Politike

Samiti për Ballkanin Perëndimor mbështetje për gjashtë vendet e rajonit, thotë Rama

Kryeministri i Shqipërisë, Edi Rama, ka deklaruar se Samiti i Ballkanit Perëndimor me BE-në për Planin e Ri të Rritjes do të mundësojë një mbështetje të re për gjashtë vendet e rajonit. Samiti që do të mbahet në Tiranë do të ofrojë gjithashtu mundësi të reja për një shkëmbim pikëpamjesh mbi të ardhmen evropiane të rajonit dhe mbi sfidat e përbashkëta rajonale.

I pranishëm do të jetë edhe Komisioneri i Bashkimit Evropian për Zgjerimin dhe Fqinjësinë, Oliver Varhelyi. Nga lista e pjesëmarrësve, ajo që bie në sy është Kosova. Dhe kësaj here, për nivel përfaqësimi.

Ndryshe nga vendet e tjera që flitet për kryeministra e presidentë, Kosova ka Lulzim Rafunën, kryetarin e Dhomës së Tregtisë.

Plani i BE-së për Ballkanin Perëndimor synon rritjen ekonomike të rajonit, përshpejtimin e reformave të duhura, dhe kryerjen e investimeve, që mund të avancojnë procesin e zgjerimit të BE-së me këto vende.

Dhe për këtë të enjte ka një agjende zyrtare.

Fillimisht Kryeministri Rama do të presë në ambientet e Pallatit të Kongreseve, liderët pjesëmarrës në këtë samit, ndërsa pritet të mbajë edhe një fjalë hapëse bashkë me Komisionerin Várhelyi.

Paneli i parë i diskutimeve do të fokusohet te hyrja në tregun e përbashkët, ndërsa paneli i dytë mbi planin e rritjes.

Po ashtu, në kuadër të këtij samiti do të nënshkruhet edhe një marrëveshje në fushën e arsimit.

Rreth orës 12:30, kryeministri Rama dhe komisioneri Várhelyi do të dalin në një konferencë të përbashkët për shtyp.

Në 13 dhjetor 2023, në Bruksel u mbajt samiti BE-Ballkani Perëndimor ku u diskutua perspektiva e vendeve të Ballkanit Perëndimor në rrugën e integrimit evropian.

Në përfundim të këtij samiti u miratua një deklaratë ku BE-ja ripohoi angazhimin e saj të plotë dhe të qartë ndaj perspektivës së anëtarësimit të Ballkanit Perëndimor në Bashkimin Evropian dhe kërkoi përshpejtimin e procesit të anëtarësimit.

Dhe sa i takon atij të sotshmit, me sy e veshë nga deklaratat…

Çfarë përmban plani i rritjes?

Shtylla e parë përfshin investimin e BE-së për Ballkanin Perëndimor në shtatë sektorë kryesorë të Tregut të Vetëm Evropian.

E dyta përfshin vendet e Ballkanit Perëndimor hapjen e kufijve të tyre me vendet fqinje dhe krijimin e Tregut të Përbashkët Rajonal.

Elementi i tretë është nevoja për reforma, pasi të hapet Tregu Unik dhe të krijohet Tregu i Përbashkët Rajonal në Ballkanin Perëndimor, në mënyrë që të krijohet një fushë loje e drejtë dhe e barabartë.

Shtylla e katërt është mbështetja që BE do të japë për të ndihmuar Ballkanin Perëndimor që të bëjë ato ndryshime.

Related Topics:BALLKANI PERENDIMOR BE Edi Rama kryesore lajmi i fundit Oliver Varhelyi politike samit

Politike

Meta nga “Rruga e shpresës”: I kam thënë Ramës, Berisha është politikani më serioz

Pasi përfundoi pas mesdite Asamblenë e Partisë së Lirisë, Ilir Meta I shoqëruar nga një numër mbështetësish dhe veshur një bluzë ku shkruhej ‘Lironi liderin e opozitës’, mbërriti tek rrugica poshtë banesës së Berishës.

Ai ka thurur lavde për Berishën duke e cilësuar si njeriu që ka futur Shqipërinë në NATO dhe ka bërë dhe shumë arritje të tjera për vendin.

”I kam thënë Ramës të mos e provokojë opozitën.

I kam thënë Ramës që politikani më serioz në Shqipëri është Sali Berisha”, tha Meta.

E përshendet Berishën, duke e quajtur president i përgjithshëm.

Politike

‘Lironi liderin e opozitës’/ Meta mban veshur bluzen me mbishkrimin për Berishën: Afër Zotit

Kreu i PL-së, Ilir Meta tha rrugës teksa po shkonte te banesa e liderit të opozitës, Sali Berisha, se nuk po shkonte në një ballkon, por në një podium.

Meta tha se kryeministri Edi Rama është i pashpresë, ndërsa shtoi se ndryshimi do të vijë shpejt. Kreu i PL-së, teksa po fliste për opozitën tha se Gazment Bardhi është një opozitar i vërtetë, ndërsa për Lulzim Bashën tha se “llogaritë e Shqipërisë nuk mund t’i bëjë ai faqezi.”

Meta: Nuk po shkoj në një ballkon, por në një podium. Ata kujtojnë se kanë izoluar Berishën, por ata e kanë ndihmuar që të jetë më afër shqiptarëve, të jetë më afër qiellit dhe më afër Zotit. Edi Rama është i pashpresë dhe ndryshimi do të vijë. Shqiptarët kanë kuptuar shumë mirë se çfarë po ndodh. Për Bashën, dihet se shtatë herë shtatë bëjnë 42, llogaritë e Shqipërisë nuk mund t’i bëjë aq faqezi. Besoj se Bardhi është një opozitar i vërtetë.

Politike

Meta niset nga selia e PL drejt banesës së Berishës: Beteja me mafien është betejë për jetë a vdekje

Kreu i PL-së, Ilir Meta ashtu siçi e kishte paralajmëruar në mbyllje të Konventës Kombëtare, është nisur nga selia e PL-së, drejt banesës së liderit opozitar, Sali Berishës për t’ju bashkuar tubimit qytetar.

Teksa po ecte, Meta tha për mediat se PL ka reflektuar dhe se nga nesër do të nisë një riorganizim. Më tej shtoi se beteja me mafier është betejë për jetë a vdekje.

Meta: Partia e Lirisë ka reflektuar dhe nga nesër nis një riorganizim. Beteja me mafien është betejë për jetë a vdekje. Kjo është një betejë, që ia vlen edhe të vdesësh. Prej kohësh e bëmë të qartë se do të kishim një strukturë të re. Për Vojo Kushin nuk mund të ankohet askush, ai edhe kur mbeti vetëm, kaloi në përjetësi. Nuk keni pse të keni ankesa për Vojo Kushin. Vojo Kushi është hero i popullit dhe Kryemadhi nuk mund të ketë ankesa për të. Sikur të gjithë këshilltarët e PL do të hidheshin mbi policët e regjimit, do të kishim tjetër Shqipëri. Për mua familja ka rëndësi, Shqipëria ka akoma më shumë rëndësi.

Politike

Rastësi apo zgjedhje? Meta nuk e ndjek fjalimin e Kryemadhit, pamjet

Rastësi apo zgjedhje?! Ilir Meta nuk qëndroi në sallë në Konventën e Partisë së Lirisë për të ndjekur fjalimin e Monika Kryemadhit. Ai vendosi që të shkojë të votojë dhe u kthye pasi Kryemadhi mbaroi fjalën.

Politike

“Uaaa, flet partia e vulës për moral”/ Meta: Basha gënjen edhe kur fle

Kreu i Partisë së Lirisë, Ilir Meta u pyet nga gazetarët në lidhje me një video të publikuar sot nga PD e vulës, ku tregoheshin episode të kaluara politike me akuza të ndërsjellta mes Berishës dhe Metës.

Meta e ka cilësuar ‘parti e vulës pa moral’, teksa kthen në vëmendje zgjedhjen e Lulzim Bashës kryetar të Bashkisë së Tiranës.

“Uaaa, ore flet partia e vulës për moral. Si doli ky vulaxhiu kryetar bashkie në Tiranë në 2011, me 23 mijë vota dhe prapë u desh qëndresa e heroike e Arben Ristanit që të dilte. Çfarë të themi, Jo vetëm të gënjen për orën, por ai dhe kur fle nuk ngopet së gënjyeri”, tha Meta.