Connect with us

Shendeti

Të mposhtësh sëmundjet pa ilaçe, Hetem Ramadani: Të gjithë kemi mundësi të jetojmë 140 vjet

/Living/“Nëse duam të dimë se çfarë gjendjeje shëndetësore kemi sot, duhet bërë analiza se çfarë kemi ngrënë dje (në të shkuarën). Nëse duam të parashikojmë shëndetin për të nesërmen, duhet të mendojmë se çfarë do të hamë sot e çfarë regjimi kemi.”

Hetem Ramadani është njeriu që ka bërë kapërcime të mëdha në jetë. Ka shënuar arritje rekord në fushën e biznesit, ka ndryshuar tërësisht stilin e jetës dhe regjimin, ka mundur të vetëshërohet dhe të shërojë, duke përjashtuar çdolloj mjeti të mjekësisë konvencionale, është i pari që ka përcjellë në Shqipëri dhe Kosovë meditimin transhendental, duke sjellë mësuesit më të mirë të meditimit nga shkolla e Maharishit, e duke financuar projektin, ku mijëra shqiptarë e kosovarë, kryen kurse meditimi. Krahas meditimit, i cili prej tri dekadash i është bërë shprehi e përditshmërisë, Hetem Ramadani u përfshi në fushën e studimeve shkencore të mjekësisë. Pas dekadash të tëra studime, mbi libra e kërkime shkencore, ai sot ka arritur në një përfundim, i cili hedh poshtë shumë teori të mjekësisë konvencionale. Sigurisht që zoti Ramadani nuk i mbështet këto dije vetëm mbi fjalë, por edhe në fakte të vërtetuara. Në librin e tij të parë “Shëndeti dhe suksesi nëpërmjet meditimit”, ai sjell prova sesi arriti të shëronte veten pa asnjë lloj ndërhyrjeje dhe trajtimi me ilaçe, pas një aksidenti në ski, ku theu kockën e legenit. Në libër, paraqiten edhe shumë raste të tjera me probleme të rënda shëndetësore, të cilave zoti Ramadani u ka dhënë zgjidhje. Regjimi i jetës së tij bazohet tek ushqimet, aktiviteti fizik dhe meditimi. Ai argumenton se, natyra e ka pajisur trupin tonë me një megafarmaci, të cilën mund ta aktivizojmë nëse zbatojmë regjimin që zbaton ai vetë. Hetem Ramadani, tanimë nuk do që t’i mbështesë vlerat e tij humane mbi arritjet në biznes, por mbi përfundimet që ai sjell në fushën e shëndetit, duke dashur që me këto dije të ndihmojë shumë njerëz, që së pari të ruajnë shëndetin për gjithë jetën, e së dyti të mund të shërohen nëse janë prekur nga sëmundje të rënda.  Zoti Ramadani është diplomuar për kimi dhe teknologji. Më vonë, ka vijuar dy vite studimi në Zagreb për toksikologji-patologji, rrezatim, ndotje akustike, etj. Gjithmonë interesi i tij ka qenë mjekësia, e cila u kthye në një shprehi jete për të, por, teoria e tij është: “Nuk ka rëndësi çfarë kemi mësuar dje, por çka dimë sot”. Kudo që gjendet, ai është i rrethuar nga qindra e qindra libra e punime shkencore në fushën e shëndetit. Ndërsa përgatitemi për të nisur këtë intervistë ekskluzive për revistën Living, ai na zbulon se 2-3 vitet e fundit, dieta e tij bazohet në yndyra. Kaloritë me të cilat ushqehet, përbëhen nga yndyrat në masën 70-80 %. Gjithashtu zoti Ramadani, në mënyrë periodike, çdo muaj, kryen agjërim 4 deri në 7 ditë, pa asnjë ushqim, përveç ujit.

Zoti Ramadani, çdo ditë e më shumë po ndeshemi me teori të ndryshme, të cilat po zëvendësojnë terapitë mjekësore me dieta ushqimore dhe regjime të caktuara. Çfarë mendimi keni për këtë dhe a është e mundur të zëvendësojmë medikamentet me ushqime?

Po, është e mundur. Është e mundur që me ushqime, së pari të mos arrijmë të kemi nevojë për të përdorur medikamente dhe së dyti, po qe se jemi prekur nga sëmundjet, me regjimin që unë ndjek, mund t’i zëvendësojmë këto medikamente. Edhe babai i mjekësisë moderne, Hipokrati, 2500 vite më parë ka thënë: le të përdorim ushqimin si mjet shërimi (Let the food be our medicine. Let’s use this medicine). Nëse e pranojmë këtë paradigmë, atëherë bëhet realitet.

Ju jeni shumë i përqendruar në çështjet e shëndetit dhe prej më shumë se një dekade i jeni përkushtuar studimeve në këtë fushë. Çfarë ju ka nxitur ta shndërroni këtë në lajtmotivin e jetës suaj?

Kjo ka filluar prej problemeve personale. Kur isha student kalova një krizë depresioni dhe pastaj kam qenë shtruar në spital. Në momentin kur kam dëgjuar mjekun të thoshte se jam rasti më i rëndë në kardiologji, kur dola nga spitali fillova të lexoja për shëndetin. Doktori më dha pak muaj jetë dhe diagnoza ishte miokarditis. Në të vërtetë, nuk ishte aspak kështu. Ishte vetëm një depresion. Falënderoj një mikun tim, profesor të mjekësisë, të ndjerin prof. Muharrem Kutllovski, i cili e kishte përjetuar gjendjen time kohë më parë. Ai më tha të ikja nga spitali se nuk ishte ajo zgjidhja. Pastaj fillova me lexu, me lexu, dhe kjo vazhdon edhe sot. Duke studiuar me dekada, kam arritur në përfundimin se të gjitha këto, kanë qenë çështje që mund të zgjidhen pa qenë nevoja të shkojmë në spital. Arsyeja e dytë që më ka nxitur të kërkoja zbulime të reja, është fakti se, kur jetoja në Lubjanë, shumë njerëz vinin nga Kosova, Shqipëria, Maqedonia dhe Mali i Zi për të më kërkuar ndihmë. Ishin pacientë që vuanin nga kanceri apo prej sëmundjeve të ashtuquajtura të pashërueshme, sëmundje zemre etj. Kam këshilluar edhe raste me metastaza. U kam ndërruar këtyre individëve mënyrën sesi të ushqehen, u kam rekomanduar meditimin, u kam dhënë këshilla për aktivitet fizik, e sot shumica e tyre gëzojnë shëndet. Janë nga ato raste kur mjekësia ka ngritur duart, pacientë të cilët i kam përmendur edhe në librin tim të parë, madje edhe me emra.

Cili është ai zbulim juaji që përmbys të gjitha rregullat/teoritë e mjekësisë konvencionale?

Po ju tregoj për një studim. Dr. John Ioannidis nga Qendra Kërkimore e Parandalimit në Universitetin e Stenfordit, ka sfiduar vlefshmërinë e të gjitha regjimeve ushqimore që u ishin servirur njerëzve deri në atë kohë. Në eksperimentet që bëri, ai arriti në përfundimin se të gjitha këto regjime ishin të gabuara. Nisur nga ky fakt, unë sfidova veten dhe kërkova, hulumtova e studiova për të parë nëse kishte një regjim tjetër të vlefshëm dhe nëse njerëzit që do ta përdornin atë, do të mund të ruanin shëndetin ose të shëronin sëmundjet nga të cilat mund të ishin prekur.
Po t’i referohemi Shoqatës së Kardiologëve Amerikanë, e cila rekomandon konsumimin e sa më shumë frutave, drithërave etj., si dhe marrjen e sa më pak yndyrave, unë kam vërtetuar se ky regjim është i gabuar.
Prej tre vitesh, unë kam bërë ndryshime radikale, ku receptura ime (regjimi), ose më mirë të themi, burimi im i energjisë për trupin, për mitokondriat (mitochondria – mikroorganizma që kanë rolin e centralit elektrik, duke krijuar energji për qelizat) janë yndyrat. Sot mendohet se burim energjik për qelizat është glukoza dhe mendohet që trupi e truri nuk funksionojnë pa glukozë, kurse teoritë që unë kam adaptuar sipas studimeve më të reja, tregojnë se shumica e sëmundjeve kronike shkaktohen pikërisht nga përdorimi i karbohidrateve (sheqernave).

Meqë ju keni studiuar e vazhdoni të thelloheni edhe më shumë në këto çështje të problematikave shëndetësore, si paraqitet aktualisht situata e sëmundshmërisë në botë?

Në vitet ’60, Amerika dërgoi dr. Ancel Keys të studionte në Europë dhe botë dietat ushqimore. Kur u kthye, ai arriti në përfundimin se yndyrat e ngopura janë burim i së keqes e sidomos sëmundjeve kardiovaskulare. E gjithë farmaceutika dhe industria ushqimore e shfrytëzoi këtë: farmaceutika duke prodhuar medikamente për të zvogëluar yndyrat, ndërsa industria ushqimore i zëvendësoi yndyrat e dobishme me sheqerna e yndyra të hidrogjenizuara. Kjo bëri që prej viteve ’60, në të gjithë botën, të rriten në mënyrë dramatike sëmundjet kardiovaskulare, diabeti, sëmundjet tumorale etj. Për shembull, çdo vit, në Amerikë vdesin mbi 600-700 mijë persona nga zemra, por sëmundja që ka pësuar një rritje dramatike sot, është kanceri, i cili prej vitit 2009 është barazuar me sëmundjet e zemrës, e madje i ka tejkaluar ato. Në Amerikë, tani vdesin 1650 vetë në ditë nga sëmundjet tumorale dhe po të flasim pastaj për diabet, 1 në 3-4 persona është paradiabetik ose diabetik. Po t’u referohemi shifrave për autizmin, përsëri në Amerikë, në vitet 1975 incidenca e rasteve ishte një në 5 mijë fëmijë, ndërsa tani, në vitin 2017, të dhënat tregojnë se 1 në 55 fëmijë është i prekur nga autizmi. Lista e sëmundjeve nuk ka të ndalur dhe burimi kryesor i zhvillimit të tyre, është mënyra e të ushqyerit, marrja e medikamenteve, lëndët toksike dhe dieta dixhitale, që do të thotë se ne nuk marrim vetëm ato që fusim në gojë, por edhe çka na vibron qelizat, siç janë valët elektromagnetike (Smart Tv, telefonat celularë, wi.fi etj.). Studimet e fundit, po i klasifikojnë këto valë ndër faktorët e shkaktimit të sëmundjeve si diabeti, kanceri, tumoret, autizmi, problemet metabolike, alzajmeri, parkinsoni, etj.

A gjejnë mbështetje të gjitha këto njohuri që ju keni marrë e që në njëfarë mënyre janë një përmbysje e mjekësisë konvencionale?

Duhet vetëm dije dhe kurajë për të sfiduar mendimet konvencionale. Unë këshillimin me njerëz e kam nisur që para 20 viteve. Me ata që më kanë dëgjuar, kuptohet. Kam bërë edhe unë gabime, sepse atëherë shkenca rekomandonte dieta me sa më pak yndyra. Në fillim të viteve ’80 doli libri “Revolucion në dietë” nga dr. Robert Atkins, me 14 milion kopje të shitura. Ai rekomandonte dieta ushqimore me sa më shumë proteina. Ndërsa mjeku tjetër amerikan, dr. Ornish (një ndër mjekët personalë të ish-presidentit Bill Clinton) propozon regjime ushqimore të dominuara nga karbohidratet. Por, kjo bëri që njerëzit të sëmureshin më shumë nga diabeti e sëmundje të rënda. Unë nuk i kam zbatuar regjimet e këtyre dy mjekëve tre vitet e fundit, por jam bazuar në përvoja të tjera të risive shkencore në mjekësi, kam zbatuar një regjim krejt ndryshe, regjim që tek unë dhe të gjithë ata që e kanë përdorur, në të gjithë botën, ka pasur rezultate pozitive në ruajtjen e shëndetit, por edhe për të larguar sëmundjet që kanë pasur. Regjimi që unë përdor për vete, siç e thashë edhe më lart, është mjekësia e së ardhmes, mjekësia funksionale, e cila përqendrohet në mënyrën se si funksionon trupi, nuk merret me simptomat dhe organet, por me organizmin. Domethënë, jo me pasojat, por me shkakun. Kështu, ne bëjmë të mundur që të plakemi të rinj e të jetojmë shëndetshëm deri në 140 vjet.

Ku i bazoni ju këto teori?

Nuk janë teori, askush nuk e ka një teori. Këto janë punime shkencore, libra. Për shembull, një libër që unë studioj për trurin, zorrën, tiroiden, obezitetin, kancerin, diabetin e kështu me radhë, ka 600 deri në 2000 punime shkencore dhe po t’i marrim krejt librat që kam studiuar vetëm këtë vit, bëhen rreth 150 mijë studime shkencore. Të gjitha këto materiale që unë i kam marrë në qindra e qindra tituj të botuar nga emrat më të mëdhenj të shkencës në mjekësi, njerëzve do t’ua ofroj në një libër të vetëm, të cilin jam duke e punuar. Kushdo që do t’i përmbahet këtij libri, do të mund ta ruajë shëndetin. Nuk kemi nevojë që të na e menaxhojë dikush tjetër shëndetin. Deri tani, është dhënë receptura për trurin, për zemrën, për kockat etj, por ende nuk është dhënë një recepturë që t’i trajtojë të gjitha organet. Sot, në të gjithë botën, nëse shkon te mjeku, pyetja e parë që të bëhet është: Ç’sëmundje kanë pasur prindërit e tu? Historiku familjar i sëmundjeve… Pra, historiku gjenetik. Sipas mjekëve, ato përcaktojnë gjendjen tonë shëndetësore. Kjo teori u vjetrua, në SHBA janë dhënë miliarda dollarë për studime gjenetike, por shkenca e sotme është epigjenetika, e cila merret me studimin e gjeneve, të cilët ndërrojnë sjelljet e tyre nga faktorët e jashtëm, si: ushqimi, aktiviteti fizik, meditimi dhe raportet me të tjerët.

Duke qenë se në botë botohen çdo vit mijëra tituj që rekomandojnë dieta ushqimore, çfarë do ta veçojë librin tuaj nga të gjithë ata?

Libri im, duke ditur problemet e shqiptarëve dhe të njerëzimit, do të sjellë materiale, teori të vërtetuara shkencërisht, që duke i provuar të gjitha në trupin tim dhe të miqve të mi, mund të funksionojnë tek të tjerët. Deri tani është menduar se çdo organizëm, çdo trup është i ndryshëm për shkak të gjeneve. Nuk është ditur burimi i farmacisë së trupit. Është anashkaluar organi kryesor, të cilin deri më sot, mjekësia e ka trajtuar në mënyrë të gabuar: zorra! Por si t’i luftojmë bakteret në këtë organ? Nga padija, shkencëtarët dhe mjekët kanë përdorur ilaçe (antibiotikë) dhe ushqime toksike për t’i mbytur bakteret, ato mikroorganizma që gjenden aty. Në këtë libër do të ketë një kapitull të veçantë, që do të trajtojë ku është farmacia, ku është endokrinologjia e trupit të njeriut dhe cili është truri i vërtetë. Deri tani kemi menduar se kemi një tru dhe ai është në kokën tonë, por prej shkencëtarëve po del që kemi edhe një tru të dytë, i cili është në zorrën tonë, ku jetojnë 100 trilion baktere dhe 10 herë më shumë mikroorganizma të tjera. Kurse trupi ynë, ka 10 trilion qeliza. Nga ky raport shihet se ne si qenie, jemi 10 % njerëzorë dhe 90 % baktere. Këto baktere krijojnë farmacinë tonë. Në shkencën e vjetër është menduar se serotonina, neurotransmetuesi që na bën të lumtur e të ndihemi të përmbushur, krijohet në tru. Tani, është vërtetuar se serotonina krijohet 95 % në zorrë, 1 % në tru dhe 4 % në pjesë të tjera. Pra, në thelb, po ta mirëmbajmë këtë organ, ai do të na mirëmbajnë neve. Në këtë libër fokusi do të jetë jo si të ushqejmë zemrën apo mëlçinë, por si t’i ushqejmë bakteret. Nëse ato ushqehen e mirëmbahen në mënyrë që të ruhet numri dhe varieteti i tyre, ato na mirëmbajnë e na sigurojnë një shëndet të plotë. Nëse ky organ (zorra) inflamohet, inflamacioni është burim i të gjitha sëmundjeve, sepse numri i neuroneve që gjenden në zorrë është i njëjtë me numrin e neuroneve që gjenden në tru dhe komunikojnë direkt me trurin. Kjo do të thotë që inflamacioni i zorrës është inflamacion i të gjithë trupit dhe për rrjedhojë, shkak i të gjitha sëmundjeve.

Kush i ushqen këto baktere dhe cilat janë ushqimet që i dëmtojnë ato?

Ato ushqehen nga karbohidratet që nuk treten, që kanë fibra dhe kalojnë në këtë gyp që quhet zorrë dhe atëherë bakteret bëjnë fermentimin dhe ushqehen me to. Kemi dy lloj karbohidratesh: të mira dhe të dëmshme. Karbohidratet që vijnë nga zarzavatet, spinaqi, perimet, turshitë, nga karota dhe frutat (por sasia e frutave për shkak të fruktozës dhe glukozës nuk është mirë të përdoret shumë dhe ky është ndërrim në recepturën time) janë të mira. Ndërsa karbohidratet e dëmshme janë: ato që merren nga të gjitha drithërat, mielli, buka, misri, bishtajoret, etj., të cilat kanë glukozë ose sheqerna të tjera, që janë burim i qelizave kancerogjene. Pastaj, buka e drithërat kanë problem glutenin, që është një proteinë toksike, e cila dëmton zorrën. Zbulimet e reja tregojnë se një proteinë edhe më toksike, e cila nuk është ditur më parë, është “llectin”, e cila gjendet te buka, produktet e qumështit, produktet e mishit, etj. Këto dy proteina toksike, së bashku me herbicidet dhe pesticidet (lëndë kimike që përdoren në bujqësi. Kjo do të thotë se edhe botës bimore i janë shkatërruar bakteret e dobishme) shkatërrojnë bakteret e mira në zorrë. Kjo është një ushtri e tërë me qindra trilionë mikroorganizma, që determinojnë sjelljen e gjeneve tona. Njerëzit kanë 20-25 mijë gjene, kurse bakteret kanë 20 milion gjene dhe sjellja e këtyre gjeneve, përcakton sjelljen dhe shprehitë e gjeneve njerëzore. Pra, sjellja e gjeneve, varet nga bakteret që kemi në trup. Gjenet kanë tre mundësi: të jenë të mira, të këqija dhe shumë të mira. Nëse e marrim si metaforë pianon dhe konsiderojmë se gjenet janë 25 mijë nota, atëherë varet se kush luan me to: a luhet muzikë klasike, pop apo xhaz. Këtë muzikë e luajnë pikërisht këto baktere. Bazuar mbi këtë zbulim hidhet poshtë edhe teoria e kancerit, që 100 vitet e fundit mendohej që ishte një sëmundje gjenetike. Zbulimet e reja dëshmojnë se në 95 për qind të tij, kanceri është problem metabolik. Kur themi është problem metabolik, çështja lidhet menjëherë me çfarë ushqehemi, me aktivitetin fizik që bëjmë, mendimin, meditimin. Me të gjitha këto, që përbëjnë regjimin tonë ose jo, ne përcaktojmë shprehitë e gjeneve. Ne nuk i ndërrojmë gjenet. Nëse i kemi trashëguar gjenet e këqija që kanë predispozitë për kancer apo diabet, mund t’i lëmë të fjetura. Njësoj sikur ke rrymë apo nuk ke rrymë, kjo varet a e prek atë butonin tek çelësi atje apo jo.

Kështu, me regjimin tuaj, ju na jepni mundësi që të ruajmë shëndetin e të mos sëmuremi për gjithë jetën. Nga biseda paraprake, kam kuptuar se ju keni një koncept krejt ndryshe për yndyrat dhe parametrin LDL, që nga mjekësia konsiderohet si kolesteroli i keq e që pretendohet se është shkaktari kryesor i sëmundjeve të zemrës. Mund të na flisni pak më gjerë për këtë?

Po kthehemi përsëri te babai i mjekësisë moderne, Hipokrati. 460 vjet p.e.s., ai ka thënë se të gjitha sëmundjet fillojnë në zorrë. Megjithatë, shkenca e anashkaloi këtë fakt, ndoshta për shkak të mosdijes apo për shkak të interesave të industrisë farmaceutike. Farmacia merret në nivelin molekular të sëmundjes, por pa shkuar më tej. Për shembull, po t’u referohemi terapive të viteve ’60 e deri sot, yndyrat dhe kolesterolin i konsiderojnë si shkakun e sëmundjeve të zemrës. Po të shkosh te mjeku, këtu e në të gjithë botën, të gjithë thonë “mat kolesterolin”. Nëse kolesteroli del i lartë, mjekët japin terapi për uljen e LDL-së, të ashtuquajtur si kolesterol i keq, duke menduar se ky është problemi kryesor i sëmundjeve kardiovaskulare. Por, tani, shkenca e re, e mbështetur nga shumë kardiologë të famshëm, e hedh poshtë këtë teori.
Zbulimet e reja tregojnë se nëse ulet kolesteroli, duke rënë në nivelin 60-70 që rekomandohet, mundësitë për t’u sëmurur nga kanceri rriten me 15 herë. Por cili është burimi i tyre? Janë karbohidratet e këqija, sheqernat, yndyrat e hidrogjenizuara. Struktura e LDL-së përbëhet nga grimca të mëdha, të cilat na mbrojnë nga sëmundjet kardiovaskulare dhe nga grimcat e vogla, të cilat shkaktojnë sëmundjet kardiovaskulare. Përsëri, burimi i këtyre grimcave të vogla të LDL-së janë karbohidratet që përmendëm më lart. Kur në analizat e gjakut kolesteroli del i lartë, mjeku rekomandon marrjen e një medikamenti që quhet statin. Statini, i cili ndikon në uljen e LDL-së, është medikamenti më i shitur në botë, e njëkohësisht më i rrezikshmi. Ai shkakton diabetin e tipit 2, impotencë, depresion deri në vetëvrasje dhe sëmundje të ndryshme degjenerative. Ka vetëm një efekt pozitiv, që ul inflamacionin. Prandaj sot, kardiologët më të famshëm në botë, nuk rekomandojnë më uljen e kolesterolit me statin. Parametrat që duhen matur e marrë për bazë janë: inflamacioni, që është CRP; trigliceridet, që janë yndyrat në enët e gjakut dhe raporti trigliceride/HDL.

Rikthehemi përsëri te libri juaj. Do të ofroni aty një regjim/terapi shërimi për të sëmurët me kancer, për të cilët ju referuat më sipër se është rritur shumë numri i rasteve, në botë edhe në Shqipëri?

Ky libër do të jetë jo vetëm për të sëmurët me kancer, por për të gjitha sëmundjet. Unë do të paraqes zgjidhje që me anë të ushqimit, detoksikimit, të mos sëmuremi fare. Pra, kështu ata ndihmohen që të heqin shkakun, jo simptomën. Kimia nuk është zgjidhje për kancerin, as rrezatimi, as kimioterapia, e cila është edhe ajo burim i tumoreve. Një studim i vitit 1994, i cili vlerësoi rezultatet e pacientëve në 12 vite, arriti në përfundimin se në 97 % të rasteve, kimioterapia ishte e dështuar. Pra, duke kuptuar në këtë libër që kanceri nuk është problem gjenetik, por 95 % është metabolik, atëherë e kemi zgjidhjen. Mjekësia sot, siç e thashë më lart, duhet të përqendrohet tek inflamacioni i trupit. Sipas shkencëtarëve, çdo njeri mbi moshën 35-vjeçare do ta kalojë një herë kancerin gjatë jetës së vet. Në Amerikë, 1 në 2 persona parashikohet të vdesë nga kanceri. Edhe në Kosovë e Shqipëri, situata e të sëmurëve me kancer është përkeqësuar. Në Kosovë, rritja e kancerit të gjirit është shtuar me 30 %. Nëse mbetemi te zgjidhja që kanceri është gjenetik dhe zgjidhja është farmacia, atëherë kemi dështuar. Duhet të gjejmë zgjidhje të reja, të cilat do t’i sqaroj gjerësisht në libër. Me këto zgjidhje që propozoj, kam arritur që pacientë me diabet të tipit 2, të sëmurë prej 10 vitesh, t’i shëroj 100 %, pa asnjë lloj medikamenti (pa insulinë) për 3 deri 4 javë. Më besoni që insulina është më e dëmshme se vetë rritja e sheqerit.
Javët e fundit, në Tiranë, kam trajtuar një vajzë 30-vjeçare. Ajo ishte diagnostikuar te mjeku me një gjëndër problematike në gji. Gjasat ishin për një kist të inflamuar. Mjekja i dha një përshkrim me antibiotik (kur thua antibiotik ke thënë antijetë) dhe një trajtim me ilaçe për një muaj. Më pas do të shihej ecuria e gjëndrës (ose tumorit në gji, sepse çdo rritje në latinisht është tumor). Pra, mjekja i rekomandoi antibiotikun për të mbytur qelizat e inflamuara dhe më pas i tha “do të shohim e do të vendosim për terapinë që do të ndjekim në rastin tënd”. Por, vajza zgjodhi të ndiqte regjimin tim dhe jo të merrte antibiotikun dhe për 7 ditë, gjëndra u zhduk. Kur shkoi për të bërë kontrollin dhe ekografinë pas një muaji, gjëndra nuk ishte më. Vajza nuk i tregoi mjekes se nuk i kishte marrë ilaçet që ajo i përshkroi, ndërkohë që mjekja e entuziazmuar i tha: antibiotiku që të dhashë vepron shumë mirë në këto raste. E vërteta ishte se ajo nuk kishte marrë asgjë, përveç regjimit ushqimor që unë i vendosa. Ky është një rast. Unë po ju jap të dhënat e saj dhe ekografitë, që ju të mund ta vërtetoni vetë rastin, pa ia publikuar emrin.

Me të gjitha këto teori, e përsëris, ju shkoni kundër mjekësisë konvencionale dhe madje për këtë z. Vasil Naçi, biznesmeni i njohur ju përmendi në seminarin “Rruga drejt suksesit”, mbajtur pak javë më parë në Tiranë. Ai tha se ju keni patur një diskutim shumë interesant me mjekë të huaj gjatë një darke, në lidhje me ndërrimin e qelizave në trup.

Së pari, unë e përgëzoj Vasilin për atë çka bën për të tjerët, që dijen dhe eksperiencën që ka, ua jep edhe të tjerëve, siç bëri dhe në seminarin e fundit.
Por ju më së miri e dëgjuat vetë atë çfarë tha ai. Nuk dua të tregoj shumë për mjekët, por ishin dy profesorë të mjekësisë, njëri nga Amerika dhe me emër, e tjetri shqiptar. Në një darkë të gjatë, po flisnim për mjekësinë. Vasili pyeti: “A është e vërtetë që qelizat e trupit të njeriut ndërrohen?” Në fakt, ka teori të ndryshme për këtë, sepse varet cilës pjese të trupit i referohemi. Po të marrim rastin e kockave, qelizat e tyre ripërtërihen më ngadalë. Le të themi se kjo ndodh për një vit. Pyetja që unë u bëra mjekëve ishte: “Po pse sëmundja nuk po kalon?” Ata heshtën. Pas një pauze të gjatë, mjeku amerikan më tha: “Unë e di që ti e di përgjigjen”. Pastaj, Vasili më pyeti privatisht: “Cila është përgjigja, sipas teje?” Unë i thashë “se ai që krijon qelizën nuk ka ndryshuar”. Në libër, unë do të kem një kapitull të tërë që trajton çështje, si: “Kush na krijon ne? Nga kemi ardhur? Kush e formoi bakterin, qelizën etj?” Pra, ne, para se të jemi, kemi qenë mundësi. Edhe qeliza, edhe atomi, edhe mendimi, para se të krijohen, janë mundësi. Stimulimi i këtyre ndodh në shkallën e vetëdijes së lartë transhendentale, ku çdo gjë është në nivelin vibrues. Edhe ajo që quhet materie, edhe ajo që quhet mendje, edhe ajo që quhet qelizë, para se të ndodhë është vibrim. Edhe këto vibrime në esencë në shkallën 10-(minus) të 33-at janë asgjë, janë inteligjencë. Edhe shëndeti është në atë shkallë. Në thelb, kjo inteligjencë që në fe e quajnë Zot dhe në shkencë fusha unike, është vendi ku gjithçka është e mundur. Të gjitha forcat e universit, siç është forca e gravitetit, forcat që mbajnë atomin, forcat elektromagnetike… të gjitha këto krijojnë një fushë, përtej së cilës mjekët nuk shkojnë dot. Unë e kam sqaruar këtë në librin tim të parë ku shpjegoj se si e shërova kockën time të thyer të legenit, pa operacion. Për mjekët kjo është fizikë mekanike, për mua është fizikë kuantike.

Ka shumë njerëz që ju kontaktojnë e ju kërkojnë t’i ndihmoni?

Këtë e kam në qendër të misionit tim. Arsyeja pse punoj me orë të tëra çdo ditë është se dua t’i ndihmoj të tjerët e përveç kësaj, në thelb, kur ndihmon dikë, kur jep, krijon serotoninë, neurotransmetues, i cili të bën të lumtur e të plotësuar. Pyetja kryesore e njerëzimit është: Çka dëshiron njeriu më së shumti? Në bazë të një analize shumëvjeçare, nga Amerika në Slloveni, përgjigja ishte: të jemi të lumtur. Pra, nëse arrin këtë gjendje, i ke të gjitha.

ELONA JAÇELLARI

/FOTGRAFIA ARMAND HABAZAJ

Advertisement
Click to comment

Leave a Reply

Your email address will not be published. Required fields are marked *

Shendeti

Nuk di ç’të bëj më shumë/ Kurti me surpriza për serbët e veriut

Kryeministri Albin Kurti, në një intervistë për gazetën holandeze “Trouw”, ka thënë se Bashkimi Evropian për Kosovën është projekti më i rëndësishëm politik dhe procesi historik i lirisë dhe prosperitetit që nga Lufta e Dytë Botërore, dhe theksoi se ndoshta brezi tjetër, mund të dalë me një model më të mirë.

“BE-ja duhet të mbrohet dhe ne duam të kontribuojmë për këtë”, ka thënë Kurti në këtë intervistë.

Duke u ndalur te Asociacioni i komunave me shumicë serbe, ai tha se ndonëse serbët përbëjnë vetëm katër për qind të popullsisë së Kosovës, gjuha e tyre është gjuhë zyrtare në mbarë Kosovën dhe në çdo nivel të qeverisjes. Ai kujtoi edhe se serbët kanë edhe dhjetë vende të rezervuara në parlament, teksa theksoi se ata nuk po i shfrytëzojnë mundësitë që kanë.

“Në vend të këtyre benefiteve, ata duan Asociacion të komunave me pushtet ekzekutiv. Ky pushtet më pas duhet t’u hiqet bashkive ose qeverisë kombëtare. Kjo nuk është e mundur sipas Kushtetutës. Dhe ata gjithashtu duan që asociacioni sipas tyre të ketë një kryetar. Unë dua ti ndihmoj komunat, por jo duke formuar një Republika Sërpska të re” – potencoi Kurti duke shtuar se ai është kryeministri që ka folur serbisht “më shumë se të gjithë paraardhësit e tij së bashku”.

“Komunat me shumicë serbe marrin 62 për qind më shumë buxhet për banorë se të tjerat. Nuk di çfarë të bëj tjetër. Nuk ka kryeministër që flet dhe konsultohet me serbët sa unë. Por pjesa dërrmuese e këtyre takimeve zhvillohen në fshehtësi, me kërkesë të tyre. Sepse përndryshe Beogradi do t’i sulmonte menjëherë. Më vjen keq dhe kërkoj falje që ende nuk jam në gjendje t’i mbroj të gjithë serbët e Kosovës nga ngacmimet nga Beogradi” I deklaroi Kurti

I pyetur nga gazeta holandeze, nëse Serbia do të hynte në luftë për pushtimin e Kosovës, kryeministri Kurti tha që nëse forcat e NATO-s nuk do të ishin të dislokuara në Kosovë, “jam i sigurt se Serbia ndoshta edhe do të do të përpiqej të pushtonte vendin”.

“Duke ushqyer lidhjet e saj të forta me Rusinë, Serbia beson se mund të shpëtojë nga dënimi për plagosjen e ushtarëve të KFOR-it dhe policisë së Kosovës. Ashtu si Rusia, edhe Serbia e urren NATO-n. Në sytë e Kremlinit, Kosova nuk është gjë tjetër veçse një projekt i NATO-s, ndërsa unë e shoh si sukses të luftës së një populli për liri”.

“Kremlini nuk sheh njerëz, ai sheh vetëm liderë dhe territor. Nëse NATO nuk do të ishte këtu, jam i sigurt se Serbia do të përpiqej të pushtonte përsëri. Policia ushtarake serbe ka 48 baza ushtarake rreth kufirit me Kosovën, prej të cilave 28 përfshijnë ushtarë” – tregoi Kurti

“Ajo që më bën optimist për të ardhmen është se në rajonin tonë nuk ekziston më ai lloj nacionalizmi mes njerëzve që nxit makineritë e luftës së diktatorëve. Ata tashmë preferojnë të vetmen gjë që u ka mbetur, që janë bandat kriminale. Tridhjetë vjet më parë, figura si Radoiçiçi do t’u kishin shpërndarë kallashnikovët qytetarëve të thjeshtë. Ata nuk janë më të interesuar për këtë, dhe kjo zvogëlon fuqinë e këtyre lloj kriminelësh”, deklaroi kreu i ekzekutivit kosovar në intervistë.

Sipas Kurtit, zgjidhja mes Kosovës dhe Serbisë është modeli i dy Gjermanive i vitit 1972.

“Ne arritëm një marrëveshje nën udhëheqjen e Bashkimit Evropian në shkurt, por problemi është zbatimi. Serbia refuzon të nënshkruajë dhe ka shkelur të paktën tetë nga njëmbëdhjetë nenet. Pa nënshkrim, tregohet se dikush ka rezerva. Mendoj se duhet t’i përmbahemi modelit të vitit 1972 për Gjermaninë Perëndimore dhe Lindore: jeto dhe lër të jetojnë, me njohje de facto reciproke”.

“Ajo që nevojitet në Serbi, është një lider i guximshëm demokrat, i cili distancohet nga Milloshevici dhe Putini. Deri atëherë, kam frikë se nuk mund të ketë normalizim mes dy vendeve”, potencoi kryeministri i Kosoves.

Kurti tha se, për dallim nga Serbia, Kosova nuk bën propagandë. Sipas tij, “shpesh e më shpesh, nuk mund ta dëgjosh më të vërtetën e Kosovës përmes gënjeshtrave të Serbisë”.

Ai deklaroi se në Bashkimin Europian ka dy lloje diplomatësh që janë dominues në përcaktimin e marrëdhënieve me Serbinë.

“I pari është i ndrojtur, i frikësuar se Serbia mund ta tërheqë Rusinë në një raund tjetër të luftërave ballkanike. Dhe kjo është arsyeja pse ai preferon kënaqësinë ndaj përballjes. Kurse lloji i dytë mendon në mënyrë utopike. Ai beson se Serbia mund të futet në kampin perëndimor me presidentin Vuçic, por pa demokratizim ky është një mision i pamundur” – deklaroi kryeministri.

Continue Reading

Shendeti

Prova gjenerale për “Ditën e Qametit”

Nga Mero Baze

Deri tani janë kryer prova për disa procese për “Ditën e Qametit”, e cila është dita kur mund të votohet për arrestin shtëpiak të Sali Berishës në Kuvend.

Provat e para janë kryer për bllokimin e sallës në Kuvend. Aty është vepruar në dy fronte, në zënien e karrigeve të qeverisë dhe në përmbysjen e karrigeve të popullit deputet. Më efiçiente ka dalë kjo e dyta, pra mbledhja e karrigeve në një vend.

Por meqë herën e fundit që ndodhi kjo, vet deputetët socialistë përtonin t’i merrnin prapë, ekziston rreziku që kjo të ndodhë në “Ditën e Qametit”. Ndaj duhet shtuar dhe një lëndë ngjitëse, zamkë përzier me acid, që kush të ulet t’i digjet prapanica.

Një tjetër provë është bërë me sulmin ndaj kartave të deputetëve dhe mikrofonit, por nuk ka rezultuar efiçiente, pasi për sektorin e grave kanë vetëm Albanën kurse për sektorin e burrave vetëm Flamurin dhe Palokën. Nuk ja dalin dot me aq. Duhet parë mundësia e një defekti qendror.

Sot ishte dita e provës gjenerale për pushtimin e sallës. Flamur Noka ka arritur dy rekorde, për ngjitje nga kangjellat dhe ngjitje nga dritarja.

Në fillim dukej pa kuptim pse u ngjit edhe nga dritarja, pasi më parë hyri një herë brenda nga kangjellat, por pastaj u zbulua e vërteta. Berisha e falenderoi për ngjitjen nga kangjellat, por i tha se duket sikur imitojmë Selam Musain “me xhinse mbi tela”, dhe ai është nga fshati i Gramoz Ruçit, ndaj na duhet një stil i ri pushtimi. Atëherë Flamuri doli përsëri jashtë dhe ndërsa rojet u afruan tek kangjellat, ai u ngjit nga dritarja.

Edhe Salianjit i ëmbëlsoi shumë ngjitja, dhe desh ta përsëriste ngjitjen nga dritarja për herë të dytë, por Flamuri i tha se nuk ka më njeri të të vërë duart nga poshtë në të pasmet, dhe ai hoqi dorë i dëshpëruar.

Sidoqoftë prova për futje nga dritaret dhe kangjellat u kompletua.

Praktikisht deri tani grupi parlamentar i Berishës ka përvojë për marrje pushteti duke zënë karriget e ministrave, përmbysje pushteti duke përmbysur karriget e ministrave dhe zaptim pushteti duke hyrë nga kangjellat dhe dritaret.

Ende nuk është e qartë nëse Doktori do të urdhërojë ndonjë ushtrim tjetër më të vështirë, siç është hedhja nga kati i dytë apo kati i tretë i Kuvendit në rast rreziku, apo prova për të qëndruar me bombël tymuese në dorë pesë minuta pa marrë frymë, pasi mund të jenë mjetet ekstreme të ditës së fundit, para se SPAK të marrë vendimin që Berisha duhet të dënohet me arrest shtëpie dhe vendimi duhet të kalojë në Parlament.

Pra e gjithë përgatitja po bëhet për atë ditë qameti. Këto prova gjenerale që shikoni, këto sakrifica për të rrezikuar dhe xhinset e shtrenjta të Flamurit, apo mbetjen e shenjave të gishtave në pantallonat e bardha të Salianjit, në fakt bëhen për ditën kur të shkojë urdhri për Sali Berishën në Kuvend, që grupi të jetë i stërvitur për ta mbrojtur që të mos votohet.

Deri tani janë dhënë prova se mund të përballohen akte të pashembullta sakrifice. Problemi është se nuk ka masivitet dhe vetëm dy- tre deputetë po shquhen. Në ditët në vijim do punohet për masivizimin.

“Dita e Qametit” nuk është larg. Nga ora në orë, maksimumi në ditë, SPAK mund t’i kërkojë Kuvendit të forcojë masën e sigurisë për Sali Berishën deri për arrest shtëpie. Atëherë do ta kuptoni sa vlerë ka kjo stërvitja dy javore e grupit të deputetëve në sallën e Kuvendit dhe zyrat e tij.

Berishën vërtet mund të mos e mbrojnë dot me trupat e tyre, por me këtë që po bëjnë, vendin e deputetit e kanë të mbrojtur nga Berisha, pasi kanë dhënë prova që janë gati të vdesin për të. I vetmi merak që u mbetet është se po vdiqën nuk ka kush të vdesë për dhëndrin dhe djalin që janë në radhë për burg.

Continue Reading

Aktualitet

Krimbi i gjallë gjendet në trurin e gruas australiane! Rasti i parë në botë, mjekët: Oh Zot kjo është e pabesueshme!

Një grua 64-vjeçare kishte kohë që ankohej për harresën dhe depresionin përpara se mjekët të nxirrnin një krimb të rrumbullakët 8 cm që normalisht gjendet tek pitonët.

Ishte një ditë mjaft e rregullt në repartin për mjekun e sëmundjeve infektive të spitalit të Kanberrës, derisa u dëgjua britma e një mjeku neurokirurg i cili thirri kolegët për të parë gjënë më të çuditshme që kishte gjetur në trurin e një pacienti:

O Zot, nuk do ta besoni atë që sapo gjeta në trurin e kësaj zonje, dhe është i gjallë. dhe duke u përdredhur.”

Neurokirurgu, Dr Hari Priya Bandi, kishte nxjerrë një krimb parazitar 8 cm të gjatë nga pacientja e tij, një grua 64-vjeçare nga Uellsi, e cila u shtrua për herë të parë në spitalin lokal, në fund të janarit 2021 pasi pësoi tre javë dhimbje barku dhe diarre, e ndjekur nga një kollë e thatë e vazhdueshme, ethe dhe djersitje gjatë natës, raporton The Guardian.

Deri në vitin 2022, simptomat e saj përfshinin gjithashtu harresën dhe depresionin, duke nxitur një referim për shtrim në spitalin qendror të Kanberrës.

Një skanim  i trurit të saj zbuloi anomalitë që kërkonin operacion.

Por neurokirurgu sigurisht që nuk hyri brenda trurit të pacientes duke menduar se do të gjenin një krimb që përpëlitej,” tha Dr Sanjaya Senanayake drejtuese e repartit të sëmundjeve infektive.

Neurokirurgët rregullisht merren me infeksione në tru, por ky ishte një zbulim që ndodh një herë në karrierë. Askush nuk priste të gjente një krimb në trurin e një njeriu.”

Zbulimi befasues bëri që një ekip mjekësh të spitalit të mblidheshin shpejt për të zbuluar se çfarë lloj krimbi ishte dhe, më e rëndësishmja, të vendosnin për trajtimin e  mëtejshëm që pacienti mund të kërkonte.

Ne thjesht filluan të kërkonim që nga tekstet shkollore, dhe studime të ndryshme shkencore për të gjitha llojet e ndryshme të krimbave të rrumbullakët që mund të gjenden në trupin e njeriut dhe shkaktojnë sëmundje neurologjike,” tha Senanayake. Kërkimi i tyre ishte i pafrytshëm dhe ata kërkuan ndihmë nga ekspertët e jashtëm.

Canberra është një vend i vogël, kështu që ne dërguam krimbin, i cili ishte ende gjallë, direkt në laboratorin e një shkencëtari CSIRO, i cili ka shumë përvojë me parazitët,” tha Senanayake. “Ai sapo e pa krimin ulëriti: “O zot, ky është Ophidascaris robertsi “.

Krimi i nxjerrë nga truri i pacientes që u dërgua në laborator

 Ophidascaris robertsi është një krimb i rrumbullakët që zakonisht gjendet te pitonët. Pacientja e spitalit të Kanberrës shënon rastin e parë në botë të gjetjes së këtij paraziti te njerëzit.

Gruaja banon pranë një zone liqeni të banuar nga pitonët. Pavarësisht se nuk ka kontakt të drejtpërdrejtë me gjarprin, ajo shpesh mblidhte barëra, duke përfshirë zarzavate të egra që rriteshin rreth liqeni për t’i përdorur në gatim, tha Senanayake.

Mjekët dhe shkencëtarët supozojnë se një piton mund të ketë derdhur parazitin përmes feçeve të tij në bar. Ata besojnë se pacienti ndoshta është infektuar me parazitin direkt nga prekja e barit ose pasi ka ngrënë zarzavatet e egra.

Senanayake tha se pacientja duhej të trajtohej për larva të tjera që mund të kishin pushtuar pjesë të tjera të trupit të saj, siç është mëlçia. Por duke qenë se asnjë pacient nuk ishte trajtuar ndonjëherë për këtë parazit më parë, u tregua kujdes.

Disa medikamente për shembull mund të shkaktojnë inflamacion pasi larvat ngordhin. Një inflamacion mund të jetë i dëmshëm për organe të tilla si truri, kështu që ata gjithashtu kishin nevojë për të administruar medikamente për të luftuar çdo efekt anësor të rrezikshëm.

Ajo paciente ishte e varfër, por ishte kaq e guximshme dhe e mrekullueshme,” tha Senanayake. “Ju nuk do të dëshironit kurrsesi të ishit pacienti i parë në botë me një krimb të gjetur te pitonët dhe ne me të vërtetë i heqim kapelen asaj. Ajo ka qenë e mrekullueshme.”

Rasti është dokumentuar në edicionin e shtatorit të revistës Emerging Infectious Diseases .

Sipas Qendrës Amerikane për Kontrollin dhe Parandalimin e Sëmundjeve, tre të katërtat e sëmundjeve infektive të reja te njerëzit vijnë nga kafshët.

Senanayake tha se rasti i parë në botë theksoi rrezikun e sëmundjeve dhe infeksioneve që kalojnë nga kafshët te njerëzit, veçanërisht pasi njerëzit dhe kafshët fillojnë të jetojnë më ngushtë së bashku dhe habitatet mbivendosen më shumë.

Ka pasur rreth 30 infeksione të reja në botë në 30 vitet e fundit,” tha ai.

Nga infeksionet e reja globalisht, rreth 75% janë zoonotike, që do të thotë se ka pasur transmetim nga bota e kafshëve në botën njerëzore. Këtu përfshihen edhe koronaviruset.

Ky infeksion Ophidascaris nuk transmetohet mes njerëzve, kështu që rasti i këtij pacienti nuk do të shkaktojë një pandemi si Covid-19 ose Ebola. Megjithatë, gjarpri dhe paraziti gjenden në pjesë të tjera të botës, kështu që ka gjasa që raste të tjera të njihen në vitet e ardhshme në vende të tjera”.

Mjeku i sëmundjeve infektive Prof Peter Collignon, i cili nuk ishte i përfshirë në rastin e pacientit, tha se disa raste të sëmundjeve zoonotike mund të mos diagnostikohen kurrë nëse janë të rralla dhe mjekët nuk dinë se çfarë të kërkojnë.

Ndonjëherë, njerëzit vdesin pa u gjetur kurrë shkaku,” tha ai.

Ia vlen të tregoheni të kujdesshëm kur takoni kafshët dhe mjedisin, duke larë ushqimet tërësisht dhe duke gatuar ushqimin siç duhet, dhe duke mbajtur një mbrojtje si mëngë të gjata, në mënyrë që të mos pickoheni,” tha ai./topchannel

Continue Reading

Shendeti

Përse duhet t’i jemi “mirënjohës” Ilir Metës?!

Nga Shpëtim Luku

Kur Sali Berisha nënshkroi gjithë solemnitet e pompozitet marrëveshjen e bashkëpunimit në koalicion me Ilir Metën, të shumtë ishin personat që nxituan t’a paralajmërojnë e këshillojnë atë mbi pasojat e kësaj marrëveshje. Ndërsa unë e “përkraha” dhe e “përgëzova” Ilir Metën, i cili nëpërmjet legalizimit të bashkëpunimit me Sali Berishën, krijonte më së fundmi kushtet që politika të ishte fair play, ku secili merrte votat që i takonin.

Marrëveshja Berisha Meta ishte hedhja tutje e një maske të fortë, kur kryetari i LSI-së merrte vota majtas, për t’i trafikuar djathtas. Marrëveshja Berisha Meta shënonte fundin e një praktike revoltuese dhe amorale, kur ish-kryeministri socialist që në moshë 28 vjeçare, bëhej faktor elektoral në gjirin e të majtës, pikërisht duke sharë, mallkuar e stigmatizuar më fort se vetë socialistët Sali Berishën, duke i’a çuar më pas votat e ambalazhuara në mandate deputetësh pikërisht Sali Berishës.

Kjo praktikë e urryer filloi në vitin 2009, kur PD siguroi 70 mandate në Parlament, ndërsa e majta e përfaqësuar nga PS dhe LSI siguroi edhe ajo 70 deputetë. Mirëpo ky ishte momenti kur LSI tregoi se ajo nuk ishte as parti e majtë, as parti e djathtë e as parti e qendrës. Por ishte një parti private e kryetarit të saj, i cili për interesa të tij bënte edhe atë që njerëzit e thjeshtë nuk e imagjinonin. Duke hyrë në koalicionin qeverisës me Sali Berishën, në emër të “stabilitetit të vendit”, duke trafikuar 4 mandate të arta, LSI u kthy në një parti të vogël, por me pushtet të madh.

Për rrjedhojë, duke i patur mundësitë e sistemimit të atyre që i afroheshin LSI-së, Ilir Meta ndërtoi edhe kultin e njeriut fjalëmbajtur ndaj militantëve dhe shërbyesve të tij. Më pas, i erdhi radha Sali Berishës të provojë shijen e tradhëtisë së Ilir Metës, i cili në 2013 u rikthye në gjirin e së majtës. Por tashmë LSI ishte kthyer në një parti e mesme elektorale dhe pushteti që kishte marrë nga marrëveshja me socialistët nuk mjaftonte më që Ilir Meta të mbante fjalën ndaj kujtdo që i premtonte. Rritja artificiale e partisë së tij solli edhe keqkuptimin e madh të Ilir Metës, i cili e konsideronte veten dhe partinë e tij private faktor përcaktues pushteti.

Dëshmi e këtij keqkuptimi të madh ishte refuzimi i tij, ndaj ofertës për të vijuar marrëveshjen e bashkëpunimit me socialistët edhe në vitin 2017. Lutjet e Edi Ramës vetëm sa i miklonin sedrën prej politikani amator, i cili nuk kupton asgjë nga ligjësitë për t’u shoqëruar për të mirën e popullit shqiptar me refuzimin e tij.

Se si rrodhën më pas ngjarjet është e ditur për të gjithë, por e rëndësishme është që tashmë Ilir Meta është kthyer aty ku i takon të jetë. Nuk ka më maskën e majtit, nuk ka më mundësinë e mashtrimin e elektoratit të majtë duke u hequr më i majtë se të majtët, nuk ka më mundësi trafikimi votash e mandatesh. Ndaj, po qe se merr vota, ato i ka të merituara. Dhe pikërisht për krijim e kësaj situatë transparente, ku secili është i qartë, ai meriton gjithë “mirënjohjen” e elektoratit shqiptar.

Continue Reading

Shendeti

Protesta/ Berisha, sy e veshë në telefon

Analisti Lorenc Vangjeli komentoi protestën e 6 dhjetorit  të thirrur nga ish-kryeministri Sali Berisha.

Ai u shpreh se protesta e thirrur Berisha, në më 6 dhjetor, ditë që përkon me Samitin e BE-së në Tiranë, është një veprim i dëshpëruar, që nuk është llogaritur mirë.

Vangjeli tha se samiti është çështje ndërkombëtare, ndërsa protesta “një hall” lokal, e këto të dyja sipas tij nuk duhet të trazohen.

Ai tha ndër të tjera se ditën e protestës, Berisha do të ketë një sy në telefon e një vesh në derë.

“Ky është një samit ndërkombëtar, ndërsa halli ynë është lokal. Ti trazosh të dyja këto është gaf, naivitet, egoizëm dhe llogari e gabuar nga ata që duan të bëjnë protestësn. Është një hesp i vogël në një histori ndërkombëtare.

Një hesap i gabuar, i ndërtuar për interesa të caktuara.  Në 6 dhjetor do të faktorizohet ndërkombëtarisht se çdo llogari që bëhet me Ramën kalon edhe nëpërmjet tij. Berisha i llogarit fjalët, por ky është një veprim i dëshpëruar. Doktori po luan si lojtar bilardo. E përfytyroj doktorin me sytë te telefoni dhe veshin te dera”, tha Vangjeli.

Continue Reading
Advertisement

TRENDING