Vegël e pushtetit/ Bushati: Rama përdor SPAK për t’i dhënë iluzion pavarësie drejtësisë

Sipas Bushatit, SPAK deri tani ka funksionuar si një vegël pushteti e kryeministrit Edi Rama, dhe çdo veprim që duket si pavarësi, përfshirë përpjekjen për arrestimin e Ballukut, në thelb shërben për të forcuar ekzekutivin. Ai theksoi se Rama kontrollon narrativën dhe shpesh e përdor konfliktin publik me SPAK për të krijuar përshtypjen se struktura ka pavarësi, ndërkohë që asnjëherë nuk ka ndërmarrë hapa kundër vetë kryeministrit. Bushati sqaroi gjithashtu se testi real politik për Ramën nuk do të jetë vendimi i Gjykatës Kushtetuese mbi pezullimin e ministres, i cili historikisht ka qenë pro-ekzekutivit, por votimi në Parlament për heqjen ose jo të imunitetit të Ballukut. Analisti theksoi se rasti Balluku është një shembull tipik i mënyrës sesi Rama përdor levat institucionale, herë duke lejuar “gërvishtje” simbolike nga SPAK, por pa prekur kurrë thelbin e pushtetit të tij.

Pjesë nga deklarata:

Në fakt, lajmi i ditës nesër është ky: nga pezullimi deri te arrestimi i Ballukut. Po unë… po më dhe kot ti vetëm dy minuta. Na hodhi dorëzën për këtë SPAK-un dhe unë, sa herë hapet ndonjë debat për SPAK-un, nuk duroj dot.

Duket sikur me këtë Ballukun, Rama i është vërsulur SPAK-ut dhe ka krijuar konflikt SPAK-Rama. E mbani mend para një viti e gjysmë, kur Rama iu vërsul Top Channel-it, televizion gjobaxhi që vendos gjoba dhe luan për interesat e veta?

Edhe Enver Hoxha, një herë merrej me bashkimet profesionale, një herë me organizatën e rinisë; të gjitha i ka pasur leva të veta. Dhe SPAK-u këtu është si Topi. Natyrisht që Rama e do gjithmonë e më kamikaz për veten dhe i tërheq veshin nganjëherë kur s’i pëlqen veprimi. Po kaq është. Në thelb, SPAK-u është organ që përjetëson pushtetin e Ramës. Dhe ne po themi tani: vajti te dera, iu afrua te penxherja. Ore, këtu është parë nga vetë SPAK-u; po të marrësh të gjitha çështjet e SPAK-ut, duket që kjo është një qeveri hajdute. Në këtë qeveri hajdute, kryehajdutin asgjë nuk e bën, thjesht ta merr një herë në pyetje. Pra, SPAK-u s’ka lidhje, jo vetëm me gërvishtjen, por vetëm me forcimin e pushtetit të Ramës dhe këtu e mbyll këtë çështje të SPAK-ut.

Pa dyshim, e forcoi. Për sa kohë SPAK-u, kur vijnë zgjedhjet, mban në tavolinë dosjet e Troplinëve, mban në tavolinë dosjen e Suel Çelës dhe gjithë këto kosto që i krijon Ramës gjatë katër viteve, ia lë për zgjedhjet, se zgjedhjet ia jep Ramës.

Është si Topi që i bënte ato kritika… Gërvishten, mo, gërvishten nganjëherë edhe levat në regjime, edhe ato që shërbejnë si levë bëjnë ndonjë gabim rrugës. Ai e do më kamikaz. Patjetër që Rama e do më kamikaz. Patjetër që Rama nuk donte… po as gërvishti.

Por SPAK-u është një vegël që deri tani, se unë ndryshe nga ti s’kam aftësi për prognoza, ka shërbyer për forcimin e pushtetit të Ramës. Ndoshta çmenden një ditë dhe bëjnë ndonjë gjë tjetër. Po të paktën unë besoj se do të çmenden kur një ditë, duke bërë gjënë më të thjeshtë në botë, të thërrasin Ramën.

Ore, si janë dhënë këto procedura koncesionesh në shëndetësi? Si janë dhënë këto procedura? Vetëm na ndriço, se ti i di të gjitha; po ndriçon nga Izraeli, ke bordin e paqes. Na ndriço edhe ne që duam të jetojmë si bëhet. Vetëm kur ta pyes, asgjë më shumë.

Tani të kthehemi te Balluku, se thamë që kjo është çështja e ditës. Unë këtë që do ndodhë nesër nuk e shoh si ndonjë gjë të madhe. Pra, ndryshe nga Berati që ka këtë… jo katër me katër, jo gjashtë me dy e të tjera e të tjera. E para, kjo është një çështje që ha diskutim. Pra, kjo Gjykatë Kushtetuese është totalisht pro Ramës; e ka treguar me vendimet për Berishën, Belerin, Olta Xhaçkën; të gjitha vendimet i ka marrë në mënyrë të trashë pro Ramës. Kështu që besoj se edhe nesër do ta marrë në të njëjtën mënyrë.

Jo, jo, unë them që edhe po e merr pro Ramës, Gjykata Kushtetuese ka bërë mëkate shumë më të mëdha sesa çështja e nesërme, e cila është e interpretueshme. Prova reale e Ramës? Provë politike, se këtu ka sherr kompetencash që ti e interpreton si të duash.

Unë jam kritik me SPAK-un, por në raport me SPAK-un, Gjykata Kushtetuese është dhjetëfish më poçaqi. Është nga turpet e drejtësisë së re që kemi. E megjithatë, këtë herë mund të ketë dhe pak të drejtë; megjithatë, nuk është shumë e rëndësishme. Testi politik për Ramën nuk është beteja në Kushtetuese për shkak të kompetencës për pezullimin e një ministri. Testi politik i Ramës është: ia heq apo nuk ia heq imunitetin Belinda Ballukut? Aty një mazhorancë do ngrejë dorën, për një gjë apo për një gjë tjetër. Pra, me gjithë aversionin që kam ndaj Gjykatës Kushtetuese, nesër nuk është testi i saj. E ka ndihmuar Ramën shumë herë; nesër ka dhe një justifikim të vogël për ta ndihmuar. Le të mbarojë puna. Testi do jetë në parlament. A do e mbrojë apo jo?

Bie pezullimi i… si koncept, gjykatat në këtë vend nuk mund të pezullojnë një ministër. Por ka masën e arrestit në parlament. Nuk është se do ta shtrojë për votim, se është e detyruar ta shtrojë; por do ta votojë kundër, po me këtë arsyetim, që nuk e çon njeriun në burg për hakmarrje. Doni që mos jetë recidiviste? Doni që mos prishë provat? Arsyetimi mund të jetë ky dhe mjafton. Problemi është që këtu kemi kthyer… hera e parë nuk kërkoi arrest. Në momentin që ai nuk është në detyrë… Ka një alibi dhe ne jemi dakord, por SPAK-u, formalisht, e gjeti vjegëzën e re. Tha: ka tentativa për të prishur prova. Prandaj kërkoi arrestin. Kështu që Rama nuk ka asnjë justifikim para parlamentit për mos ta pezulluar.