Connect with us

Aktualitet

Rrokadë në Polici, Drejtor Rrumbullaku…Veliu ‘zot’ i fateve të policëve

• Shkarkohet Gledis Nano. Drejtori i Përgjithshëm i Policisë së Shtetit është shkarkuar me vendim të këshillit të ministrave. Lajmin e bëri me dije Ministri i Brendshëm Bledi Çuçi. • Çuçi tha se Nano nuk i kishte përmbushur detyrat që i ishin ngarkuar. I pyetur nëse ndjen përgjegjësi për luftimin ndaj krimit të organizuar, Çuçi tha se masa e vetme që është marrë deri në këto momente është zëvendësimi i Nanos. • Pasardhësi i Nanos do të jetë drejtori i Agjencisë së Mbikqyrjes Policore, Muhamet Rrumbullaku. NTV.AL mësoi se Rrumbullaku e ka pranuar tashmë postin dhe pritet vetëm zyrtarizimi i tij. • Përkohësisht derisa të bëhet kalimi i detyrës, postin e drejtorit do e ushtrojë nëndrejtori i Policisë, Tonin Vocaj.  • Postin e Rrumbullakut në AMP do e zejë një emër i njohur për Policinë e Shtetit. • Ardi Veliu, ish-drejtori i Përgjithshëm i Policisë do të marrë drejtimin e agjencisë që ka për detyrë të kontrollojë Policët.

E BUJSHME/ U dorëhoq si Drejtor Policie, Ardi Veliu merr në drejtim AMP-në, ‘fati’ i efektivëve në dorën e tij

Rrokadë në Polici! Shkarkohet Gledis Nano, komandohet Tonin Vocaj,

Ardi Veliu dhe AMP

TIRANË– Ardi Veliu, ish-drejtori i Policisë së Shtetit që për pak muaj mbajti dhe detyrën e zëvendësministrit të Infrastrukturës e Energjitikës, i është rikthyer karrierës në rreshtin e uniformave. NTV.AL  mëson se lirimi i Veliut si zëvendësministër ka një arsye shumë të fortë. Ish-Drejtori i Policisë së Shtetit do të jetë tashmë drejtuesi i Agjencisë së Mbikqyrjes Policore (ish-Shërbimit për Çështjet e Brendshme dhe Ankesat).

Struktura e krijuar vetëm një vit më parë që ka nën mbikqyrje të gjitha uniformat blu, tashmë do të ketë drejtues të saj, Ardi Veliun. Ky i fundit liroi karrigen ku për një vit u ul pasardhësi i tij i emëruar, Gledis Nano me argumentin se do t’i përkushtohej familjes, por tashmë siç duket kjo gjë ka kaluar në plan të dytë.

Agjencia e Mbikqyrjes Policore ka si objekt parandalimin, zbulimin dhe hetimin e shkeljeve administrative dhe veprave penale në polici dhe gardë, inspektimin, shqyrtimin dhe trajtimin e ankesave, procesin e Vetingut në polici si dhe verifikimin e punonjësve mbi plotësimin e kushteve për pajisjen me certifikatë sigurie.

Ikën me “luftë” Gledis Nano, konfirmohet emri i drejtorit të ri të Policisë së Shtetit

Rrokadë në Polici! Shkarkohet Gledis Nano, komandohet Tonin Vocaj,

Muhamet Rrumbullaku

TIRANE- Muhamet Rrumbullaku është emri përfundimtar që do marrë drejtimin e trupës policore pas largimit konfliktual të ish-drejtorit Gledis Nano. Burime për NTV.AL  bëjnë me dije se Rrumbullaku ka pranuar postin e propozuar nga qeveria për të drejtuar Policinë e Shtetit, pas një hezitimi që ka patur disa ditë më parë, kur iu bë propozimi.

Rrumbullaku pritet të marrë detyrën të mërkurën e ardhshme pasi të bëhet zyrtarizimi dhe betimi. Rrumbullaku është një drejtues i lartë në Policinë e Shtetit me një eksperiencë të gjatë në drejtimin e disa sektorëve kyç në Polici. Me largimin e Rrumbullakut mbetet bosh posti drejtues në Agjencinë e Mbikqyrjes Policore por ende nuk dihet se kush do të jetë pasuesi?

Si erdhi Muhamet Rrumbullaku në krye të PSH? Dosja zbuloi që të hënën atë që ishte duke ndodhur në Policinë e Shtetit. Drejtorit aktual, Gledis Nano, iu kërkua të jepte dorëheqjen dhe përmes një procedure pa zhurme do të bëhej kalimi i detyrës mes tij dhe Rrumbullakut. Por çuditërisht, ndryshe nga paraardhësit e tij, Nano nuk pranoi. Këmbëngulja e tij i la radhën një shkarkimi ku ministri i Brendshëm e bëri sot përgjegjës për disa ngjarje, përfshirë zhdukjen e Ervis Martinajt dhe ngjarjen e Himarës. Kabineti e shkarkoi Nanon pas 10 muajve qendrim në detyrë dhe një “lobimi” të fortë nga Ambasada Amerikane. Tashmë mbetet për tu parë se cili do të jetë rrugëtimi i Rrumbullakut në krye të Policisë së Shtetit.

 

 

Aktualitet

Plas sherri te terminali i autobusëve në Fier/ Plagoset me thikë një person, arrestohet autori

Një plagosje me thikë ka ndodhur sot në terminalin e autobusëve në qytetin e Fierit. Ngjarja ka ndodhur pas një konflikti të çastit për motive të dobëta. Një 50-vjeçar plagosi me thikë një  40-vjeçar.

Ky i fundit është dërguar në spitalin e Fierit, ku po merr ndihmë mjekësore, ndërsa autori i plagosjes është shoqëruar në komisariat.

NJOFTIMI I POLICISË:

Plagosi me mjet prerës (thikë) një shtetas, Policia kap dhe vë në pranga, menjëherë pas ngjarjes, autorin e dyshuar.

Rreth orës 11:30, tek terminali i autobuzëve në Mbyet, Fier, dyshohet se pas një konflikti të çastit, për motive të dobëta, shtetasi A. L. 50 vjeç, ka plagosur me mjet prerës (thikë), shtetasin K. L., rreth 40 vjeç.

Nga ndërhyrja e menjëhershme e shërbimeve të Policisë, është bërë e mundur kapja dhe shoqërimi në Komisariat, i shtetasit A. L., me të cilin po kryhen veprimet e mëtejshme procedurale.

Ndërkaq, i dëmtuari është transportuar në spitalin e Fierit, ku po merr ndihmë mjekësore.

Grupi hetimor po punon për sqarimin e plotë të rrethanave të rastit.

Continue Reading

Aktualitet

Përfshihet nga flakët trageti i linjës Sarandë-Korfuz, detajet

Përfshihet nga flakët një traget në Sarandë. Mësohet se bëhet fjalë për tragetin që bën linjën Sarandë-Korfuz.

Mjeti lundrues kishte rreth 40 minuta që kishte ardhur nga Korfuzi.

Ndërkohë, zjarrfikësja ndodhet në vend. Fatmirësisht në momentin kur ndodhi zjarri në bordin e anijes nuk kishte pasagjerë.

Continue Reading

Aktualitet

E goditën me qytën e pistoletës në fytyrë, i riu përfundon në spital (EMRI)

Një sherr është regjistruar gjatë natës në Sarandë, ku një person është goditur me qytë pistolete. Ngjarja në shëtitoren e qytetit afër mesnate.

Kristo Ballkoni, 31 vjeç, banues në Sarandë dyshohet se është goditur me qytë pistolete në pjesën e fytyrës.

I riu është transportuar me urgjencë në spitalin e Sarandës ku ka marrë ndihmën e parë për shkak të plagëve në fytyrë. Policia prej mesnatës ka nisur hetimet për ngjarjen e rëndë dhe po grumbullon pamje filmike me qëllim identifikimin e autorëve.

Continue Reading

Aktualitet

Turizmi duhet mbrojtur nga “mendjexhinjtë” burokratë

Zhvillimi i turizmit është lajm shumë i mirë për sektorin bankar. Andi Ballta, Drejtor i Përgjithshëm i Bankës Amerikane të Investimeve (ABI Bank), thotë për “Monitor” se është tregu ai që duhet të përcaktojë drejtimet e zhvillimit, ndërsa sugjeron se ndërtimet në bregdet duhet të orientohen më shumë drejt hoteleve dhe ndërtesave të larta, për të shfrytëzuar më mirë hapësirën e kufizuar të tokës që ka vendi ynë. Sipas tij, mbështetja e turizmit në nivelet e vitit të kaluar do të jetë shumë e rëndësishme për ekonominë dhe sektorin bankar.

Si e vlerësoni ecurinë e aktivitetit të Bankës Amerikane të Investimeve gjatë vitit të kaluar? Cilat ishin zhvillimet më të rëndësishme për sektorin bankar në vitin 2023?

Është një vit tjetër rekord për ABI në të gjithë treguesit financiarë dhe operacionalë. ABI është banka me raportin më të vogël të kredive të këqija, përfitueshmërinë më të madhe vjetore dhe rritjen organike më të shëndetshme në sistemin bankar.

Më vjen shumë mirë që ABI është gjithashtu banka me mesataren më të lartë të pagave në sistemin bankar.

Zhvillimi më i rëndësishëm në vitin 2023 ishte që vendime të rëndësishme kreditimi për sistemin bankar filluan të merren në Tiranë dhe u morën shqip. Ky është tashmë një fakt shumë domethënës, i mirëpritur nga biznesi dhe u konfirmua nga pjesëmarrja e suksesshme e bankave me pronësi të plotë apo të pjesshme lokale në disa sindikata të rëndësishme. Përveç likuiditetit të mjaftueshëm, në këtë dinamikë të re ka ndikuar dhe vendimmarrja e shpejtë e bankave lokale.

Pas pandemisë, po vërehet një rritje e ndjeshme e rolit të turizmit dhe sektorit të pasurive të paluajtshme në ekonomi. Si po ndikojnë këto zhvillime në sektorin bankar?

Zhvillimi i turizmit është lajm shumë i mirë për sektorin bankar. Turizmi ka vite që është i rëndësishëm dhe ABI ka qenë në pararojë të financimit të turizmit. Është fakt që qeveria shqiptare është qeveria më pro biznesit të turizmit në rajon. Kjo duket sidomos në drejtim të zhvillimeve rezidenciale në bregdet.

Turizmi duhet mbrojtur nga “mendjexhinj” burokratë (si në rajonin e Ballkanit apo Mesdheut Verior), që ulërasin sa herë shikojnë të ndërtohet pallat në bregdet, apo ngrenë zhurma boshe për shkatërrimin e bregdetit, apo tregojnë përralla me oligarkë, apo dhe të marrë, që vazhdojnë të luftojnë komunizmin (në plazh) në 2024.

Uroj që Shqipëria të ndjekë shembullin e Majamit, ku tregu është ai që përcakton destinacionin e zhvillimit, dhe jo burokratët (e përsëris) “mendjexhinj”.

Shqipëria ka një bregdet shumë pak të zhvilluar, që krijon iluzionin e zhvillimit pa fund, por gjithsesi ne kemi një hapësirë relativisht të kufizuar toke, prandaj zhvillimi në bregdet mund të jetë më shumë me apart hotele / kondominium dhe jo vila pa fund.

Kuptohet, mbështetja e qeverisë me infrastrukturë për ndërtesa të larta në bregdet është çelës dhe vendimtare. Mendojmë se qeveria do të fillojë të mbështesë me garanci sovrane zhvillimin e infrastrukturës në vend, sidomos tani që borxhi publik në krahasim me PBB (por edhe borxhi privat në krahasim me depozitat) është në nivele tejet të ulëta.

Cilat mendoni se do të jenë sfidat kryesore për sektorin bankar në vitin 2024?

E para sfidë është që turizmi të vazhdojë të ndihmohet të mbajë ritmet e vitit 2023. Elementi i sigurisë dhe pranisë së forcave të rendit në bregdet gjatë sezonit do të duhet të përmirësohet. Do të ishte naive të merrej e mirëqenë rëndësia e qetësisë civile, sidomos gjatë sezonit. Duhen shumë më shumë njerëz, mjete dhe trajnim. Është në interes të sistemit bankar të vendosë turizmin dhe forcat e rendit në krye të mbështetjes sociale korporative.

Çdo lajm jo i mirë për sigurinë e turistëve në Shqipëri do të ekzagjerohet nga tregjet konkurrente. Sfida e dytë lidhet me përdorimin e bonove korporatave, ku Shqipëria është shumë e vonuar. Ky treg në vendet e zhvilluara është shumë më i madh se totali i kredidhënies bankare, ndërkohë që në sistemin bankar shqiptar është pothuaj joekzistent.

Theksoj, se kjo nuk është për faj të institucioneve rregullatore. Mbështetja e Bankës së Shqipërisë dhe AMF ka qenë e plotë dhe e kahershme dhe është një nga rastet pozitive kur institucionet rregullatore janë përpara tregut. Transferimi profesionist i balancës së bonove korporative dhe roli i bankave në këtë proces mendoj se do jetë një risi domethënëse në vitin 2024. ABI dhe partnerë të tjerë do të jenë pjesëmarrës aktivë në këtë proces./Monitor

Continue Reading

Aktualitet

Nëna me 3 fëmijët u mbytën në Bunë, motra e Alma Arrazit: Dhunohej barbarisht

Alma Arrazi së bashku me 3 fëmijët e saj dyshohet se janë vetëmbytur në ujërat e lumit Buna pas dhunës së vazhdueshme nga Ergys Arrazi.

Mësohet se motra e Alma Arrazit, pas njoftimit se ajo dhe 3 fëmijët janë zhdukur, ka shkuar në policinë e Shkodrës dhe ka treguar se e motra dhunohej barbarisht bashkë me fëmijët e saj nga bashkëshorti.

Dëshmia e saj, por dhe shenjat e dhunës në trupin e vajzës 9-vjeçare që u gjet e mbytur i krijuan bindjen policisë për ta vënë në pranga Erdgys Arrizin për veprën penale të shkaktimit të vetëvrasjes.

Continue Reading
Advertisement

TRENDING