Politike
Propozimi i PS për Reformën Territoriale, kush janë bashkitë që shkrihen dhe u bashkohen qyteteve të mëdha
Partia Socialiste ka bërë publik propozimin për reformën e re administrativo-territoriale, i cili parashikon shkrirjen e 15 bashkive dhe bashkimin e tyre me bashki më të mëdha. Drafti synon riorganizimin e hartës së pushtetit vendor, me argumentin e rritjes së eficiencës së administrimit dhe përmirësimit të ofrimit të shërbimeve.
Sipas propozimit, bashkitë Fushe-Arrëz, Klos, Rrogozhinë, Dimal, Poliçan, Patos, Divjakë, Selenicë, Maliq, Këlcyrë, Memaliaj, Libohovë, Cërrik, Belsh dhe Përrenjas do të shkrihen dhe do t’u bashkohen bashkive më të mëdha përkatëse.
Një nga ndryshimet që ka ngjallur reagime është ai që parashikon bashkimin e Bashkisë së Prrenjasit me Bashkinë e Librazhdit.
Ky propozim vjen pavarësisht kundërshtive të banorëve të Prrenjasit, të cilët kanë protestuar kundër këtij vendimi, duke kërkuar që bashkia e tyre të mos shkrihet dhe duke argumentuar se një ndryshim i tillë do të ndikonte negativisht në përfaqësimin dhe shërbimet për qytetarët.
Propozimi i socialistëve pritet të diskutohet në kuadër të reformës së re administrativo-territoriale, ndërsa mbetet për t’u parë nëse do të ketë ndryshime pas konsultimeve me grupet e interesit dhe debatit politik përpara miratimit përfundimtar.
Propozimi i PS për Reformën Territoriale, kush janë bashkitë që shkrihen dhe u bashkohen qyteteve të mëdha
Arrestimi i bujshëm i Ermal Beqirajt/ Braho: Ishim në kontakt prej javësh me autoritetet franceze
Reforma Territoriale, publikohet harta e re e propozuar nga PS
Dosja Balluku, Braho: Çdo vendim do të varet nga provat e reja
Selin Bollati për Gimbon: Kemi një marrëdhënie shumë të shëndetshme
EUROSTAT: 53% e familjeve shqiptarëve s’bëjnë dot 1 javë pushime
Olise shijon pushimet, futbollisti shfaqet në jaht luksoz
