Moti
Parashikimi i motit, e premte 30 tetor 2020

Shërbimi Meteorologjik Ushtarak bën me dije se moti sot parashikohet me vranësira mesatare deri të dendura shoqëruar me reshje shiu të herëpashershme me intensitet të ulët e lokalisht në relievet malore në formë shtrëngatash.
Më pas moti do të jetë i kthjellët me alternime vranësirash kalimtare. Era do të fryjë me drejtim veriperëndim – verilindje 1-7m/sek, e cila përgjatë vijës bregdetare në orët e pasdites dhe ato të mbrëmjes hera-herës do të fitoj shpejtësi deri në 15-18m/sek. Valëzimi në dete parashikohet i forcës 1-2 ballë.
Temperaturat parashikohen:
QYTETET | Temperaturat në °C | Sigla |
Shkodër | 10/20 | Shi diell |
Kukës | 9/14 | Shi diell |
Lezhë | 13/20 | Shi diell |
Dibër | 8/12 | Shi diell |
Durrës | 14/20 | Shi diell |
Tiranë | 13/21 | Shi diell |
Elbasan | 14/22 | Shi diell |
Berat | 10/21 | Shi diell |
Vlorë | 11/21 | Shi diell |
Korçë | 8/15 | Shi diell |
Gjirokastër | 7/19 | Shi diell |
Sarandë | 12/21 | Shi diell |

Moti
Reshje shiu dhe temperatura pranverore, mësoni si do të jetë moti këtë javë

Rreth javës që presim përpara dita e parë e saj (e Hënë) parashikohet me mot kryesisht të vranët edhe pse nuk do të mungojnë intervalet e shkurtra me diell. Reshje shiu të herëpashershme e lokalisht të vazheueshme me intensitet të ulët dhe mesatar në formën e shtrëngatave.
Kushtet e paqëndrueshme atmosferike vijojnë edhe për ditën e Martë. Moti parashikohet përsëri i vranët dhe reshje shiu me intensitet të ulët dhe mesatar në pjesën më të madhe të territorit. Në relievet malore mbi 300 metër dhe ato kodrinore mbi 600 metër parashikohen reshje dëbore me intensitet kryesisht mesatar.
Për të dyja ditët (e Hënë dhe e Martë) reshjet hera-herës dhe në kohë afatshkurtër në formën e rrebesheve dhe stuhive shoqëruar me shkarkesa elektrike.
Duke nisur nga dita e Mërkurë dhe deri në fund të javës (dita e Premte) mbi vendin tonë pritet të depërtojnë masa ajrore të qëndrueshme. Moti parashikohet i kthjellët në pjesën më të madhe të territorit përjashtuar vranësirat kalimtare në relievet malore në lindje.newsbomb.al/
Moti
Shiu “mbërthen” vendin, gjithçka ndryshon gjatë orëve të natës: Si do të jetë moti nesër

Vendi u zgjua sot i mbërthyer nga vranësirat dhe reshjeve të shiut, të cilat u shtuan me kalimin e orëve.
Teksa aktualisht hasen reshjen në të gjithë territorin, pjesa më e prekur është Ultësira Perëndimore dhe rajoni qendror.
Deri më tani nuk ka të dhëna për përmbytje pavarësisht se në disa zona priten reshje me intensitet të lartë, deri në 20 mm shi.
Sipas raportimeve nga Meteoalb, reshjet pritet të vijojnë deri në orët e vona të mbrëmjes së sotme në të gjithë vendin edhe pse me intensitet më të ulët.
Fill pas mesnatës vranësirat do të lenë territorin e vendit duke bërë që gjatë ditës së nesërme të kemi mot të kthellët me temperatura optimale për këtë muaj.
Moti
Reshjet masive të dëborës/ Ja si paraqitet situata në “Rrugën e Abërit”

Prej pak orësh kanë nisur reshjet e borës në lartësinë mbi 900 metra mbi nivelin e detit në Qarkun e Dibrës.
Kjo ka bërë që reshjet të paralizojnë qarkullimin e automjeteve drejt Tiranës nëpërmjet rrugës së Arbrit. Trashësia e borës në bypassin e Murrizit ka arritur në 15 cm duke bërë të vështirë qarkullimin e automjeteve dhe të detyrojë autoritetet të bllokojnë hyrjen e automjeteve në fshatin Fshat në Klos dhe Bastar i Mesëm në Tiranë.
Në rrugë janë mjetet borëpastruese të firmës, por për shkak të reshjeve që vazhdojnë pastrimi total i rrugës është i pamundur.
Moti
Rikthehet i ftohti polar në vend/ Ja çfarë na pret në dy ditët në vijim

Moti i keq do të prekë Shqipërinë gjatë dy ditëve të së martës dhe të mërkurës . Sipas të dhënave të fundit të parashikimit të motit, karakteristikat kryesore të motit të keq do të jenë erëra të stuhishme, ulje temperaturash dhe reshje dëbore e shiu. Ky mot i keq pritet të jetë i kategorisë 3, për sa i përket Indeksit Rajonal të Reshjeve RPI. Videoja e mëposhtme tregon reshjet e shiut dhe borës që priten deri në natën e së mërkurës 02/02/2022. Të martën priten reshje të dendura lokale shiu dhe bubullima kryesisht në Jon. Reshje bore do të ketë fillimisht në male. Të mërkurën reshje bore do të ketë edhe në ultësira.
Aktualitet
Ngrica dhe reshje dëbore deri në 14 cm, ja si do të jetë moti nesër

Prej mbrëmjes së djeshme e deri në këto momente fronti i ftohtë solli reshje, të cilat u regjistruan në stacionin meteorologjik Lezhë prej 70mm, në Elbasan 31mm e në pjesën tjetër të vendit nën këto vlera. Qyteti i Peshkopisë ka patur sasinë prej 14cm reshje bore si dhe Korca 4cm.
Ka nisur kthjellimi në veri të territorit e kjo do të vijojë orë pas ore. E pranishme do të jetë era e vrullshme veriore kryesisht në bregdet. Këto masa do të sjellin ngrica të mëtejshme në orët e ardhshme por edhe ditën e nesërme duke bërë që temperaturat të parashikohen:
- në zona malore -11 deri -2°C;
- në zona e ulëta -3 deri 5°C;
- në zona bregdetare -1 deri 5°C
-
Kronike9 hours ago
Detaje nga vdekja e çiftit shqiptarë në New York
-
Kronike9 hours ago
E trishtë/ Në ditën e lindjes aktori shqiptar vetëvritet së bashku me gruan
-
Politike4 hours ago
Begaj formon skuadrën e tij këshilluese, ja emrat
-
Kronike6 hours ago
Intervista e aktorit që i dha fund jetës së bashku me gruan shtatzënë
-
Aktualitet8 hours ago
Dy të rinj ngacmuan gra të martuara, sherr me burrat
-
Kronike8 hours ago
I ngacmoj të dashurën, shqiptari plagos italianin
-
Kronike5 hours ago
Akuzohen për vrasje,10 mijë paund shpërblim për kapjen e dy shqiptarëve
-
Kosova7 hours ago
Hyri në Kosovë si spiune, gazetarja ruse shpallet e…