Kronike

Britani e Madhe/ Po zienin makarona, shqiptarët kapen në shtëpinë e barit

4 shqiptarë kanë janë arrestuar dhe kanë dalë para gjykatës në Britaninë e Madhe për shkak se akuzohen se kishin ndërtuar një “shtëpi bari” me një vlerë prej 1.6 milion paundësh.

Shqiptarët kishin sfiduar sistemin në Britaninë e Madhe, ku shtëpinë ku rrisnin kanabisin e kishin pak metra larg Gjykatës së Kurorës Carlisle .

Rritja e kanabisit ishte e sofistikuar. Shqiptarët e arrestuar janë 29-vjeçari Nikolin Progni, 42-vjeçari Klaudio Lekndreaj, 28-vjeçari Klaurent Lena dhe i pandehuri më i ri, 22-vjeçari Andrea Vukaj.

Ata kishin kompletuar objektin me sisteme profesionale ndriçimi dhe ujitjeje. Objekti më parë kishte funksionuar si një klub nate. Si të mos mjaftonte rritja e kanabisit shqiptarët, vidhnin edhe një sasi prej 11 mijë paundës energji çdo ditë.

Katër shqiptarët që drejtonin ‘fermën’ u dërguan të gjithë para gjykatës së kurorës pasi u deklaruan fajtorë për prodhimin e kanabisit.

“Shtëpia e barit” u zbulua me 6 korrik të këtij viti, ku u zbuluan 778 bimë kanabisi në faza të ndryshme rritje.

“U vu re se një sistem monitorimi CCTV ishte vendosur në të gjithë ambientin, brenda dhe jashtë”, tha prokurori.

“Policët hynë në ndërtesë dhe gjetën një numër dhomash në errësirë dhe disa dhoma të ngritura për prodhimin aktiv të kanabisit.”

Të pandehurit ishin pajisur me dhoma banimi, që përfshinin shtretër, një tavolinë dhe garderobë; dhe një kuzhinë, ku një tigan me makarona po vlonte ndërsa policia hyri në ndërtesë.

Prokurori, Z. Rogerson tha: “Zona e ndenjes ishte e pajisur mirë, me dollapë dhe një frigorifer dhe ushqim. Kishte gjithashtu një banjë të veçantë; zona ishte shumë e pastër; dhe kishte një dhomë lavanderi, me një lavatriçe në mes të ciklit.

“Në ato dy dhoma, kishte rroba të pastra.” Muret e dhomës së rritjes ishin veshur me çarçafë të bardhë të rëndë, për të reflektuar dritën nga 277 sisteme ndriçimi me fuqi të lartë.

Kishte gjithashtu filtra karboni dhe një furnizim të bollshëm të lëndëve ushqyese në rritje. Pjesë të tjera të ndërtesës iu dedikuan pajisjeve të paketimit.

Sofistikimi i fermës sugjeroi që ata që ishin përgjegjës kishin përvojë të konsiderueshme në rritjen dhe tregtimin e kanabisit, dëgjoi gjykata. Kultura e sekuestruar nga policia u konsiderua e aftë për të prodhuar 166,200 g kanabis.

Kur u intervistua nga policia, asnjë nga burrat nuk do të komentonte mbi operacionin ose kush qëndronte pas tij, tha z. Rogerson, duke shtuar se ajo që policia gjeti në ditën e bastisjes ishte një operacion i rritjes së kanabisit “në shkallë industriale”.

Kate Hunter, avokatja e të arrestuarve tha: “Ata po vepronin nën udhëzimet e dikujt më të madh se ata.

Kronike

I dehur në timon dhe aksidentoi tre makina të parkuara, arrestohet punonjësi i Gardës

Një punonjës i Gardës është arrestuar nga policia pasi përplasi 3 automjete të parkuara dhe u largua nga vendngjarja.

Sipas policisë, 49-vjeçari, drejtonte mjetin në gjendje të dehur. Ngjarja ka ndodhur rreth orës 20:00 në rrugën “Zini Sako” tek vendi i quajtur Kryqëzimi i Porcelanit.

“Agjencia e Mbikëqyrjes Policore ka arrestuar në flagrancë punonjësin e Gardës së Republikës Inspektor, 49 vjeç, me detyrë Trupë Shërbimi. Arrestimi u krye pasi rreth orës 20:00, duke udhëtuar me automjetin e tij në vendin e quajtur Kryqëzimi i Porcelanit, rruga “Zini Sako” ka dëmtuar tre automjete të parkuara dhe është larguar nga vendi i ngjarjes. Pasi është kapur është shoqëruar në Komisariatin e Policisë Nr. 4, ku nga veprimet procedurale ka rezultuar nën efektin e alkoolit. Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për veprat penale “Drejtimi i automjetit nën ndikimin e alkoolit” dhe “Largim nga vendi aksidentit”, thuhet në njoftimin zyrtar.

Kronike

Dy makina përplasen me njëra-tjetrën, plagoset shoferja (Detajet)

Një aksident ka ndodhur në vendin e quajtur “ Ura e Mbrostarit” në hyrje të Fierit. Mësohet se 2 automjete “ Tip Nisan” dhe “Wolsvagen“ janë përplasur me njëra-tjetrën ndërsa ka pasur vetëm me dëme materiale. Bëhet me dije se drejtuesja e mjetit “Wolsvagen” ka marrë lëndime të lehta dhe është dërguar në spitalin rajonal të Fierit ku mori ndihmën mjekësore.

Në vendngjarje kanë mbërritur policia dhe grupi hetimor të cilët po punojnë për zbardhjen e shkaqeve të këtij aksidenti.

Kronike

Tiranë, sherr me armë të ftohta, vihet në pranga një person! 34-vjeçari përfundon në spital

Një 32-vjeçar është arrestuar nga policia e kryeqytetit pasi u konfliktua me një shtetas tjetër, duke e plagosur me mjet prerës.

Ngjarja ndodhi mbrëmjen e djeshme në rrugën ‘Kadri Roshi’ në Tiranë. Shërbimet e komisariatit nr.6 menjëherë shkuan në vendngjarje ku kishte mbetur i plagosur V.B., 34 vjeç banues në Tiranë, i cili ndodhet në spital jashtë rrezikut për jetën.

Ndërkohë vijoi puna për kapjen e autorit dhe në u bë e mundur vënia në pranga e E.L., 32 vjeç, banues në Tiranë.

Si rezultat, u kap dhe u arrestua shtetasi E. L., 32 vjeç, banues në Tiranë, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Nga veprimet hetimore dyshohet se 32-vjeçari, mbrëmjen e djeshme, gjatë një konflikti për motive të dobëta, ka plagosur me mjet prerës shtetasin V. B., 34 vjeç, banues në Tiranë, i cili ndodhet në spital, jashtë rrezikut për jetën.’, thuhet ndër të jera në njoftimin e policisë.

Mësohet nga policia se konflikti mes dy personave nisi për motive banale, ndërkohë materialet proceduriale i janë kaluar Prokurorisë.

Kronike

Skenë e filmuar/ Atentati ndaj Agustin Kazës në një kafe në Bruksel, ngjarja dyshohet për…

Detaje të tjera dalin në dritë pas atentatit me armë zjarri ndaj një 44-vjeçari shqiptar në Bruksel.

Një ditë pas krimit, Agustin Kaza ndodhet në gjendje kome dhe se autoritetet dyshojnë se pas atentatit qëndrojnë çështje kanunore.

Autori është filmuar nga kamerat e sigurisë dhe pritet që ngjarja të zbardhet shumë shpejt. Paraprakisht dyshohet për vrasës me pagesë.

Policia shqiptare ka kërkuar informacion nga autoritetet belge.

Kronike

VIDEO/ Autori eci drejt dhe u kthye me shpejtësi për të qëlluar, publikohen pamjet nga atentati ndaj 44 vjeçarit

Një 44-vjeçar, Agustin Kaza është qëlluar me armë zjarri në trotuarin e një kafeneje në pronësi të një shqiptari mbrëmjen e djeshme (28 prill) në Bruksel rreth orës 22:30.

Mediat e huaja bëjnë me dije se në policia ka gjetur një person të plagosur me armë zjarri kur ka mbërritur në zonën e njohur në rrugën Joseph Brand.

Në videon e publikuar, shihet momenti i atentatit me armë zjarri kur një person me kapuç ka ecur në trotuarin para kafenesë dhe papritmas ka nxjerrë armën nga dora duke qëlluar disa herë ndaj shënjestrës, identiteti i të cilit nuk bëhet me dije.

I plagosuri ndodhet në gjendje të rëndë për jetën ndërsa ende nuk dihet nëse është shtetas shqiptar.