Aktualitet
“Zgjidhi mundësitë, jo migracionin e parregullt!” / IOM vjen me një mision ndërgjegjësues në Shqipëri
IOM në Shqipëri dhe Shërbimi i Kthimit dhe Riatdhesimit të Hollandës në
bashkëpunim me Ministrinë e Brendshme nisin sot një fushatë ndërgjegjësuese e cila synon të
parandalojë migracionin e pasigurt nga Shqipëria në vendet anëtare të Bashkimit Evropian.
Përfaqësuesit e Ministrive të Linjës (Finanës dhe Ekonomisë, Arsimit, Sportit dhe Rinisë,
Shëndetësisë dhe Mbrojtjes Sociale) si dhe autoritetet lokale, Shoqëria Civile dhe organizata
rinore dhe media, iu bashkuan ceremonisë së prezantimit të fushatës “Zgjidhni mundësitë, jo
migracionin e parregullt!”
ONM Shqipëri dhe ministritë e linjës, partnerë në këtë iniciativë do të ndërmarrin një seri
takimesh, seminaresh dhe sesione informimi me të rinjtë, përfaqësues të shoqërisë civile,
mësues dhe studentë. Shërbimi i Punësimit, Sportelet e Migracionit dhe Shërbimet e Mbrojtjes
Sociale do të luajnë një rol të rëndësishëm në shpërndarjen e informacionit rreth mundësive të
punësimit dhe programeve për nxitjen e punësimit., mundësitë ekzistuese në Shqipëri për
zhvillim të kapaciteteve dhe aftësive: bursa, trajnim për punësim dhe formim profesional.
Gjatë aktiviteteve të fushatës, pjesëmarrësit do të informohen për rregullat dhe rregulloret e
lëvizjes së lirë në bazë të Marrëveshjes së Liberalizimit të Vizave në zonën Shengen. Ata do të
informohen për pasojat e migracionit të parregullt, përfshirë ndalimin e hyrjes, kontrabandimin,
shfrytëzimin, trafikimin dhe përfshirjen e mundshme në aktivitete kriminale. Aktivitetet, si dhe
këto mjete të informacionit për fushatën, përfshirë video dhe fletëpalosje, theksojnë se kërkesat
e pabazuara për azil nuk janë një mjet për migrim të rregullt, dhe qytetarët do të inkurajohen të
kërkojnë informacion në lidhje me kërkesat për mundësi të rregullta të migrimit.
Fushata do t'i përgjigjet gjithashtu prioriteteve të përcaktuara të Qeverisë shqiptare në
Strategjinë Kombëtare për Migracionin 2019-2022 për sigurimin e një përgjigje efektive ndaj
menaxhimit të migracionit nga Shqipëria drejt Shteteve Anëtare të BE-së, përmes një kontrolli
më të mirë të kufijve dhe respektimit të regjimit të liberalizimit të vizave, midis Shqipërisë dhe
Bashkimit Evropian (Zona Shengen), duke siguruar respektimin e plotë të të drejtave të
migrantëve.
Për më shumë informacion, ju lutem kontaktoni:
Znj. Alketa Gaxha
Koordinatore Projekti
Organizata Ndërkombëtare për Migracionin
Rr. Brigada e VIII, P. LID, Kati III, Ap. 303
Tiranë, Shqipëri
Email: [email protected]
Celular: +355 692037049
Aktualitet
“Urdhri u dha nga Londra”/ Tritol banesës në Vlorë, konflikt për ‘shtëpi bari’
Detaje të reja janë zbardhur nga arrestimi i 27 vjeçarit Oltion Çeça i cili akuzohet se në bashkëpunim me Ajet Dokun, ka vendosur një sasi lënde plasëse në banesën e Elton Andreica Alias Muça në Vorë.
Mësohet se shkak për ngjarjen e ndodhur në 19 shkurt të këtij viti, janë bërë konfliktet pronari i banesës, ka pasur në Londër të Anglisë për aktivitetin e paligjshëm të kultivimit të kanabisit apo “shtëpive të barit”.
Dyshohet se autorët e ngjarjes, janë paguar nga Londra për të bërë të mundur vendosjen e lëndës plasëse në banesën e Elton Adreicës.
Fatmirësisht nga ngjarja nuk ka pasur të lënduar përveç dëmeve materiale, ndërsa në kërkim është 27 vjeçari Ajet Doku, bashkëpunëtori i Oltion Çeçës në vendosjen e tritolit.
Aktualitet
Ra nga vinçi teksa po riparonte llambat e qytetit, ndërron jetë punonjësi i bashkisë së…
Një 56-vjeçar i cili shërbente si punonjës i bashkisë së Elbasanit ka ndërruar jetë ditën e sotme në spital, pasi u rrëzua nga vinçi teksa po riparonte llambat e qytetit më herët gjatë ditës.
Dyshohet se 56-vjeçari u rrëzua nga mjeti rreth mesditës për shkak të një defekti në vinç, ndërsa ka humbur jetën për shkak të dëmtimeve disa orë më vonë.
Njoftimi i policisë:
Rreth orës 12:00, shtetasi E. B., 56 vjeç, punonjës i bashkisë Elbasan, gjatë punës mbi vinç, për riparimin e llambave elektrike në shtyllat e ndriçimit, në lagjen “5 Maji”, dyshohet se për shkak të një defekti në vinç, është rrëzuar dhe për pasojë është dëmtuar. 56-vjeçari është në spital, në kujdesin e mjekëve.
Në vijim të informacionit paraprak të dhënë mesditën e sotme, ju informojmë se, shtetasi E.B, 56 vjeç, punonjës i Bashkisë Elbasan, për shkak të dëmtimeve, ka humbur jetën në spital.
Aktualitet
Protesta para Bashkisë së Tiranës/ Ambasada italiane dënon dhunën
Edhe ambasada e Italisë në Tiranë ka reaguar për protestën e sotme përpara Bashkisë së kryeqytetit.
Ambasada italiane shprehet se dhuna në një protestë është e pajustifikueshme.
‘Ambasada e Italisë në Tiranë dënon aktet e dhunës të kryera sot gjatë protestës së zhvilluar para Bashkisë Tiranë.
E drejta për t’u organizuar paqësisht e për të protestuar është thelbësore në një shoqëri demokratike, por dhuna ndaj objekteve apo personave nuk është aspak e justifikueshme”, thuhet në reagimin e ambasadës italiane.
Reagimi i ambasadës së Italisë vjen pas reagimeve nga ambasada amerikane, ajo britanike, BE dhe OSBE.
Aktualitet
Kyçi gojën dhe nuk jep informacione për vendndodhjen e nipit, lihet në burg gjyshi i 3-vjeçarit
Gjykata e Durrësit ka lënë në fuqi masën e sigurisë arrest me burg për Rexhep Gjunin dhe kunatin e tij Arben Selaj, për rrembimin e 3-vjeçarit nga nëna e tij. Ndërkohë që gruaja e Gjunit, Bahrie Gjuni dhe vëllai i saj Flamur Selaj, e cila ka dhe djalin e mitur me vete është shpallur në kërkim nga policia.
Nëna e fëmijës ka bërë denoncim në polici dhe uniformat blu kanë arritur të gjejnë vetëm 58-vjeçarin Rexhep Gjuni, por jo bashkëshorten e tij dhe fëmijën. 58-vjeçari, është ndaluar nga policia por nuk ka treguar se ku ndodhet i mituri, ndërkohë që babai i 3-vjeçarit ka humbur jetën një vit më parë në një aksident automobilistik. Fillimisht 58-vjeçari ka deklaruar se fëmija ndodhet në Kukës te disa të afërm, por policia e Kukësit nuk e ka gjetur.
Mësohet se gjyshërit kanë pasur një konflikt me nusen edhe për përfitimet ekonomike pas vdekjes së djalit si dhe frikë se mos nusja e tyre mund të largohej jashtë vendit. Babai i fëmijës Avni Gjuni humbi jetën në shkurt të vitit 2023 në një aksident automobilistik që ndodhi te Kthesa e Kamzës. Të tronditur pas kësaj ngjarjeje dhe largimit të nuses me nipin te prindërit e saj, Rexhep dhe Berile Gjuni vendosën të largohen edhe nga shtëpia e tyre në zonën e ish-Kënetës për t’u zhvendosur në një banesë me qira në të njëjtën zonë. Aktualisht, në banesë nuk ndodhet askush, ndërsa policia vijon kontrollet në bashkëpunim dhe me policinë e Kukësit dhe rrethet kufitare për të gjetur fëmijën dhe gjyshen dhe fëmijën.
Aktualitet
Protesta para bashkisë Tiranë/ Reagon dhe delegacioni i BE: Dënojmë fort dhunën
Pas ambasadës amerikane, për protestën e opozitës përpara Bashkisë së Tiranës ka reaguar edhe delegacioni i BE-së.
Delegacioni i Bashkimit Europian ka dënuar dhunën në këtë protestë. BE shprehet se akte të tilla dhune nuk kanë vend në një shoqëri demokratike dhe nuk kanë të bëjnë fare me të drejtën legjitime për protesta paqësore.
“Ne dënojmë fort dhunën gjatë protestës së sotme në qendër të Tiranës, gjatë së cilës u hodhën mjete ndezëse të improvizuara në godinën e bashkisë. Akte të tilla nuk kanë vend në një shoqëri demokratike dhe nuk kanë të bëjnë fare me të drejtën legjitime për protestë paqësore”, thuhet në reagim.
“Ne dënojmë fort dhunën gjatë protestës së sotme në qendër të Tiranës, gjatë së cilës u hodhën mjete ndezëse të improvizuara në godinën e bashkisë. Akte të tilla nuk kanë vend në një shoqëri demokratike dhe nuk kanë të bëjnë fare me të drejtën legjitime për protestë paqësore”, thuhet në reagim.
-
Pinknews7 hours ago
‘Ke kryer akte të turpshme para kafshës’/Stresit zbulon se Juliana Nura ka qenë në burg
-
Pinknews3 hours ago
Bardhi i ulur në gjunjë i propozon Sarës për martesë, ajo i tha…
-
Politike8 hours ago
“Ballë për Ballë me Regjimin”/ Meta për protestën: Kjo është opozita e vërtetë
-
Pinknews6 hours ago
“Kërkoj falje mamit tim, o budalla”/ Meritoni i përmendi Eglës gjyqin me Saimir Kodrën
-
Aktualitet11 hours ago
Nuk është Altin Dumani: Ja kush është telashi më i madh i Ilir Metës
-
Pinknews3 hours ago
Jashtë ‘Big Brother’ dhe larg Meritonit, Ilnisa Agolli bën ndryshimin drastik në pamjen e saj
-
Politike5 hours ago
Kryetarja e Prezencës së OSBE në Tiranë takon Metën: Mbështesim plotësisht SPAK-un
-
Bota3 hours ago
E rëndë/ Sulmohen me thikë tre gra, autori qëllohet nga policia (DETAJET)