Reforma territoriale/ PS sqaron shkrirjen e Bashkive: Nuk humbet identiteti i qyteteve

PS sqaron propozimin për reformën territoriale: bashkitë e përfshira nuk do të humbasin identitetin

Partia Socialiste ka reaguar lidhur me propozimet për ndryshime në hartën administrativo-territoriale, ku parashikohet konsolidimi i disa bashkive në struktura të reja vendore.

Në deklaratën e saj, PS thekson se procesi nuk parashikon zhdukjen e qyteteve apo humbjen e identitetit të zonave të prekura. Sipas mazhorancës, bashkitë që do të përfshihen në bashkimet territoriale do të ruajnë emrin, qendrën urbane dhe përfaqësimin institucional.

Sipas këtij qëndrimi, zonat që do të bëhen pjesë e strukturave të reja administrative do të vazhdojnë të kenë përfaqësim përmes institucioneve vendore, përfshirë këshillat bashkiakë dhe struktura të tjera të përcaktuara nga ligji.

Projektligji për reformën territoriale parashikon që 28 bashki të konsolidohen në 13 bashki të reja. Në listën e bashkive që propozohet të përfshihen në këtë proces janë Fushë-Arrëzi, Klosi, Rrogozhina, Dimali, Poliçani, Patosi, Divjaka, Selenica, Maliqi, Këlcyra, Memaliaj, Libohova, Cërriku, Belshi dhe Përrenjasi.

Propozimi pritet të diskutohet në vijim në institucionet përkatëse, ndërsa reforma ka hapur debat mbi mënyrën e organizimit të pushtetit vendor dhe ndikimin që mund të ketë në komunitetet lokale.