement

TRENDING